طب شباب ممكن أعرف انتو فكيتو الوش بتاع الفانوس ازاى عشان مش عايز يتفك بالسيشوار
طب شباب ممكن أعرف انتو فكيتو الوش بتاع الفانوس ازاى عشان مش عايز يتفك بالسيشوار
ياجماعه انا عايز اعمل رينجات دي بس خايف افك وكلام دة
وصراحه عايز اتعلم الاول عملي؟ وشوفت رينج صينى عامل 50 كبير فى سبير كار مش عارف حلو ولا لا .. لانى معرفش انت كلفتها كام يا صحبي؟ يعنى لو اقل فى تكلفه معلش يبقى قولي او نتقابل وتعملها لي بعد اذنك وسوري ع الاطاله
حاجه من 2
الفرن او الــــHeat gun
الفرن على درجه حراره 150 و سيب الفانوس فيه 10 دقائق و ممكن تفتح كل كام دقيقه و تشوف الوش فك ولا لسه و متخافش ان شاء الله مفيش حاجه هتحصل بس اهم حاجه حط الفانوس على حاجه خشب و زياده فالأمان لف الخشبه بسيلفر بتاع الفرن و متنساش تشيل اللمبات و تكون مسخن الفرن قبل متحط الفانوس
اما الHeat Gun مشكلته تمنه بس و المفروض انك عايز توفر, بس لو عندك يبقى تمشيه على السيلسكون بتاع الفانوس و باى حاجه عريضه حاول تفك الوش
بص اللى فالسوق ده صينى و بيبوظ بسرعه و هى تكلفه الرنج حوالى 6 جنيه, و لو انا جيت اعملهالك يبقى انت اتعلمت ايه ؟؟ بص اشترى الحاجه كلها و ربنا يسهل وقت التنفيذ, ماشى و انا تحت امرك فاى حاجه انت عايزها
يابااااشاااا تسلم منا علشان عايز اتعلمها عايز حاجه عملي
وكمان حد فاهم فى فك فوانيس فاهمنى علشان كدة قلتلك تنفذها امامي عامتا شكرا ليك وهتصرف باذن الله سوري ع الاطاله والازعاج يا صديقي تحياتى
الحاجه المطلوبه لصنع الرنج
1-عود اكريلك (العود طوله متر تخانه 10 مم بــ 11 او 12 جنيه و فى 8 مم كمان)
علشان تحسب الطول المطلوب لتصنيع الرنج احسب محيط الدائره (الرنج) =قطر الرنج مضروب * 3.14
2-ليدين اى لون انت عايزه الواحده بــ 50 قرش (5 مم) و فى كمان 3مم بس مش عارف بكام
3-مقاومه على الأقل 270 اوم (330 موجوده كتير)
4-mini craft او منشار او صفيحه منشار او سلاح منشار اركيت
5-لصق فضى عاكس و شريط لحام و لصق شفاف
6-سلك (زى سلك السماعات او حتى سلك تيليفون)
7-ادابتور للتجربه
8-انبوبه سيليكون شفاف
9-Heat shrink (مكرونه سودا)
10-اسبراى اسود مط (لو عايز ترش الجزء النيكل من الفانوس بيدى شكل احسن)
11-حاجه تشكل عليها الرنج (اى حاجه شكلها دائرى تكون نفس مقاس الرنج)
شكراا شيكوو وربنا يسهل واعرف اعمل حاجه ولو انى برضو مش متمكن ؟
وحجات دي كها من مكان واحد ولا ايه....؟تحياتى
انا فاهم اصدقك بس هى بجد مش بالصعوبه اللى انت متخيلها (انت كنت زيك فالأول), ان شاء الله اول متبدأ فيها هتلاقى الدنيا سهله (المتعب هو الشرط اللى فى خلف الرنج بس)
و بعدين مفيش ازعاج ولا حاجه احنا هنا علشان نساعد بعض و زى ماقلتلك انا تحت امرك فاى حاجه
هى عربيتك زى اللى فالصوره, لو كده يبقى يا ريت تشوف طريقه علشان تثبت عليها الرنج قبل ما تعمل اى حاجه علشان متعملش الرنجات و تكتشف انك مش هينفع تثبتهم او مفيش مسافه كافيه بين الوش و قلب الفانوس تنفع تحط فيها الرنج
ايوة فعلا هيا زي اللى فى صورة ؟ بس معرفش هلاقيها فيها ولا
بس اللى مطمنى انى شفت صور للعربيه بس فى خارج عامله الرينج
بس ازي يتثبت معرفش وشكراا ع مساعدتك وتفهمك وعلشان كدة انا كنت عايز حد معاياااا يفهمنى وعلشان مخربش حاجه وافتح حجات معرفش المها تانى واخرب فانوس وكدة
يا عادل باشا محدش منا كان متمكن كلنا بنحاول و بنجرب و اللى مش عارف بيسأل العارف و كل واحد جرب طريقه و لما بتنفع بيقولها علشان يسهل على البلقى و هكذا
بص يا سيدى الليدات و المقاومه من محلات الألكترونيات (النخيلى , رام ,,,,,)(باب اللوق)
الاصق الفضى و الشفاف فاى مكتبه و فى فالتوفقيه كتير
السيليكون و الأسبراى من محلات اللى بتبيع البويات و خلافه
السلك و شريط اللحام من محلات المستلزمات الكهربائيه
عود الأكريلك من عند اسبيرو بلاستك