وسؤالي يا ترى ما هي أفضل الشركات التي تقوم بتصميم المواقع والتكاليف تبقى كام تقريبا ( الحساب بالصفحة للموقع الساكن والموقع الدينامك)، كمان ما هي أفضل شركات الإستضافة وأسعارها أيه
شكرا مقدما
عرض للطباعة
وسؤالي يا ترى ما هي أفضل الشركات التي تقوم بتصميم المواقع والتكاليف تبقى كام تقريبا ( الحساب بالصفحة للموقع الساكن والموقع الدينامك)، كمان ما هي أفضل شركات الإستضافة وأسعارها أيه
شكرا مقدما
انا ممكن اقولك على الاستضافة لكن التصميم محفيدك اوى
الاستضافة يفضل تبقى شركات اجنبية علشان تعتمد عليها كويس
فعندك
servage.net
pow....com
hostgator.com
الاولى بتبقى بحوالى 40 او 50 جنيه فى الشهر بس لازم تحجز 6 شهور مقدم
طبعا كلامى ده لو عايز استضافة عادية مش سيرفر
الاستضافة سعرها بيختلف على حسب المساحة المطلوبة
وتصميم الموقع الديناميك يختلف عن الاستاتيك وبرضو على السعر يختلف على حسب مواصفات الموقع
ومصر فيها شركات استضافة كتير كويسة انا كنت شغالة في شركة كويسة
لو حضرتك عايز تفاصيل راسلني على الخاص
أولاً قبل إختيار مكان أو خطة الإستضافة يفضل الآتي:
- تحديد طلباتك في الموقع أقصد موقع عرض بيانات غير موقع عرض فيديو streaming غير المنتديات وأنا طبعاً أقصد غيره من ناحية لغة البرمجة و الأسهل بعد ذلك في الصيانة
- حدد شركة البرمجة اللي هتنفذلك الموقع و شوف هما بيشتغلوا بلغة إيه يعني بيشتغلوا بحاجات مايكرو سوفت ولا لأ لأن ده هيفرق في نوع الإستضافة
- ثالثاً حدد شركة الإستضافة بناءاً على اللغة المكتوب بيها موقعك و نوع الداتابيز المستخدمة
معظم شركات الإستضافة بتلاقي عندهم خطط إستضافة رخيصة لكن مش بتشتغل ASP ولا ASP.net ولا SQL
لو موقعك مفيهوش حاجة من دول يبقى تاخد حاجة رخيصة
ولو هتستخدم حاجة منهم يبقى تشوف شركة بتدعمهم
عموماً أنا شايف إن شركة آي إكس ويب هوستنج "كتبتها بالعربي لأني عارف إنها مش هتظهر صح بالإنجليزي" IX...Hosting عروضها كويسة و عندهم كل عروض الإستضافة
http://www.ix...hosting.com/
وده اللينك بتاع العروض بتاعتهم
http://www.ix...hosting.com/index.ph...s.hostingPlans
وبالنسبة لموضوع سعر التنفيذ "البرمجة" نفسه ده بيختلف حسب طلباتك في الموقع يعني مالهاش سعر ثابت في موقع بـ 100 جنيه و في موقع بـ 100000 جنيه
معظم شركات الهوستينج في مصر بتشتغل في عمل المواقع بس الأسعار بتفرق قوي من شركة للتانية يعني حسب إسم الشركة هيكون المبلغ المطلوب منك فأنا مش عارف انت حاطط ميزانية في حدود كام علشان أحاول أقترح عليك حد .. خصوصاً إن معظم اللي أعرفهم أسعارهم عالية جداً بس ده طبعاً مقابل الخدمة اللي بتاخدها مش بقول إنهم نصابين
ممكن تبعت لي على الميل انت حاطط ميزانية في حدود كام أو بمعنى تاني حدد طلباتك في عمل الموقع هتكون إيه - أقصد محتوى الموقع و أقسامه و قول لي المبلغ في حدود كام و أحاول أرشح لك مكان
ولو تحب إبعت لي على ahassan@gn4me.com
حضرتك بتقول موقع شخصي. يبقى الموضوع مش مستاهل شركة تصميم مواقع.
في برامج عبارة عن مواقع جاهزة. كل اللي عليك انك تضيف المحتوى و تغير في الشكل. البرامج دي اسمها CMS أو ....... Management System وهي مناسبة جداً لموقع شخصي أو شركة صغيرة.
كتير من البرامج دي مجانية. من أشهر البرامج دي Wordpress وهو مصمم في الأساس للاستخدام في المدونات الشخصية ولكن كتير من الشركات والمنظمات بتستخدمه.
