دعوة للنقاش : سكودا مصر

**horas3000** · 10-02-2010 12:56 PM

السلام عليكم جميعا

اغلبنا قرا عن تقديم السكودا السوبيرب الجديدة لكن اللي لفت نظري في الخبر جملة السفير التشيكي و افتتاح خط الانتاج.
انتاج ايه محدش عارف و بعد البحث لم اجد اي معلومة اضافية عن الموضوع ده.

بما ان الاوكتافيا هي اكتر السيارات مبيعا لسكودا في مصر فالمفروض تبقي هي الاولي او الاجدي بتجميعها في مصر

السؤال بقي ايه هيبقي انطباع الناس عن الاوكتافيا و هي تجميع مصر و ايه تاثير ده علي سعرها و علي منافسينها اخذا في الاعتبار بان الجمارك علي الاوروبي المفروض انها بتنزل يعني استيراد المكونات للعربية هيبقي مسهل اكتر و ده هينعكس علي السعر طبعا....

يا تري ايه رايكم في الموضوع ده

**M.Mosaad** · 10-02-2010 01:22 PM

انا شايف ان الشركات الاوروبيه اللي بتجمع في مصر ( بي ام و مرسيدس ) عاملين مراقبه جامدة علي الوكيل و العربيات ماشاء الله زي برة بالظبط مفيش اختلاف
الشركات الاوروبي معندهاش هزار في جودة المنتج بتاعها يعني مش بتعمل مثلا منتج حسب الطلب زي بعض الكوري و معظم الصيني لا ليهم مواصفات فنيه متقلش عن مثيلاتها الاوروبيه فاكيد العربيه هتبقي هي هي الي بتيجي من اوروبا بس ممكن بقي لو نزلت بسعر مناسب لفئة تانيه هتاكل كل المنافسين بتوعها

بس متوقعشي السعر هيقل جامد لان دي طبيعه العربيات في مصر

**horas3000** · 10-02-2010 08:59 PM

المشاركة الأصلية كتبت بواسطة mohamed_momi88

انا شايف ان الشركات الاوروبيه اللي بتجمع في مصر ( بي ام و مرسيدس ) عاملين مراقبه جامدة علي الوكيل و العربيات ماشاء الله زي برة بالظبط مفيش اختلاف
الشركات الاوروبي معندهاش هزار في جودة المنتج بتاعها يعني مش بتعمل مثلا منتج حسب الطلب زي بعض الكوري و معظم الصيني لا ليهم مواصفات فنيه متقلش عن مثيلاتها الاوروبيه فاكيد العربيه هتبقي هي هي الي بتيجي من اوروبا بس ممكن بقي لو نزلت بسعر مناسب لفئة تانيه هتاكل كل المنافسين بتوعها

بس متوقعشي السعر هيقل جامد لان دي طبيعه العربيات في مصر

شكرا ليك علي ردك و تفاعلك
و ان شاء الله هرد عليك بس لما نشوف اراء اعضاء تانين
يمكن اغير راي و فكرتي عن الموضوع

**د.محمود صلاح** · 10-02-2010 09:15 PM

طيب والأسعار لو ما إنخفضتش ,, إيه لزوم التجميع في مصر ؟؟

**horas3000** · 11-02-2010 09:32 AM

المشاركة الأصلية كتبت بواسطة kareemhisham

ليه ؟ .. ممكن يكون التجميع للسوبيرب عشان سعر الاوتوماتيك منها بنزل بدل ما هي بنص مليون جنيه - طبعا عشان الاوتوماتيك 1800 ..

يعني لما نبص على الباسات هنلاقيها نفس فئة السوبيرب .. و لكن لأنها 1600 فسعرها 200 و شوية ..

فلما السوبيرب تتجمع هنا سعرها هيقرب جامد اوي من الباسات و بكدة هتكون منافس و هتبتدي تبيع و التوكيل يبقى عنده حاجة تبيع غير الاوكتافيا ..

و طلعا الكل عارف الباسات منتشرة عندنا قد ايه

و بالنسبة لو بقت تجميع مصري هحس بأيه .. طبعا الواحد مش هيبقى مستريح زاى لما تبقى جاية من التشيك .. بس للامانة العربيات التجميع مصري محدش اشتكى منها ..

طبعا الكلام دة لو في خط انتاج اصلا !!

صعب يا زعيم انهم يجمعوا السوبيرب
و حتي لو جمعوها ال 1800 سي سي مش هتنزل 200 الف مرة واحده
اخرها اخرها 100 الف مثلا و الرقم ده برضة كبير و صعب الوصول ليه
غير كده كام واحد في مصر ممكن يدفع 200 الف في عربية و كام واحد ممكن يدفع 140 الف
ده لو فرضنا انه هيكون سعر الاوكتافيا لو جمعوها. اقتصاديا و عشان يغطوا التكلفة لازم يجمعوا الاوكتافيا.

اما عن المشاكل ادخل قسم بي ام و مرسيدس و شوف كان في كام واحد بيشتكوا من عربياتهم و التوكيلات قارفنهم. فايه الضمان ان السكودا مش هتعاني من مشاكل التقفيل المصري.

شخصيا حاسس انهم اصلا هيجمعوا يال a4 او a5 و يفضلوا يستوردوا الفنتازيا و طبعا الشعب المصري هيفرح جدا و مش هيقول لا