ممكن حد يعمل مقارنة بين العربيتين دول من حيث المميزات والعيوب وشكرا
ممكن حد يعمل مقارنة بين العربيتين دول من حيث المميزات والعيوب وشكرا
هو مفيش اختيارات تانيه غير الكوري
عموما كل واحده لها مميزات وعيوب غير التانيه
الألنترا اول عيوبها غبــــــور
واسعار قطع غيار عاليه مقارنه بالاوبترا
بصراحه انا اشك في عربيه غبور ولا اشك في انتاج الاوبترا
ومحدش يقولي اصلها كوري لأن عرفت من احد معارفي انه بيدخل فيها انتاج مصري
يعني في شوية حاجات كده بتتحط في العربيه
الوكيل منصور شيفروليه افضل من غبور
الاداء أظن انها الألنترا ولكن اكيد الاوبترا عزمها اشد لأن ده طابع مواتير جنرال موتورز
في النوبيرا وبما انها الجيل التاني من ماتور النوبيرا
وربنا يوفقك للخير وانصحك بالأستخارة
رأى الشخصى الانترا
اما بالنسبه للاخ the_rock002
فا انا ارشحلك انك تتفرج و تركب و تسوق الاثنين لأن ده هايوفر عليك كتيييييييير اوى
لأنك لو عملت كده مش هتحتاج تقارن الفرق واضح
انا وجهه نظرى الشخصيه ان الموديلين ليسوا على نفس الدرجه
الالانترا اعلى
و لك كل احترامى فى اختيارك
والله يا استاذ كيشو انا بقول ان واحد قالي كده يعني انا بأخبر عن خبر وصلي عن طريق أخر
واللي عاوز يتحرى هذا يسأل ويتاكد
اما عني فانا لا اهتم بها علشان اسأل لأني لا اثق في منتجات غبور كلها
من جرب عليه الكذب اتهم في الصدق
والأكسنت القديمه اللي كان محطوطلها عفشه صيني اقرب دليل
طيب موضوع العزم ده
ده بتاع الأوبترا 111/4000
ومن صفر لمائة كلم في 10.7
اما الالنترا فمجهولة الهويه بالنسبة لي ويارت تجيبلي انت بياناتها من على النت علشان كل المواقع الأوربيه غير معترفه بها لأنها مش موجوده اصلا
حتى العربيه اللي الناس كانو طالعين بها السما اللي هيا
I30 فبياناتها
العزم بتاعها 114/4200
من صفر لمائة كلم 11.1
استاذ ابو عبد الله
احب اشير الى ان غبور هو مجرد وكيل
يعنى بيقفل عربيات مش بيخترعها
كما ان بنسبه مليون فى الميه الالانترا كورى
موضوع العفشه الصينى ده اول مره اسمعه كما انا متأكد انه مالوش اى دليل
و ياريت مايكونش الدليل ان واحد قال لواحد و اكيد اكون شاكر لو لقيت دليل واضح و اكيد حتى تعم الفائده و هو الشىء الاهم فى المنتدى
انا مش فاهم اوى الى سيادتك كاتبه
واضح ان فيه حاجه مش واضحه لحضرتك بخصوص العزم و القوه الحصانيه
يعنى مثلا زى ما حضرتك كاتب عن الاوبترا
" ده بتاع الأوبترا 111/4000 "
ال 111 دى لا يمكن تكون عزم العربيه لو ده عزم عربيه يبقى متناسب مع عربيه لانسر كرستاله 1300 سى سى موديل 1999 12 صباب 1 كامه
اما الاوبترا فا موديل 2007 1600 سى سى 16 صباب 2 كامه
يعنى عزمها لن يقل عن 140
ممكن حضرتك تكون تقصد بال 111 دى عدد الاحصنه و طبعا مش هيكون على عدد اللفات دى اكيد اكيد الرقم ده مش العزم
طبعا انا لن اتطرق فى الحديث لمدى شهره الالانترا
عموما بيانات الاوبتر موتور 1600 16 صباب مانوال
القوه الحصانيه: 80 kw يعنى تقريبا 107 hp على 5800 لفه
العزم : 150 nm على 3600 لفه
http://www.globalautoindex.com/model.plt?no=3674&ass=
اما الالانترا موتور 1600 16 صباب مانوال
القوه الحصانيه: 90 kw يعنى تقريبا 121 hp على 6200 لفه
العزم : 153 nm على 4200 لفه
و فى المانوال بتاع الالانترا مكتوب العزم 156 مش 153
http://www.globalautoindex.com/model.plt?no=5647&ass=
و شكرا و كل عام و انت بالف بخير
تميز الاوبترا الاساسي في سعرها,خصوصا المانيوال سعرها هايل 84000 ,تقفيلها من جوه كويس جدا و تحس انها أكبر من سعرها من بره,بس برضه العربيه دي تعتبر قدمت خصوصا انها بقالها فتره في السوق.الالنترا شكلها فريش اوي من جوه و من بره,الكواليتي هايله و طبعا سواقتها حاجه تانيه خالص بس هتدفع تمن ده في السعر الكلي و قطع الغيار.
