عرض للطباعة
بالنسبة لي السيريون أكتر حاجة عجباني فيها وسعها الداخلي، مش باحمل هم عدد كبير يركب معايا عشان ما شاء الله بتستوعب فوق ما باتوقع كل مرة :Ta_clap[1]:
تصميمها كمان الملموم مساعدني أوي في الركنة، طبعا ده غير شكلها اللي لفت نظري أول ما شفتها.
مش عاجبني فيها مكان زراير المرايات الكهربا و مكان زرار الإنتظار كمان تايه كده في وسط زراير التكييف، مش ظاهر كده و واضح زي مافي عربيات تانية باشوفها.
كمان استهلاكها في البنزين موفر جددددددددددددا و ثابتة على السرعات العالية.
العربيه هيونداي فيرنا
عاجبني :B4_033:
في العربيه الموتور الشديد و الرؤيه الواضحه و بساطه التابلوه و شكل الدركسيون و الفتيس
مش عاجبني:H_angry[1]:
في العربيه الانخفاض الشديد ليها (بتعلم على اي مطب) و ضيق الكنبه اللي ورا نسبيا (مش ضيقه قوي)
و الاستهلاك العالي للبنزين (1600cc )
ال127 مبتسحبش بنزين خالص
بمشى بيها فى الشارع و انا مش خايف عليها
حاجتها ببلاش
والى مش عاجبنى فيها اى حاجة ممكن تتخيلها غير المميزات:C_laugh[1]:
عموماً مايعجبنيش فى العربيات أماكن الزراير الناقصة للكماليات الناقصة بسبب تخفيض ثمن العربية
المرسيديس حجي باءة بحب فيها وسعها و بحس قاعد في فوتيه و سبتة جداً فالطريق الستريت و بتجيب سرعة و مبحسش بيها و لما بمشي فالشارع الكل بيوسعلي و محدش بشفني بيها إلى و يقلي يا باشا برستيج يعني
و باستخدم قاعدة مد بوزك الأول تعدي الأول بكثرة حيث أن مفيش عربية في مصر تقف قدام بوزي والحمدلله
والبيحك فيا هو إلي بيزعل
أما باءة إلي مبحبوش وطيةعل أرض و بتحك في مطبات مصر كلها
صوت ماتور عالي جداً على مفيش أنا بحب صوت موتورها بس مابحبش انها تطلع صوت غول و فالأخر ماشي على 60
سلملي عل بدي رول جامد جداً بحس اني راكب مراجيح أم أحمد فالملفات الجامدة
عربية مش شبابي
إستهلاك بنزين إبن تيت تقريباً الصفيحة بتعمل 140 كم إن مكنش أقل
و طويلة جداً مبلقيش ركن خالص عندنا فالدمرداش ولا في شارعنا
بس هي عربية لا غبار عليها حملة اسية 26 سنة و عدد مليون كم و بتؤل كمان بسم الله ما شاء الله
عجبنى فيها
الثبات الالمانى المتميز
الفرامل القوية بتسعفنى كتير
قوة الصاج الخارجية والاحتفاظ بالشكل الجمالى الحديث
معدلات الامان العلية
مش عجبنى
ثبات المرياة كل شوية تتخبط من العربيات والناس قلى مشية
1600 ضعيف على الاوبل فى الطلعة الاولى
كرسيها صحية اة لكن غير مريحة الا بالتعود
الكراسى والكنبة كبار اوى وخدين حيز كبير اوى من وسع الصلون
دا ع اني نوع ؟؟اقتباس:
المشاركة الأصلية كتبت بواسطة tamertamer
الاوبل كله كدا اكيد لا ياتامر
وبعدين 1600 ضعيف ع الاوبل ؟!!! غريبه دي وبعدين حكايه الكراسي مش مريحه دا اول مره بسمع واحد بقول كراسي اوبل مش مريحه؟!!