آدي أمثلة لمواقع بتستخدمه. ممكن تغير شكل الموقع تماماً باستخدام themes جاهزة ودي
مش محتاجة أي مجهود منك وممكن تعمل تصميم للشكل اللي أنت عايزة (بس طبعاً محتاجة واحد خبره ومحترف).
برضه من البرامج المشهورة برنامج Joomla ودي برضو مجاني.
البرامج دي محتاجة خدمة استضافة يكون متوافر فيها خدمات الـ PHP و الـ MySQL. حتى خدمات الإستضافة الرخيصة بتوفر الخدمات دي.
كل اللي حضرتك محتاجة هو خدمة استضافة رخيصة وشخص يساعدك تعمل setup للموقع. الشخص ده مش مبرمج ولا مصمم مواقع، مجرد واحد فاهم ازاي يعمل setup للحكاية دي. الحكاية مش معقدة والشخص اللي هيعملك الحكاية دي مش هياخد فلوس كتير وممكن لو تعرف حد يعملهاك ببلاش (لو صاحبك أو معرفه) لأن الموضوع بسيط.
البرامج الجاهزة المجانية هى اسهل فريسة للهاكرز
لان الكود بتعها مفتوح وبيلاقوا فيه ثغرات وبيستغلوها
لو عايز البرامج المفتوحة يبقي لازم يكون فى حد فاهم وبيتابع التحديثات اللي بتعملها الشركات دى
وبينزلها اول باول
علشان كدة انا بفضل تصمم الموقع مع شركة متخصصة
بس اللى بيحدد كل ده هتعمل موقع عن ايه
لو مش عايز تقول الفكرة هنا ممكن تبعتها على الخاص
وانا اقولك تعمل ايه بالظبط
ولو انتا فى الرياض ممكن اخلي واحد صاحبي هناك يكلمك
ومتقلقش اى خدمة هتحتاجها هيقدمهالك
---------------
محمد سالم
بص أخي الكريم الموضوع في منتهى السهولة
أنا اشتريت أكتر من موقع وصممت أكتر من موقع
انت هتشتري من شركة أجنبية لأن العرب ما هم إلا وسطاء يعني هيزود عليك مكسبه لإن سرعات الانترنت العالية اللازمة للسيرفرات غير متاحة عندنا هنا
بالنسبة لتصميم الموقع قدامك خيارات كتير طالما انت مبتدئ
1-تستخدم قوالب جاهزة بتوفرهالك الشركة المستضيفة
2- تصمم الموقع بميكروسوفت وورد وده اسهل حاجة انت بس هتكتبها كصفحة وورد وتحفظها على هيئة html
3- لو الموقع فيه مؤثرات فلاش بتستخدم برنامج سهل زي كول موفز أو قوالب جاهزة
بالنسبة لتركيب المنتديات موضوع بسيط جداً مشروح في أكتر من منتدى تعليمي
التكلفة:
علشان تحصل على احسن تكلفة يفضل تشتري الموقع سنتين لأن المدة لما بتزيد التكلفة بتقل
التكلفة في السنتين في حدود 800 - 850جنيه للاستضافة ودي تشمل موقع بمساحة غير محدودة
وايميلات غير محدودة باسم موقعك وقواعد بيانات (وتقريباً كل حاجة تخص الموقع مدعومة)
في حل تاني ان انت بتشتري دومين (العنوان بس زي nilemotors.com) ونوجهه على موقع بتاع حد تاني (يعني بنقسم تكلفة الموقع على اتنين بتزيد بس تمن الدومين) وكل واحد فيكو ليه عنوان وايميلات منفصلة وكإنهم موقعين منفصلين تماماً
يراعى عند شراء موقع الأتي
عدم وضع ملفات ذات حقوق ملكية فكرية (أفلام برامج العاب) على الموقع لأن ذلك يعرضك لإلغاء موقعك وضياع فلوسك (عن تجربة)
دي النقط الأساسية
لو تحب احجزلك الاستضافة واجهزلك الموقع انا تحت أمرك
ولو حضرتك عايز تعمل الموقع بنفسك وعندك اي استفسار انا في الخدمة
تليفوني 0101696033
deriby@hotmail.com
ودايماً في خدمة نايل موتورز وأعضاؤه المحترمين
في البداية أود شكر كل الاعضاء الذين تفضلوا بالرد على طلبي ، وما شاء الله كل الردود فعلا مفيدة جدا
وانا حبيت اجيب امثلة للموقع الذي اريد عمله
موقع القرضاوي - الصفحة الرئيسية
ط±ط¤ظٹط© ظƒظ„ظٹط© ط¥ط¯ط§ط±ط© ط§ظ„ط£ط¹ظ…ط§ظ„
ظ…ط±ط§ط¯ ط²ط±ظٹظ‚ط§طھ
هذا بالطبع مع إدخال التعديلات
شكرا مرة أخرى على الاهتمام من الجميع
مع احترامي لحضرتك، بس الكلام كله غريب.