الخلاصه:لو بتدور علي سعر تبقي طبعا الاوبترا,بس دايما هتحس انها فعلا ارخص من الالنترا.علي فكره الالنترا فعلا هي احسن عربيه في رأيي تجمع بين السعر و النوعيه في قطاع 1600 و هي عن تجربه ااحسن من الصني و اعلي من اللانسر 1600 و ان شاء الله هكتبلكوا مقارنه بين الالنترا,الصني,الاوبترا,ال نسر بالصور ورأي الشخصي فيهم.
صح كده و انضم الي الالنترا و مع احترامي لكل اللي قال ان غبور مش محترم و المنصور محترم اقول مفيش توكيل محترم يرفع تمن عربيته في يوم و ليله 4 الالاف جنيه بحجه البويه
و كمان مفيش توكيل محترم يقولك عربيه فول ابشن و مش منزل فيها الا 2 ازاز كهربا و لا ايييييييه
و ان كان عيب غبور الزحمه اشترك في خدمه ايليت و ريح دماغك
والله دي مشكلة حضرتك انك لما بتدافع عن شئ لا تعلم عنهاقتباس:
موضوع العفشه الصينى ده اول مره اسمعه كما انا متأكد انه مالوش اى دليل
و ياريت مايكونش الدليل ان واحد قال لواحد و اكيد اكون شاكر لو لقيت دليل واضح و اكيد حتى تعم الفائده و هو الشىء الاهم فى المنتدى
واني بتكلم من منطلق معلومات مؤكده عندي
فاللي قالي الكلام ده تاجر من التجار الكبار اللي لهم علاقات مع غبور
والكلام مكنشي ذم في غبور ده كان كلام عن اللي اشتراها لما كانت في السبعينات
واللي اشتراها وهيا بــ 52 الف بس وفرق الفلوس فين
وياريت اسلوب السخريه بتاع حضرتك ده يكون على احد معارفك وليس مع احد لا تعلمه او تعرفه من قبل لأنه بيتفهم غلط
لأن انا لم اقل انه واحد قال لواحد قال لواحد قالي
كلامي كان واضح ولا احب المزايدات عليه عندي حساسية من الموضوع ده
طيب ما حضرتك رديت على نفسك اهه دي على كام لفه ودي على كام لفهاقتباس:
العزم : 150 nm على 3600 لفه الأوبترا
العزم : 153 nm على 4200 لفه الالنترا
متهيألي الالنترا افضل من حيث الشكل و الفخامة و الشياكة في الطريق انما انا ما جربتش غبور و لا منصور لاني بصراحة ما بقتنعش بأي عربية يدخل فيها اي نسبة من المكون المحلي و الدليل النيسان الصني عربية ياباني محترمة انما اي مكون مصري دخل في تقفيل العربية قلل من قيمتها كتير
ربنا يوفقك للخير ان شاء الله
محمد فهمي
الحمد للله انا على علم جيد بهذه الامور
و لكن شتان بين العلم و فرض الرأى
حضرتك رديت على نفسك بأن هذه المعلومات مؤكده عندك فقط و ليس عندنا
فأنا لا اجد اى مبرر لأخذ كلام سيادتك كشىء مسلم به
يعنى من حقك تصدق مصادرك و من حقى انا ماصدقهاش
و مش معنى عدم تصديقى لمعلوماتك اننى لا اعلم فيما اتحدث عنه
و الخلاف فى الرأى لا يفسد للود قضيه ولا ايه يا استاذ ابو عبد الله
بعيدا عن اي حاجه بس في موضوع القوه الحصانيه
هو انتوا نيسيتوا رئيس هنداي كان حيتسجن ليه ؟؟
العربيه عند خالي وبصراحه عربيه شكلها يوحي انها اسد بس طلعت اي كلام
الالنترا عربيه شيك جدا وماشاء الله اسد بجد
علي فكره رئيس هيونداي ما اتسجنش ,هو بس خد حكم مخفف بالغرامه وما كانش علشان موضوع القدره الحصانيه ده خالص ,و انما الموضوع كان هدايا و عمولات اترجمت لرشاوي.
