الموضوع: عيد حب سعيد للجميع

هو ليه كل موضوع لازم يتقلب مسلمين ومسيحيين
هو احنا خلاص عملنا كل حاجه صح في دنيانا وطبقنا كلام الله ورسوله
ومش فاضللنا غير اننا نبطل نتشبه بيهم؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
هو كل ما حد يفتح موضوع حنجري ندور علي فتاوي نحرق بيها دم الناس؟؟؟؟؟
طيب اديني قاعد بدور علي فتاوي وانا مولع سيجاره في ايدي
هو مش السيجاره دي حرام ؟؟؟؟؟؟؟؟؟؟
مش ابدا بنفسي واقومها وبعدها ابقي اشوف الناس بتعمل ايه ؟؟؟؟
ولا هو حرق دم للناس وخلاص ؟؟؟؟؟؟؟؟؟؟؟؟
ولا احنا لازم ناخد الاتجاه المغاير دايما علشان نبين ان لينا راي ؟؟؟
لو اللي بيكتب بيكتب كلام من دماغه حنناقشه
انما كوبي وبيست وحرق دم يبقي مش حنناقشه وحيحصل هجوم عليه
كمان الاخ اللي كتب لكم دينكم وليا دين
مش تكمل الايه الكريمه او تكتب السوره كامله ؟؟
ولا حنعمل زي ما الناس بتقول ولا تقربوا الصلاه وخلاص علي كده ؟؟؟
لكم دينكم وليا دين دي كانت للكفار اللي بيعبدوا الاصنام
مش للي موحدين بالله
حتقولي اصل المسيحيين بيقولوا مش عارف ايه ودول مش مسلمين
حقولك طيب انت جاي علي اللي مش من دينك وسايب اللي من دينك (الشيعه) اللي بيقولوا ان رسولك اصلا نزل عليه الوحي غلط
وانه كان المفروض يكون نزل علي عللي ابن ابي طالب
طالما احنا جامدين اوي بقي وبنقول فتاوي وبنعمل بيها
==============================
اظن اننا ناس اعقل من كده
والدين المعامله
هو مسيحي ولا يهودي فكلها رسالات انزلها الله تعالي وكلنا مؤمنين بيها
انا ليا الناس بتعاملني ازاي
وسواء مسيحي او مسلم بنتصل ببعض وبنعيد علي بعض وبناكل في طبق واحد
مظنش ان المسيحيين في عيد الحب بيدبحوا قربان للتقرب من اله الحب علشان نقول منعملش زيهم
اظن ان الاعياد بتقرب الناس من بعضها
للمسمي بتاعها فقط مش علشان هو عيد
لا علشان بنفتكر ان فيه ناس ناسيينهم ولازم نكلمهم يومها وبيزيد التواصل والتراحم بين الناس وبعضها
اللي عنده اراء دينيه معينه لاي طائفه حيلاقي مليون منتدي تاني غير هنا
احنا ولا متعصبين ولا متحيزين
احنا منتدي سيارات
برجاله وسيداته واطفاله ومسلمينه ومسيحيينه وبكل عضو فيه
وكل واحد يحترم التاني وميجرحهوش باي كلمه او لفظ
اللي مش عاجبه ومش عاوز يسيب المنتدي يبقي ميطالعش مواضيع المنتدي الاجتماعي او يكلم الاداره
ويطلب حجب المنتدي الاجتماعي عنه
وبراحته في الاقسام المتخصصه
فيه مليون منتدي ديني مسيحي او مسلم وليهم ارائهم وبيهاجموا بعض
ودول احنا ملناش دعوه بيهم ولا عاوزين يبقي لينا دعوه
الكلام اللي يتقال هناك ميتنشرش هنا
مش علشان شخص كويس ومحترم وطلع مسيحي مش حعرفه علشان هو مش علي ديني ولا حدخل بته
والتاني مسلم وبيكدب وبيسرق يبقي لازم اصاحبه علشان هو مسلم
الناس بمعاملتهم وكلمتهم الطيبه