عمري ما سمعت عن مصمم مواقع محترف بيستخدم وورد.
ممكن تستخدم أي محرر نصوص. وفي محررات نصوص مخصوصة بتسهل عملة كتابة الـ html، لكن وورد؟ للأمانة مضحكة (لا أقصد الإهانة)
حضرتك في بداية كلامك قلت اشتريت أكتر من موقع! يعني ايه "تشتري" موقع؟ تقصد خدمة الإستضافة؟
الحقيقة، الأمثلة اللي حضرتك وضعتها متباينة تماماً.
الموقع الأول موقع محتواه متجدد. وهو موقع محترف ولكن تصميمه قديم جداً.
الموقع الثاني لمؤسسة كبيرة وأعتقد انه بيستخدم إحدى البرامج الجاهزة (ولو أني لست متأكد)
الموقع الثاث شخصي ومحتواه ثابت وتصميمة قديم للغاية.
لو حضرتك بس تدينا فكرة بس عن طبيعة الموقع.
موقع شخصي بحت (للتحدث عنك وعن كتاباتك/أعمالك مثلاً) وللا موقع مجتمعي فيه أعضاء وتسجيل دخول وللا موقع شركة ... الخ
أخي الكريم اعتقد انت لو ركزت في ردي شوية انا كتبت
بالنسبة لتصميم الموقع قدامك خيارات كتير طالما انت مبتدئ
يعني انا اقصد الاخ نفسه اللي عايز يعمل موقع شخصي لو حب يعمله بنفسه
وبعدين يا أخي الكريم الكلام واضح انه يكتب الصفحة على الوورد وهو هيحوله ليه html
وبعدين هو لو محترف html مكانش كتب الاستفسار نفسه ولا يمكن هو كتب انه محترف وانا مش واخد بالي (فعلاً انا مش قادر امسك نفسي من الضحك:POINTI~2[2]:)(وبرده لا أقصد الإهانة):F_eyeb1[1]:
ونعم أقصدأني قمت بشراءأكثر من استضافة من قبل
ملحوظة
انا لا شركة ولا شغلتي ولا مستني اني انتفع من أي عضو في نايل موتورز واعتقد ان ردي زي كل ردود الإخوة هنا بما فيهم حضرتك كل الغرض منها مساعدة الأخ الكريم في طلبه
أنا كنت عاوز أقول حاجة مهمة قبل أصدقائي الأعزاء ما يمسكوا في بعض وبعد كده نروح القسم وكل واحد ياخد حقه !!!!!!!!!!
على العموم أنا بالفعل عندي فكرة ضعيفة عن تصميم المواقع. والكلام ده كان من فترة ، يعني أنا أجتهدت بشكل شخصي على الفورنت بيج، ودريم ويفر، بس المشكل أكتشفت أن الموضوع مرهق الى حد ما ، ويحتاج الى شخص متمرس لهذا العمل، بحيث يكون شكل الموقع مقبول الى حد ما.
من هنا جاتلي الفكرة عن سؤال الأعضاء لو أن هناك شركة محترمة ولا تبالغ في الأسعار ، ويمكن كان سؤالى واضح من البداية فيما يتعلق بالسعر ، يعني مثلا أنا كنت أعرف واحد بيقوم بتصميم المواقع بإستخدام html بسعر 100 جنية للصفحة، وانت تتولى عملية الاستضافة والدومين طبعا.
يمكن من خلال الردود السابقة ، أصبحت الآن في حاجة الى معرفة هل هناك دورات متخصصة في إدارة المواقع ، وما هي أفضل الأماكن التي تدرس فيها ، ولو الأسعار كما يبقى كله تمام التمام
شكرا يا سادة على الاهتمام
يا فندم الموضوع مش محتاج كل ده. لا محتاج دورات في إدارة المواقع ولا محتاج مصمم بـ 100 جنيه للصفحة (خصوصاً أن المحتوى متغير).
أنا شايف إن WordPress مناسب جداً لموقع أستاذ جامعي. تقدر تحدث المحتوى بنفسك (على عكس الموقع الثابت). تقدر تغير في الشكل في أي لحظة.
