الفوج لايت بتاع جينا مكسور ؟؟؟؟؟ ..... الحل هنااااااا

أنا عارف إن في كتير منكم الفوجات عنده مكسورة و مش عارف يعمل إيه ... و أنا كمان كان عندي المشكلة دي ..... الفوجات الإتنين عندي زجاجهم مكسور .....
نزلت أسأل على وش زجاج للفوجات في المحلات مش لاقي خالص .. كلهم بيقولوا لازم تشتري الفوج كله الواحد ب 125 جنيه .... المهم واحد إبن حلال قالي طب ما تصبلهم وش بلاستيك عند محل بيعمل أي وش بلاستيك لكل الفوانيس الأمامية والخلفية .. المحل ده في التوفيقية .... قمت رايح هناك الراجل قالي لازم تجيبلي الفانوس علشان أفصل وش عليه ... طبعا كتير منكم عارف إني بأحب أعمل كل حاجة في عربيتي بإيدي قمت خارج من المحل ومطلع العدة من شنطة العربية وإبتديت أفك الإكصدام وفكيت الفوجات و إديتهاله قالى تعالا إستلم بعد 3 أيام ... روحتله بعد 3 أيام و أخدت الفوجات وركبتهم والتكلفة كاااااااااااام ؟؟؟؟ الوش البلاستيك الواحد بلزقه على الفانوس ب 12.5 جنيه يعني الفوجين ب 25 جنيه :B4_282::B4_282::B4_282:
يعني التكلفة بقت واحد على عشرة من تمن الفوج الجديد ...... ودي صورة الفوج بعد ما ركب عليه الوش البلاستيك و قبل ما أركبه في العربية

http://img28.imageshack.us/img28/1006/07022010264.jpg

http://img714.imageshack.us/img714/7626/07022010265.jpg


ودي صورتهم بعد التركيييييييييييييييييييي يب :36_1_34[1]::36_1_34[1]::36_1_34[1]::36_1_34[1]::36_1_34[1]::36_1_34[1]::36_1_34[1]:

http://img709.imageshack.us/img709/6...022010267a.jpg

يا سلام عليك دماغ و الله جامدة , طب المحل ده اسمه ايه بقى ؟
و الاضاءة اخبارها ايه بعد التركيب ؟

المحل إسمه الأهرام للبلاستيك ..... في التوفيقية جنب محل حسني الحكيم بتاع الفرش والإكسسوارات .

الإضاءة زادت قوييييييي علشان أنا فكيت الطربوش اللي بيبقى راكب جوه الفانوس وهو بيبقى راكب بمسمار صغير بيتفك بمفك صليبة ( لو تلاحظ الصورة حتلاقي اللمبة ظاهرة ) غير الفوج الأصلي اللي في الصور الجاية حتلاحظ إن اللمبة متغطية ..... العيب الوحيد لموضوع فك الطربوش ده إن الإضاءة بقت تدايق اللي جاي قدامي .... إنت ليك حرية الإختيار تشيل الطربوش أو تسيبه

http://i1.lelong.com.my/UserImages/I...yee1986@11.jpg
http://i230.photobucket.com/albums/e...ingart/OEM.jpg
http://i230.photobucket.com/albums/e...ngart/OEM4.jpg

انا فعلا الفوج اليمين عندى مكسور ومكنتش لاقى حل
تسلم افكارك وتكتيكاتك
بس انا اصلا معرفش التوفيقيه دى فين
مفيش حد يعرف يفتح مشروع صغير يبيع فيه الحجات اصغيره دى اون لين

أيوه كده الأفكار الرائعة ,, الف شكر لحضرتك ,, ياسلام لو النمرة دي حقيقية !!

العــــــــــــــــــــــ ـب
الله ينور يا عوبد :b4_282:

افكارك و حلولك جمده

الله ينور يا باشا أنا عندي بردو فوج وشه مكسور و مش عارف ليه...!!!

و سألت عليه في التوكيل قالولي الواحد بـ 420 جنيه....!!!!!

بس الحل بتاعك ده عبقري, بس عيبه في فك الإكصدام و صعوبته,
بس بجد نفسي أنفذ الحل في أقرب وقت.

م. تامر حافظ

تسلم ايديك يا عبد الرحمن بجد ديما افكارك جميلة ومفيدة جدا

اقتباس:

---

المشاركة الأصلية كتبت بواسطة tamer_aj

الله ينور يا باشا أنا عندي بردو فوج وشه مكسور و مش عارف ليه...!!!

و سألت عليه في التوكيل قالولي الواحد بـ 420 جنيه....!!!!!

بس الحل بتاعك ده عبقري, بس عيبه في فك الإكصدام و صعوبته,
بس بجد نفسي أنفذ الحل في أقرب وقت.

م. تامر حافظ

---

ما هو إنت كده كده لو حتغير الفوج في التوكيل أو لو حتشتريه من بره وتغيره كده كده الإكصدام لازم يتفك ... لو إنت مش بتعرف تفك الإكصدام ممكن أي سمكري أو كهربائي يفكه وبعدين حتلاقي الفوج مربوط بأربع مسامير قلاووظ برأس صليبة يفكهولك وتوديه يتعمل وبعدها ب 3 أيام تركبه تاني

فكرة جميلة ورخصيه .. افضل من انك تجيب الفوج كله .. الله ينور عليك ...

