المشاركة الأصلية كتبت بواسطة aboelnagah
بصوا يا جماعة موضوع الجزائر ده بقا موضوع كبير وفيه كلام كتير
انا هقول حاجة مهمة مالناش دعوة بالجزائريين دول اصلا ناس عندها نقص فى التفكير وهما اصلا من زمان بيكرهوا مصر وكتير من الدول العربية بيكرهوا مصر
بس نيجى بقا للاهم : انت كمصرى عملت ايه لنفسك ولبلدك
شايفين وضعنا دلوقتى واللى بيحصل في البلد
انت جوه بلدك بتسرق اخوك , كل واحد بيحاول ينصب على التانى فى اى شغل ولو حتى ابسط الحاجات
انا من جوايا بعيط والله على حال مصر لاننا بجد بلد جميلة وانا بعشقها والله (( ممكن واحد يقول ياعم فكك من الهجص ده زيها زى غيرها وانت عامل نفسك وطنى واحنا معرفش ايه ))
لا انا مش وطنى انا مواطن عادى جدا بيحب بلده نفسى يبقى عندنا علم وثقافة وحضارة زى الاول احنا اقد دول العالم عندنا اكبر حضارة
ونلاقى واحد زى احمد عز اللى عنده فلوس مالهاش حصر ولا عد يقول نبيع الاثار ونعمل تجارة الاثارة تجارة مفتوحة اكيد اللى بيقول الكلام ده مش مصرى ولا فايق للى بيقوله الفلوس وحب المال والجاه غمى عنيه وخلاه انسان لا كيان له لما يبيع كيانه وحضارة مالهاش وجود زيها فى دوله تانية
لازم نفوق شوية من اللى احنا فيه وننسى الجزائريين لانهم ولا يمثلوا لينا ذرة احنا نفكر فى نفسنا نحاول نعدل من نفسنا شوية
لو كلامى طويل ولا فيه كلام مالوش لازمة بس ممكن يكون ولو جزء ولا كلمة منه صح
والله بحبك يا بلدى