الأمثلة اللي حضرتك حاططها دي أصلاً في فرق كبير جداً جداً بينهم
يعني موقع مراد زريقات أنا شايف إنه موثع بسيط جداً موقع ثابت مافيهوش برمجة و هو مجموعة صفحات بينهم روابط ومن ناحية التصميم فهو تصميمه فقير جداً.
أما موقع جامعة دار العلم فده أنا شايفه حلو جداً تصميماًو أداءاً
بص الموضوع عاوز منك شوية مجهود في تحديد طلباتك ما تستعجلش و ادرس الموضوع كويس و نصيحة مني لو عاوز تعمل حاجة كويسة روح لحد متخصص سيبك من الحاجات الجاهزة و كمان موضوع الوورد ده مينفعش خالص ...
بس هو من الحوار اللي فات أقدر أقول لحضرتك ان موضوع الإستضافة و الدومين هيبقى حسب الشركة اللي بتختارها في الغالب الأسعار بتبقى في حدود 8 دولار في الشهر للإستضافة و حوالي 10 دولار في السنة للدومين بالنسبة للتنفيذ و شغل الجرافيك أو التصميم في مكان محترم هيبقى من 3000 لـ 6000 حسب الأقسام و نوعها وكمان الـ back end بتاعة السايت أو المكان اللي بتعدل منه محتوى الموقع
مع احترامي لكل اللي ردوا على حضرتك كل محاولات الأدوات المجانية و تعال أنا أعملهولك مجاني أو تعال أعملهولك بـ 500 جنيه كل ده في الأخر بيفشل و بترجع تعمله تاني اختر مكان محترم وشوف سابق الأعمال وحدد بعد كده وبعدين كمان يبقى في حد متابع مع حضرتك الصيانه و التحديث و حل المشاكل
السلام عليكم
بواقع خبرتى البسيطة فى هذا المجال , بالنسبة لمتطلبات حضرتك
انا مش هزود كتير عن اللى قاله العضو "itsonlyme" , فعلا انسب حاجة wordpress , انا بس كنت عايز اقول ان فى مواقع بتدى استضافة مجانية ممتازة
زى : free ... hosting, free php mysql hosting, free ...site :: 000a.biz
وفى مواقع بتدى نطاق مجانى free domain بس بيكون .co.cc او .cz.cc , لو عايز حاجة .com ثمنها حوالى 10$ فى السنة او ارخص
زى : cz.cc - Free Domain Registration + Free DNS Service.
وفى مواقع عليها free themes for wordpress كتييير بمجرد انك تعمل search
الخلاصة ان الموضوع كله ممكن ميكلفكش اى فلوس لو انت عايز , لو عندك استفسار ممكن تسأل و ربنا يوفقك
النتيجة فى الاخر بتكون حاجة زى كده :
Myself مجانا 100% - ده مجرد مثال
و ليك طبعا administration panel تظبط ال settings منها و تختار ال theme و الموضوع سهل يعنى
حضرتك شايف أن موقع شخصي لأستاذ جامعي يستلزم شركة تصميم مواقع من 3000 لـ 6000 جنيه؟
حضرتك لو شوفت مواقع أساتذة الجامعات في أرقى الجامعات في العالم هتلاقيها بسيطة للغاية وكتير منها من تصميم الأستاذ نفسه ومستضافة على خوادم الجامعة.
الدكتور الجامعي بيهتم بالمحتوى أكتر من الشكل. ده غير انه غير هادف للربح عشان يدفع فيه المبالغ دي. بالرغم من ذلك برامج إدارة المحتوى مفتوحة المصدر يمكن استخدمها لإنشاء موقع شكله ممتاز وسهل تحديث محتواه.
أنا مش عارف الناس بتتكلم عن الأدوات المجانية على أساس انها درجة ثانية.
الأدوات دي بتنتج مواقع احترافية على أعلى مستوى. ملايين من المواقع (بدون أي مبالغة) بتستخدمها ومنها مواقع شركات ومنظمات كبيرة.
مش كل ما هو مجاني معناه انه قليل الجودة. إحنا بنتكلم عن مشاريع احترافية ضخمه ورائها المئات من المبرمجين وآلاف المستخدمين. حضرتك عارف كويس أن 55% من مواقع العالم كله بتستخدم خادم Apache.
أنا بتكلم الكلام ده لأني من أشد الداعين لإستخدام البرامج مفتوحة المصدر لا لأني أعرض خدماتي. تلاحظ حضرتك إني لا وضعت تليفوني ولا بريدي الإلكتروني.