انا كمان ميعجبنيش في العربيات نقص الكماليات فعلااقتباس:
المشاركة الأصلية كتبت بواسطة د.محمود صلاح
=================
في عربيتي السيريون
طبعا عدم وجود امبلايزر للماتور وقفل السنتر نهائيا من جانب السائق
يعني انت ممكن تقفل السنتر ولكن لو اي احد فتح قفل بابه هيفتح عادي
ولكن في العربيات الفخمة بيبقى قفل السنتر من جانب السائق بيقفل الابواب ولا يفتحها نهائيا الا من جانب السائق فقط
وكل ده بسبب سياسة التسعير
انا بحب فى عربيتى الوسع الداخلى للعربية .. علوها عن الارض يعنى مش بتحك فى اى مطب مهما كان
ثباتها جيد على السرعات العالية ... وصاجها قوى جدا جدا (مش كل الاماكن) لكن تحس ان المكان الاقل صلابة معمول بفكر وليها غرض
العيوب اللى خانقانى العربية عريضة ولما بركن بتبقى العربية متطرفة برة شوية
عن باقى العربيات ودة بيخليها معرضة انها تتخبط او تتحك .. ودى من اكتر الحاجات اللى مضايقانى
ان العربية اتخبطت 3 مرات وهى واقفة .. حاجة كمان بالاضافة للعرض ان المرايات الجانبية كبيرة شوية
المراية اللى فى النص صغيرة شوية عايزة تكبر حوالى 2 سم
فى ايه تانى مضايقك فى العربية يا واد يا عمرو :U_thin1[1]::U_thin1[1]: ؟؟!!! .. اه العربية مافيهاش انذار
بس كفاية كدة احسن لوجى تزعل ... وشكرا يا محمود على الموضوع الجميل
لا العفو على ايه :F_eyeb1[1]:اقتباس:
المشاركة الأصلية كتبت بواسطة ringoo
بيعجبى :
1- الثبات الى ملوووووش حل
2-السحب الممتاز (مقارنه بكل عربيات فئتها)
3-الفتيس الايزى ترونيك
4-الشكل
5-الوسع
6-التابلوه و الخامات
7-التقفيل
8-الكماليات
9-الفرامل الى بتنقذنى من الموت
مش عاجبنى:
1-بتتهز كتير اوووووووووووووووووووووووو ووووى فى الحتت المكسره فى الشوارع
2-مفهاش بارك سنسور
3-مفيش اماكن تخزين فى العربيه من جوا (قليله اوى)
4-عربيه فقر و بتشائم منها و و كفايه انها اكصدامها الامامى اتكسر (فى نفس الحته الى ى تحت الفوج)مرتين فى 5 شهور و تمنه 3700 جنيه !!!!غيرته اول مره و عملت فيها سبع رجاله فى بعض و المره التانيه لسه مصلحتوش بس هلحمه بقى ...
5-كله بيبصلى على انى اهبل عشان جبتها و مجبتش اوكتافيا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
مش فاهم انا حكايه الاهتزاز دي يا خالداقتباس:
المشاركة الأصلية كتبت بواسطة khaled ayman
كيا برايد
بيعجبني استهلاك البنزين
ومايعجبنيش خامات التابلوه
الدايو الجوليت
و الله عربيه حلوه و بتشم بنزين وشكلها جميل جدا
بس منتشره اوي يعني زيي زي غيري
ده غير انها ضيقه جدا من جوه اخرها 2 راكب مع الرأفه
و كمان وااااااااااااطيه جدا و انت قاعد فيها تحس انك قاعد علي الارض
ههههههههههههههههههههههههه ههههههههههههههههههههههههه ه :majd(4):هههههههههههههههههههه ههه:majd(4):اقتباس:
المشاركة الأصلية كتبت بواسطة OlaOsman
معلش يا علا والله لسة واخد بالى .... امبارح كنت فى حالة من ال لا وعى وكان نفسى انام
مش عارف ايه اللى خلانى افتكر ان اللى عامل الموضوع محمود موتوريزر
بجد يا ريت ماتزعليش وموضوع مفيد جدا على فكرة .. الواحد بقى فى التراوة خالص
موضوع حلو اوي الحقيقه يعني , بالنسبه للانسر من مميزاتها :_
وسعها الداخلي - شكل العدادات رائع - عاليه عن الارض -الثبات-الفرامل -الشكل بصفه عامه.