و علي فكره موضوع القدره الحصانيه كانت الفروق فيه من 3%الي 7% مش مصيبه و الشركه اعتذرت عنه, و اعتقد ان موضوع القدره الحصانيه لو في سجن,كان معظم المديرين بتوع الشركات في مصر اتسجنوا.(السيفيك 140,الكورولا 142و اليارس محدش عارف هيه 92 ولا 86)
انا اتفهمت غلط خالص :D
اولا انا صوت لألنترا لأني شخصيا شايف ان شكلها اجمل بسنوات ضوئيه من الاوبترا
ثانيا انا عارف انه متسجنش بس لأسباب انه من اهم عناصر الاقتصاد القومي لكوريا
لو كانت هونداي موصلتش للي هي فيه حاليا كان اتسجن :)
بالنسبه لموضوع القدره الحصانيه المزوره فأنا كنت اقصد برساله غير مباشره ان في ناس بتدور
عملي الارقام حقيقيه ولا لا :)
اما اذا كانت قدره السياره مزوره 1% بس فدي مشكله :) يعني انا ممكن اختار هيونداي عشان هي اقوي عشان احتياجاتي لعربيه اقوي فمينفعش تزوير ابداا فيها
فمينفعش برضه نقول 7% مش مشكله يعني :)
و الشركه اعتذرت بعد ما اتكشفت :D يعني لو مكنش حد كشفها كنت تتوقع انهم حيعتذروا ؟؟
دا يعتبر تضليل للمشتري :)
بالنسبه للي في مصر فهما مش بيكذبوا بمعني الكذب هما بيتلاعبوا بالالفاظ :)
ال140 و 142 دي كلها ارقام صحيحه 100%
لكن علي المتور لوحده :D يعني مش القوه اللي بتوصل للعجلات في الاخر
و في الاخر برضه انا افضل النترا عن اوبترا
و الله اعلم بقي بموضوع التوكيل ملاك السيارتين يفيدوكم :)
والله يا استاذ هشام ما هو من العيب ان احنا هنا نوصل لمرحله ان احنا نكدب بعض
يعني لو شايفني مصدر غير موثوق به ودائما بقول كلام كذب او غير متحقق منه يبقى حضرتك مالهاش لازمه ترد على كلامي من اساسه
هترد على واحد بيقول كلام مش واثق منه
وثقتني هنا ليس ان انا فعلا سمعت الكلام ده
وانما ثقتي هنا اني متأكد مليون في الميه وليس هناك شك ان اللي قالي ادرى مني لتعامله معهم وكلامه لا يوجد ما ابرر به لنفسي انه بيخترع او بيألف او بيهول فكلامه كان صريح وهو راجل كبير وتاجر سيارات قديم
فيعني مش قاعدين على قهوه وواحد رمى كلمه وانا مسكت فيها
ولما يأتي احد بخبر وانا لا اعلم صحته عليا التأكد قبل ان اتهم احد بان كلامه ليس في محله وانا لا اعلم اين صح
ولا يمكن غبور ده من المُسَلَمَاتٌ المعروفة الغير قابله للنقاش وانا مش عارف
وشكرا
الإلنترا GLS أوتوماتيك بـ 113ألف المقابل ليها الأوبترا Full Option بـ 91 ألف.
أكيد فرق الـ 22 ألف جنيه دول ليهم معنى!!
الأوبترا بالتأكيد ميزتها الوكيل بتاعها و سعرها الممتاز في الفئة بتاعتها و فيها ميزة كمان ثلاجة في التابلوه بتشتغل مع التكييف.
و شكراً
موضوع السعر في مصر مالوش دعوة خالص بالكفاءة خصوصا مع غبور. يعني ممكن حضرتك تقوللي ليه سعر الفيرنا 1600 اوتوماتيك وصل ل 76000 رغم انها تقفيل مصري سئ و خاماته فقيرة و السيارة بها عيوب معروفة للجميع بجانب ان الموديل قديم جدا و انتهي انتاجه بالخارج من سنين؟؟ عموما موضوع السعر يخضع لمزاج الوكيل و به ناحية تسويقية لأن الناس يميلوا للاعتقاد الفوري أن الأغلى هو بالضرورة الاحسن و لكن الاهم من السعر ما هي الفروق التقنية الموجودة بين السياراتين؟؟؟
أنا هحاول على قدر معرفتي البسيطة و يا ريت الأخوة يصححولي لو أنا غلطان:
محرك الإلنترا أحدث و أول مرة يستخدم و ليس carry over من سيارة موديل أقدم
تكنولوجيا CVVT أو constant variable valve timing
EPS أو Electronic Power Steering
هيا فعلاً أوسع بس برضه من رؤيتي أنا و ياريت حد من الأخوة الزملاء يكون جرب الإثنين يقول رأيه برض علشان نتأكد مع بعض.