الله أعلم يا أستاذ osoliman88 إن نصيحتي لوجه الله. وفي الآخر القرار لك.
أنا بشكر كل الأصدقاء الذين تفضلوا بالرد على إستفساري ، وأخص بالذكر العضو الفاضل itsonlyme الذي تفضل وقام بمعظم الردود
فعلا أنا في غاية الشكر لهذا المنتدى ولكل الأعضاء
هذا لا يمنع انني ما زلت في إنتظار المزيد من الأفكار والردود، وهذا لا يقلل بأي حال من الأحوال من الردود السابقة
بص يا أخي الكريم علشان متتعبش وتكلف على الفاضي انا عندي اقتراح
احجز مساحة مجانية ودي متوفرة وياريت لو حد من الإخوة يرشح موقع مجاني يكون سهل
واعمل موقع بسيط عليه ولما تتضح معاك الصورة قدامك حل من تلاتة
1-تستمر في الاستضافة المجانية زي ما هي وعنوان الموقع بتاعك هيبقى www.freesite.yourdomain.com
2- تستمر في الاستضافة المجانية وتشتري دومين توجهه علىالموقع بتاعك (تقريباً من 15 جنيه- 120 جنيه حسب .nfo .com ....)
3-تشتري استضافة بعد متبقى جربت وشوفت ايه اللي هتعمله بالظبط
عيب الاختيار الأول والتاني ان الاستضافات المجانية ممكن تتقفل في أي لحظة ولازم يبقى عندك نسخة احتياطية من الموقع على جهازك لأنهم مقدمينها ببلاش ومفيش ضمان طبعاً ولكنه ببلاش ودي الميزة
بالنسبة للتعامل مع المواقع دي ورفع ملفاتك عليها متفرقش موقع مجاني او بفلوس الاتنين نفس الطريقة
اسهل واسرع طريقة هي الرفع باستخدام برنامج FTP وفي برنامج مجاني اسمه SMARTFTP وفي برنامج بس مش مجاني اسمه CUTEFTP
كيفية التعامل مع الاستضافات تقريباً مشروحة في معظم المنتديات الكبيرة والتعليمية (للأسف مقدرش اكتب الاسم هنا علشان قوانين المنتدى)
ربنا يوفقك واي استفسار انا في الخدمة
يا جماعة بلاش الدومين المجاني لعدة أسباب .. أولها إنها في الغالب مش بتكون دايمة يعني لما بيقفلوه مش من حقك تقول لهم قفلتوا الموقع ليه .. ثانياً معظم الهوست المجاني ممكن يطلع إعلانات مع فتح الموقع بتاعك يعني ما تضمنش الإعلان اللي هيفتح ده محتواه إيه .. ثالثاً هو في الغالب بيحجز الدومين بتاعك ما بتعرفش تاخده بعد كده من أي مكان غير لما تشتريه منهم .. غير إنك ماتقدرش تعتمد عليهم في استخدام عنوان موقعك في مطبوعات أو كروت لأنك ما تضمنش إنه شغال على طول
بالنسبة للسعر اللي أنا كبته قبل كده ده أقل سعر لموقع محترف قابل للتعديل و التطوير و أنا ما عرضتش إن أنا أعمله أنا قلت ده متوسط أسعار الشركات لو حبيت تعمله في أي مكان
بالنسبه للبرامج المجانية دايماً مش بتقدر تشكلها حسب موقعك انت بالعكس بتشكل موقعك عليها يعني أقصد لو انت عاوز تعمل جزء خاص بعرض فيديو أو ألبوم صور أو مثلاً محتاج تعمل تصويت أو قائمة بريدية أو جدول خاص في قاعدة بيانات الموقع أو أجندة أحداث كل ده ممكن مايكونش موجود في الحاجات الجاهزة وصعب تضيفه أو برضه هتحتاج لحد يعمله و التعديل في الحاجات الجاهزة أصعب من عمل الموقع كله من الأول .
من ناحية تاني حل مشاكل المواقع اللي بتعملها في مكان محترم بيكون أسهل من الحاجات الجاهزة يعني أقصد فرضنا إنك إكتشفت مشكله في أداة إدارة المحتوي يعني مثلاً مش بتضيف جداول أو مش بتعمل أبلود للصور أي حاجة زي كده مش هيبقى فيه مكان تطلب منه يصلح لك المشكلة اللي عندك هتضطر ترضى بالمشكلة أوتتجنب استخدام الجزء اللي فيه المشكله.