اما بالنسبه للاشياء المتضايق منها :_
مفش فيها انذار-التابلوه فاضي-في كده حاجة غريبه اوي وهي ان عند السائق يوجد زر بيمنع باقي الراكبين انهم يفتحوا الشباك من عندهم تمام كده ,الاجمل بقى انه بيمنعني انا كمان اني اتحكم في الشبابيك دي ماعدا شباك السائق عادي افتحه واقفله ولما قارنت بسيارة من موديل تاني لاقيت ان الدنيا وردي وان السائق بيبقفل على الناس كلها وهو يفتح شبابيكهم ويقفلها بكيفه دي حاجة سخييييييييييييفه اوي يعني -اخر حاجة المرايات الجانبيه مش عريضه اوي يعني مش زي البومه ,,,وشكرا
انا قصدى يا نجد انها بتتحرك فى المطبات كتير ...اقتباس:
المشاركة الأصلية كتبت بواسطة n.a.j.d
يعنى بتلطع و تنزل كتير ....
و ده متعب شويه
لا ولا يهمك.. بتحصل :original:اقتباس:
المشاركة الأصلية كتبت بواسطة ringoo
هو يمكن عشان انا و محمود سيريوناوية زي بعض و كمان لون عربياتنا زي بعض :E_braces[1]:
يعني دا ف الفكترا 2008 ولا كل اموديلاتها كدااقتباس:
المشاركة الأصلية كتبت بواسطة khaled ayman
؟؟!!
اللى عاجبنى فى العربية :
شكلها الرياضى ,واسعة,ثابته على اى سرعة مهما كانت سواء ملفات او طريق مستقيم ,واطية عن الارض وانا شايفة ميزة جميلة جدا عشان ماينفعش عربية بالسرعة دية تبقى عالية نهائى ,ماتورها اللى بيعلم على اى حد
اللى مش عاجبنى:
قطع غيارها غالية جدا جدا ولازم تجيبها الاصلية ولو ركبت التقليد هتلاقيها واحدة تانية خالص
استهلاك البنزين الجميل جدا مع المشى العادى لكن يوم ماتفكر تشد انسى انك تفكر فى البنزين ودة بيخلينى ارجع كتير انى اشد بالعربية واقول حرام البنزين اللى هايطير دة
سقفها من ورا منخفض شوية ودة بيخلى اللى اطول من 185 سم راسهم تخبط فى السقف ولازم يتحركوا بجسمهم الى الامام قليلا لكن اى طول اقل من كدة قاعدين مستريحين جدا مع انها رياضية مش عائلية
لازم امون 95 عشان تاخد قدرة الماتور كاملة وتسمعة هادى لكن مع ال92 بيضيع كتير قوى من قوة الماتور دة غير انة بيعلى صوتها
انا باسات و جيتا و هتكلم عن الباسات لانى مبحبش اركب الجيتا
مميزاتها
البرستيييييييييج الناس كلها بتبصلك(اللهم لا حسد)
الثبات ابن تيييت جامد اخر حاجة
التابلوه و التقفيل جامدين
مكنة جبارة و بتعلم على اى واحد(عن تجربة)بس من سرعة 30 و انت طالع
فرامل انقذتنى كذا مرة من اللبس اخرها كنت هلبس فى اتوبيس من ورا
الواحد بيوديها التوكيل فى المعاد و بعد كدة ينساها بمعنى الكلمة
عيوبها
بتحك لو المطب غبى مش عشان واطية لاء لكن عشان طويلة فلو المطب قصير العجل الى قدام بينزل من المطب و الى ورا بيكون لسة مطلعش ف بتحك
الركن مع انها مش مشكلة عويصة عشان عندنا فى المنصورة الشوارع مش زحمة للدرجة
لما بسافر بحط 95 عشان تأدى كويس
العلامة بتتسرق مرة كل اسبوع لدرجة انى جبت 8 علامات صينى و حططيطهم فى العربية عشان لما تتسرق اركب الى بعديها على طول
ده الى انا فاكره
2008 ...اقتباس:
المشاركة الأصلية كتبت بواسطة n.a.j.d
ده نوع من نشوفيه العفشه يا نجد ...