طبعاً يدون الدول في مسألة الشكل لإن دي أذواق بس الحقسقة الإثنين شكلهم فعلاً جميل.
ده لينك للـ consumer reviews في أمريكا عن العربية
http://www.edmunds.com/hyundai/elant...eview.1...html
علشان فيه بعض الناس مش بتقتنع أوي بتقييمات المواقع فدي تقييمات المشترين للسيارة.
و كمان واضح إن سعر السيارة من 13 ألف إلى 17 ألف دولار يعني نفس مجال سعر الـكورولا و اللانسر و السيفيك و النيسان سنترا تقربياً.
أعتقد إن الإلنترا قيمة جيدة مقابل ثمنها و ده من الـ Reviews الكثيرة زي في JD Powers و Edmunds و غيرها يعني مثلاً الكورولا الجديدة و اللانسر الجديدة و السيفيك الجديدة لو الإلنترا نازلة بنفس الكماليات اللي فيهم حتلاقوا إن سعرها زيهم تقريباً هوا بس التوكيل على ما أعتقد نزل مصر سيارة بدون كماليات كثيرة علشان المنافسة السعرية.
إنت طبعاً عندك حق إن التوكيلات في مصر ساعات بتسعر السيارات على مزاجها بس مش في 25% من سعرها مثلاً:).
بالنسبة للفيرنا و الله أنا مش عارف الناس بتهاجمها ليه_ أنا شايف إنها سيارة ممتازة و الله بالنسبة لسعرها. أنا واحد صديقي طبيب شغال في مكتب علمي لإحدى شركات الأدوية الكبيرة و كانت الشركة مسلماه الأول عربية 128 ثم إكسل 1300 ثم أكسنت ثم فيرنا و اخيراً لانسر. و الراجل بيشكر في الفيرنا جداً و ده شغال طحن بالعربية طول النهار مشاوير في عز الزحمة و سفر متواصل و تكييف مابيبطلش و صيانة قليلة جداً لإن معندوش وقت و هو سيارته الخاصة على فكرة كانت لانسر 1998 و من إسبوع بس أوبترا full Option أوتوماتيك و بالنسبة له الفيرنا كانت سيارة ناعمة و واسعة و سريعة و ما شافش منها أي مشاكل لحد ما سابها.
أخيراً أنا بس عايز أوضح لحضرتك إن محدش قال نهائي إن الأوبترا مش كويسة بالعكس تماماً الأوبترا عربية فوق الممتازة و يكفي إنها تكمل مسيرة النوبيرا و النوبيرا سيارة فعلاً رائعة و محدش إشتكى منها.
و شكراً لسعة صدركم.
أنا نفسى فى موضوع المقارنات دى إنى أضع سيارتين أو أكثر بنفس الفئة السعرية علشان تبقى المقارنة موضوعية و غير ظالمة لأى سيارة يعنى مثلا أقارن بين الأوبترا و الإلنترا و بينهم 22 ألف جنيه .... إزاى ..... دى مقارنة محسومة طبعا لصالح الإلنترا ، طيب إيه رأيكم لو تمت المقارنة بين الأوبترا الأوتوماتيك و الفيرنا الأوتوماتيك و بينهم 16 ألف جنيه فقط ..... طبعا دى مقارنة غير واردة
مع إحترامى للفيرنا (و أنا فعلا شايف إنها عربية زى الفل)
و لا إية رأيكم نقارن بين الإلنترا و الكورولا و بينهم تقريبا 25 ألف جنية
وعلى فكرة السوق حساس لدرجة كبيرة خصوصا لما الفرق يصل مثلا لـ20% من سعر السيارة
أعتقد إن فكرتى وصلت
و رأيى فى الأوبترا بعد التجربة إنها عربية أقتصادية فى سعرها و قطع غيارها و مش محتاجه ميزانية خاصة و تستاهل كل قرش يدفع فيها يعيبها إن صاجها ضعيف شوية زى معظم السيارات الحديثة