-
موضوع لابد من طرح
دلوقتى يا جماعة كل العربيات الموجودة فى السوق المصرى عربيات يقول لك موديل 2010 وهى عربيات باق لها اكثر من 6 سنوات مش عارفين يبيعوها طيب لماذا يضحكوا على الشعب وتبيع عربية موديل 2003 فى بلدها على اساس انها موديل 2010 واللى مش مصدق كلام زى دا يشوف تويوتا لما سحبت العربيات موديلات 2009 لوجود عيوب فيها هل احد فى مصر اشترى عربية وتم سحبها منة لا طبعا لان العربيات قديمة ومنذ زمن بعيد وعلية انا ادعو جميع الناس بعدم شراء عربيات موديلات 2010 لانها موديلات قديمة وتجار يستغلوا الامكانيات الموجودة فى السيارات وتبيع سيارة موديل 2003 بسعر 2010 هل يعقل
-
-
دة ممكن يحصل على سنة واحدة فقط أو بالكتيير سنتين قول ياعم ثلاثة لكن أكتر من كدة صعب قوى لكن 5 أو 6 سنيين مش عارف بصراحة دى تيجى أزاى يا ريت اللى عندة معلومات يقولنا وربنا يسترها معانا جميعا يا رب
-
الموضوع محتاج مثال صح
يعني العربيات اللي بقى لها كذا سنة زي اللانوس و النوبيرا و الفيرنا و اللادا و الشاهين لما كانت بتنتج كان ممكن الواحد يصدق فيها حاجة زي كده
و باقول ممكن مش اكيد
لكن فيه عربيات اصلا زي الكورولا و الشارك و البيرسونا و السيفيك و المازدا3 مثلا كلها جديدة
-
معلش يا جماعة سؤال
هو ازاى بيتصرفوا فى ورق العربية
مش بيبقى نازل فيه الموديل وسنة الصنع
-
الحاجه الوحيده اللى ماينفعش التاجر يلعب فيها هى الافراج الجمركى واللى بيكون مدون فيها بيانات السياره
بدليل انه لغايه الوقت ده فى ميتسوبيشى لانسر موديل 2008 تباع زيرو لدى الوكيل
وبالنسبه للبومه عليها بادج على القائم مكتوب عليه سنه الصنع
-
العربيات اللى بتتجمع في مصر ممكن يكون موديلات سنوات قديمة مثل اللانوس والفيرنا
-
المثال موجود النسيان الصنى اللى يدخل على موقع الصنى يلقى انتاج 2005 والى الان لسة فى جديد وللعلم الشكل الجديد هو هو القديم بس متغير الفوانيس وحاجة تانية الفيرنا فى لسة موديلات الى الان تباع على انها 2010 ولانوس مع تغير العلامات والطارة بتاعت الدريكسون عايزين امثالة تانية حرام ما يحدث فى المواطن المصرى سواء غنى ام فقير
-
طب م اللانوس نازلة م سنة 97 هي و النوبيرا و لحد الان بتتباع زيرو .انا فاكر اللانوس سنة 2001 كانت عاملة 35 الف جنية زيرو و دلوقتي ب 70 الف سبحان اللة . الفيرنا نازلة م سنة 2004 و الفيفا نازلة سنة 2002 و البومة م سنة 2004 و الصني م سنة 2001 بس عدلو شكل الفوانيس .ايلي بيخلي الناس بتقبل ع العربيات ذات التكنولوجيا القديمة مصاريف التشغيل و الصيانة و توافر قطع الغيار خارج التوكيل باسعار مناسبة و ربنا يوفقنا جميعا
-
يبقا كلام الدكتور محمود مظبوط لان النيسان والفيرنا بتتجمع فى مصر
انما ماينفعش عربيه تيجى من بره ويتلعب فى اوراقها
Content Relevant URLs by
vBSEO 3.6.0 PL2