و الاوكتافيا كده بس الفيكترا ازيد شويه ..
اللى عاجبنى فيها اول حاجه انها مش منتشره ... ومميزه .. لانى من عشاق التميز .. طول حياتى والحمد لله
ومفيش ناس كتير عارفه ومقدره قيمة وامكانيات العربيه ... ماشاء الله عليها ...
واللى مش عاجبنى فيها .... ان لونها احمر روبى عشان انا زملكاوى ...ههههه
بس مالبيد حيله
مقدرتش استنى واللون الاسود مكانش موجود
اضافه الى سابقا مكان الطفايه بتاع السجاير ادام الفتيس ...
لكن معادتش بتشكلى مشكله لانى بطلت تدخين والحمد لله بقالى فتره كويسه
منك لله يا منصوراقتباس:
المشاركة الأصلية كتبت بواسطة khaled ayman
انا ياخالد عارف العربيه دي كويس ومفيش عندنا الكلام دا خالص
بروتون برسونا
مميزاتها بالنسبه لى :
1-ثبات خرافى على السرعات العاليه (مفيش عربيه سعرها تحت ال 100 ثابته كده غيرها)
2- تسارع مرضى جدا (يعنى بتشد كويس بس مش زى العربيات الخفيفه فيرنا ونيو اكسنت وكده لانها 1200 كجم)
3- كمالياتها كتيييييير جدا
4- شكلها روعه جدا وفخم اوى
5- عفشه وموتور رياضيين واداءهم عالى جدا
6- سعرها روعه ومافيش عربيه زيها وبسعرها ولا كماليات ولا اداء ولا شكل ولا اى حاجه
عيوبها :
1- زاوية الدريكسيون ديقه (لما تيجى فى ملف ديق لازم تاخده على مرتين)
2- مشاكل تافهه كتير بيتدايق الواحد ( مشاكل تقفيل الكماليات والصالون فقط)
3- ابعادها غير مرئيه ( عشان تركن لازم بالسينسور لان عمرك ماهتشوف حاجه اكمن الشنطه عاليه جدا)
ولكن كمجمل فى رأي افضل سياره فى فئتها السعريه والحمد لله انى اشتريتها
نيسان صنى 2009 الشكل الجديد
مميزات
1- موتور قوى
2- عفشه عاليه وعمرها ماتحك
3-كماليات كويسه
4-سعر رائع مقارنة بجودة نيسان
عيوب
1- صوت الموتور عالى
2-فرامل سهل تزحف جامد
3- ديقه جدا من ورا
4- دواسات القياده قريبه جدا فلازم تتنى ركبك حتى لو مرجع الكرسى وده سبب ديق الكنبه انك بتضطر ترجع الكرسى جامد
لكن ايضا هى عربيه كأساسيات عفشه وموتور ممتازه وحمالة اسيه جدا
هيونداي فيرنا... المميزات و العيوب من وجهة نظري
مميزات العربية:
1- سحب و تسارع ممتازين
2- عفشة مريحة مش ناشفة
3- تكييف ممتاز و تأثيره على السحب بسيط
4- باور و فتيس ناعمين جداً
5- استهلاك بنزين جيد جداً لفئة الـ1.6L (وصلت لمعدل 13 كم لكل لتر / اوكتان 92 بدون تكييف و 12 كم لكل لتر بالتكييف )
6- افضل قيمة مقايل سعر في فئتها Value for money
العيوب:
1- خفيفة.. لا اثق فيها على السرعات العالية اكتر من 100 كم/س (العربية حالياً بدون اي تعديل)
2- العزل مستواه مش كويس .. مقبول
3- الصالون ضيّق
4- الهاف اوبشنز فقيرة جداً في الكماليات ... انا معنديش عداد RPM كمثال
في النهاية العربية شايفها كويسة جداً بالنسبة لسعرها...لو رجع بيا الزمن كنت اشتريتها اوتوماتيك :) و شكراً لطرح الموضوع
لازم الاول اشكر اختي السيريونيه الكبيره علا اللي بتغيب علينا شويه ثم تشرق علينا بموضوع متميز جدا
نيجي بقه للموضوع بالنسبه للسيريون موديل 2008 اتوماتيك ممزيتها:
1-واااااااااااااااااااااااس عه ومريحه جدااااااااااااا
2-باور ناعمممم جدا وخفيف على السرعات الصغيره وماسك نفسه جداااا على السرعات العاليه
3-شكلها الخارجي بيعجني 4-شكلها الداخلي ورسمه التابلوه جميله
4-تكييف جيدا ومش بياثر قوي على الموتور مع ان عربيتي اتوماتيك ده حتى انا بحس انها من اول سرعه 100 مع التكيفف سحبها بيبقى حلو اوي
5-موتور ممتاز جداااااااااا (1300 سي سي ) بس بجد موتور قوي انا كان معايا كريستاله قبلها بصراحه السيريون موتورها شديد عن الكريستاله وبيسحب حلو قوي مع ان شكلها ميديش على جري خالص
6-استهلاك البنزين حلو قوي مع السرعه المعقوله وكمان من غير قرص او حرق على العربيه ومش بتفرق تكييف او من غيره تقريبا فر غير ملحوظ
7-بيعجبني اوي انها بتنزل فول اوبشن بجد مع فرق الفتيس فقط مانوال و اتوماتيك مش زي عربيات تانيه لسه بيعتبروا الزجاج الكهربائي والسنتر من الكماليات الرهيبه وبينزلوها فاضيه(من غير ذكر اسماء عشان محدش يزعل)
العيوب
1-شكل العدادااااااااااااااااااا ااااااااااااااااااااااااا ت بينرفزني ونفسي افهم ايه وجة نظرهم في الكالو او الكبسوله اللي عملنها دي !!!!!!
2-مكان زرار المرايات (بس في الاول بس ومع التعود خلاص )
3-بتنزل بكاوتشات تعبانه اوي ورفيه جدااااا 14 175/65 و ده منشف العفشه جداا واي نقره او عين القط تحس بالرزع في العربيه وكمان خشن قوي وصوته عالي
4-العزل متوسط والكوتشات صوتها مسموع وصت الموتور مسموع
5-بعض الاصوات اللي بتظهر وتختفي ودي انا مش بعتبره عيب عربيه اكتر مهو عيب في الطرق المتسفزه بتاعتنا اللي بتهد اي عربيه
6-الزجاج الخلفي صغير لو راكب 3 وره يبقى خلاص مش هتشوف اي حاجه (بس تقريبا كل الهاتش باك كده)
7-عدم وجود لمبه لحزام الامان وللابواب في التابلوه حاجه غبيه برده
8-العربيه بتنزل من غير ريموت وكمان المفتاح بتاعها اللي يشوفوا يفتكروا مفتاح توكتوك
9-الدواسات صغيره جدااااااااااا شواء البنزين او الفرامل وخصوصا الفرامل ودي مسببالي انا مشكله لاني متعود على الدواسه الكبيره في الصني او في اللانسر اللي كانت معايا
ده اللي انا فاكره دلوقتي
بالنسبه للنيسان صني موديل 2008 اتوماتيك مميزاتها :
1- شكلها الخارجي ممتاز الصراحه وشكلها فخم اوي
2-موتور ممتاز جدااااااااااااااااااااا بعتبره اهم ميزه فيها
3-فرامل ممتازه معرفش ناس كتير اول ما جبتها قعدوا يقولولي ده عيبها فراملها ضعيفه محستش بالكام الغريب ده
4-تكييف حلو بس تشغله على الهادي لما بشغله على 3او 4 بحس انه مش بيبرد كويس!؟
5-تسارع بتاعها جميل واستجابه العربيه للبنزين رهيبه باللمسه فعلا والكيك داون بتاع الفتيس جامد جدااااااا
6-الخامات ممتازه واحسن حاجه ان التابلوه مش بلاستيك او قايبر ومعظمه جلد او بلاستيك طري
عيوبها :
1-شكلها الداخلي قدييييييييييييييييييييييي ييييييييييييييييييييم جداااااااا تصميمات التسعينات معرفش ليه كده
2-الباور تقيل اتقل من اللانسر البومه والسيراتو ؟!!
