الموضوع: مقارنات

انت بتقارن الاربعة مع بعض ولا اثنين اثنين ؟؟؟؟

عموما نمسكهم اثنيين اثنيين :
البيكانتو والاي تن : الاثنين 1100 سي سي تقريبيا و65 حصان بانسبة للمحرك ,كامة واحدة
البيكانتو كوريا الصنع كورية التجميع
الاي تن كورية المكونات بس مش كلها وهندية التجميع
الثبات في الاثنيين معقول ومقبول بنسبة كبيرة
البيكانتو ذات عفشة ناشفة شوية وده بيعطي نسبة ثبات شوية ولكن الاي تن عفشتها ناعمة وثابتة برده
البيكانتو ذات جنوط مقاس 14 ومرتفعة عن الارض وده بيخلييها تتنطط شوية مع مطبات الهواء ولكن صعب انها تحك في الارض حتى مع التحميل
الاي تن جنوط مقاس 12 وقريبة من الارض شوية
الوسع الداخلي كويس جدا وخاصة قدام للبيكانتو ولكن الشنطة صغيرة .......الاي تن مركزتيش في الوسع ولكن اعتقد هتكون قريبة من البيكانتو
التكييف في البيكانتو فريزر بس معرفش الاي تن عامل ايه
الباور في البيكانتو كهرباء
التوكيل : توكيل كيا افضل من غبور
الصني والياريس :
الصني 1600 سي سي و 118 حصان
الياريس 1300 سي سي و يقال 92 حصان !!!!
الصني ياباني المكونات والتجميع مصري
الياريس ياباني مكونات وتجميع
الثبات لصالح الصني
الشكل للصني تقليدي شوية ومتغيرش من فترة وللياريس جديد بس اذواق
الياريس اعلى عن الارض وده مقلل ثباتها
اعادة البيع اعتقد لصالح الياريس