3-العزل متوسط برده
4-الثبات حلو اوي لكن بحس ان الدركسيون لازم امسك في بايدي ورجلي عشان ميهربش مني(مبيحصلش كده في السيريون وعشان كدده بققول الباور الكهربه احسن من الزيت في التحكم)
5-العربيه ضيقه على شكلها الخارجي يعني هي من بره وحشششششش من جوه كتكوت بالنسبه لبره وده لان الكمابوت والشنطه واكلين العربيه وكمان الفرش ناشف
6-اضاءه العدادات باهته وقديمه قوي(السيريون اضاءتها قويه وواضحه)
7- بعد الخامات تعبانه زي الجلد بتاع الزجاج لما انزل الزجاج بيتحشر مع الزجاج وبينزل معه في المجره بتاعته وطبعا بيعمل صوت غبي
8-الفتيس في اول المشوار بينتش من الاول للتاني فقط وبعد شويه من المشي النتشه بتروح ومعرفش سبب وجودها او زوالها ايه اصلا !!
9-استهلاك البنزين متوسط لكن مع الحرق والجري بتبلعوااا بس ده ال 1600 كله تقريبا
لكن كمجمل الصني عربيه على قد فلوسها بصراحه 92000 كامله اتوماتيك _اير باج للسائق خير وبركه في عربيات فوق ال100 ومفيهاش اير باج ولا غيره ولا حتى زجاج كهربه
بيجو 504
يعجبني:
1- لما أحتاجها، بادور و أطلع. ما بتقولش لأ
2- الردع البصري (عربية سبعينات باكصدام نيكل) و ما يترتب عليه من (اللي خايف يروح، صدر البوز تفوز إلخ....)
3- موتور قوي، دفع خلفي، عفشة ناعمة، دركسيون خفيف، فرامل كويسة
4- وسع الصالون و ارتفاع السقف. في مرة ركبت معايا 7 أصدقائي (العربية صالون مش 7 راكب) اتنين قدام و أربعة في الكنبة الخلفية و واحد خفيف نايم فوقهم ده طبعاً غير السائق اللي هو أنا كده العربية كان بداخلها 8 أشخاص
5- قطع غيار و صيانة في أي حتة + أصبحت أقوم بمعظم عمليات الصيانة و الضبط دون الرجوع للميكانيكي
6- سيارة خالية من التعقيد (لأن ببساطة مافيهاش حاجة أصلاً :) ) و سهولة الوصول لكل مسمار في العربية عند الحاجة
7- لو حطيت لها بنزين 70 هتمشي برضه
ما لا يعجبني:
شخصياً مافيش حاجة محددة مش عاجباني فيها.
:Ta_clap[1]:اقتباس:
المشاركة الأصلية كتبت بواسطة abo_hosni
10|10اقتباس:
المشاركة الأصلية كتبت بواسطة mmans
مرحبا بك يا زميل:satelite: , عربيتك TSI ولا FSI
الركن لا يوجد مشاكل مع حساسات الركن اماميه وخلفيه , والركن فى جراجات فى القاهره و البيت ومشاوير العمل كلها سفر فالدنيا واسعه
العلامه لم تسرق من حتى الان (الحمد لله)
حلوة فكرة الموضوع .. كالعادة :)
الاستارليت
* اللي بيعجبني ما شاء الله :
-شكلها لذيذ بيليق عليها اى حاجة وحجمها حلو سهل فى الركن
- موفرة فى البنزين وشغالة 80 زي الفل وفي المقابل سحبها ممتاز كعربية 1000 سي سي 55 حصان 12 صباب
-ثباتها كويس
- اعتمادية بشكل كبير و قطع غيار معمرة ومتوفرة
- مش منتشرة وناس كتير متعرفهاش ودة في حد ذاتة عاجبني
كفاية كدة زهقت
* مش بيعجبني :
-بعض قطع غيار العفشة مش منتشرة قوي
- الكراسي كانت عايزة تبقي اكبر شوية لكن معقولة
- مش بتاع جري فى السفر الطويل يعني 110 أو 120 معقول لكن اكتر من كدة بتبقي صوتها عالي شوية
- سوقها هيقع بعد فضيحة تويوتا هههههههههه
بالنسبة للبي إم مش هينفع أتكلم عليها لأن مش هخلص للصبح غير في نقطة واحدة اللي كانت ناقصاها ان يكون فيها abs
اللي بيعجبني فيهه:
اقتصاديه جدا في البنزين
قطع غيار رخيصة جدا
أي ميكانيكي يفهم فيهه
تتروش ومتقولش لأ
اللي مبيعجبنيش:
تقفيل داخلي زباله
استجابه بطيئه
أم الفتيس والطابلوه يسدوا النفس
عاوزه اهتمام اول بأول
هممممم
اللانوس
اللي بيعجبني فيها
* شكلها حلو
* انا شاريها مستعملة , فبالنسبة لي هي (Best Value for Money) و لو زيرو كنت هاجيب نوبيرا
* قطع غيارها بالاقيها بسهولة جدا برة التوكيل و مش غالية على الاطلاق
* حمالة أسية بجد
* مش باحس بفرق شاسع بينها و بين عربيات أغلى منها في السعر و التكلفة بمراحل
* لما باعوز اجيب بيها سرعات عالية نوعا ما , 140 , 150 , 160 مش بتقول لأ
* نااااااااااااااااااادر لما باخبط في مطب ( فقط لما بيكون مطب رفيع و عالي و باخده سريع )
* من جوة باعتبرها مريحة جدا ( مش زي العربيات العالية لكن الفرق من وجهة نظري مش كبير )
اللي مش عاجبني
* صوتها عالي شوية ( مش باحب اسمع صوت موتور العربية اصلا )
* اكتر حاجة التسارع اللي على قده - عشان يزيد لازم اجيب الدواسة للآخر
* وجود فطع غيار مضروبة كتير في السوق
* هي ثباتها بالمقارنة مع مثيلاتها كعمر و فئة كويس جدا و كفئة سعرية حالية معقول , بس النقطة دي مش مضايقاني يمكن لأني مش باخد ملفات بسرعة
نسيت تقول لنا عربيتك ماركتها إيهاقتباس:
المشاركة الأصلية كتبت بواسطة cyborg_ift
اهم حاجه يكون الواحد راضي والحمدلله
تسلم ايدك موضوع جميل و مميز فعلا
اللي بيعجبني في عربيتي انها 3x1
سبور و فخمة و جيب
اللي مش عاجبني ان كل مسمار فيها ليه تمن
ففي اوبشنز كتييير كان نفسي تبقي عندي بس السعر كان هيضرب فوق قوي
شكر علي الموضوع الحلو ده
عربيتي لانسر مكواة
دلعها سوسو حلوة ونااااااااااااعمة جدا جدا وبتسمع كلامي بالذات في الكيك داون لانها اوتوماتيك
حجمها من جوه حلو ومن بره حلو لون هادي ومميز ( فيراني ) صوتها لا تكاد تسمعه
تابلوه كبيييييييييير ومريحه جدا في القيادة
اعمل ايه بحبها اووووووي
بصراحه مش لاقي فيها عيوب لدرجة ان اتعرض عليا 3000 جنية زيادة عما كنت شاريها ورفضت ابيعها
بس لو حتلككلها يبقي مكان الهاند بريك مش عاجبني لانه ناحية الكرسي اليمين مش ناحيتي
بس ده العيب الوحيد اللي انا شايفه في سوسو حبيبتي