اقتباس:

---

المشاركة الأصلية كتبت بواسطة kisho55555

فكرة جميلة ورخصيه .. افضل من انك تجيب الفوج كله .. الله ينور عليك ...

---

+111 :lurk5:
ربنا يوفق

اقتباس:

---

المشاركة الأصلية كتبت بواسطة husseinodeba

انا فعلا الفوج اليمين عندى مكسور ومكنتش لاقى حل
تسلم افكارك وتكتيكاتك
بس انا اصلا معرفش التوفيقيه دى فين
مفيش حد يعرف يفتح مشروع صغير يبيع فيه الحجات اصغيره دى اون لين

---

التوفيقية فى وسط البلد

فكرة جميلة جدا فعلا بس تفتكر البلاستيك ده مش هيصفر وينشف من السخنية مع الوقت - احتمال برده لازم نحطه فى الاعتبار - والتجربة بتاعتك هى الى هتثبت مع الوقت كفاءة او عدم كفاءة البلاستيك - واتمنى ان تنجح الفكرة ويسهل علينا جميعا تنفيذها

الله ينور افكارك دايما متميزة

اقتباس:

---

المشاركة الأصلية كتبت بواسطة osama.shihata

فكرة جميلة جدا فعلا بس تفتكر البلاستيك ده مش هيصفر وينشف من السخنية مع الوقت - احتمال برده لازم نحطه فى الاعتبار - والتجربة بتاعتك هى الى هتثبت مع الوقت كفاءة او عدم كفاءة البلاستيك - واتمنى ان تنجح الفكرة ويسهل علينا جميعا تنفيذها

---

أنا معاك يا اسامة إنه ممكن يصفر مع الوقت بس برده البلاستيك بيستحمل الخبطات أكتر من الزجاج ... لأن الفوج الجديد اللي حتجيبه الوش بتاعه زجاج وحيتكسر زي ما الأصلي إتكسر....

وحتى لو البلاستيك إصفر ... إبقى غيره ب 12 جنيه وخلاص

انا من كام شهر سئلت على الفوج ولقيته فوق ال 400 جنيه المهم انت بتقول انه ب 125 خارج التوكيل بالله عليك عرفني فين الاقي المحل ده اللي بيبيع الفوج الاصلي اللي ب 125 ولو اي حد عنده علم بمحلات بتبيع استوبات الجين 2 الاصلية و بكام يعرفني وربنا يجازيكم خير

محل المدينه في شارع دمشق

الواحد ب 125

تحياتي
واشكر صاحب الموضوع على فكرته

أفكار رائعة من شخص مبدع ومبتكر

تقبل تحياتي

اقتباس:

---

المشاركة الأصلية كتبت بواسطة eng. Rafy samy

أفكار رائعة من شخص مبدع ومبتكر

تقبل تحياتي

---

أخجلتم تواضعنا يافندم

:shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy:

تحياتي ليك

اقتباس:

---

المشاركة الأصلية كتبت بواسطة abdelrahman.hassan

أخجلتم تواضعنا يافندم

:shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy: :shyy:

تحياتي ليك

---

تسلم إيدك ياباشا
بجد مجهود رائع وأنا كنت سألتك قبل كدا لما ركبت الرينجات إذاي الإكصدام بيتفك أنا نمت تحت العربية وحاولت أفكوا معرفتش فياريت لو تقولنا الإكصدام بيتفك إذاي
وعلى فكرة الفوج ممكن يتفك من غير متفك الإكصدام بس مؤرف شوية

عبد الرحمن باشا .....فعلا فكرتك ممتازه http://www.nilemotors.net/Nile/images/icons/icon14.gif , تسلم ايدك على الشغل العالى ده ......... انا احب اوى الشغل الى الواحد يعمله بايده فى العربيه بعيد عن الصنايعيه و وجه الدماغ .

استاذ / عبد الرحمن
طيب انتا ليه ما اتفقتش مع الراجل ده عشان يخلي المقاسات عنده وبكده هتريح الجميع
يعني كنت قلتله احنا مجموعه كبيره من مالكي الجين والبرسونا وياريت تخلي عندك المقاسات ده
عشان مش كل واحد عايز وش هيفك الاكصدام مرتين
مره عشان يفك الفوجات ومره تانيه عشان يركبهم

اقتباس:

---

المشاركة الأصلية كتبت بواسطة mohamed_3122001

تسلم إيدك ياباشا
بجد مجهود رائع وأنا كنت سألتك قبل كدا لما ركبت الرينجات إذاي الإكصدام بيتفك أنا نمت تحت العربية وحاولت أفكوا معرفتش فياريت لو تقولنا الإكصدام بيتفك إذاي
وعلى فكرة الفوج ممكن يتفك من غير متفك الإكصدام بس مؤرف شوية

---

تسلم يا باشا .... أنا إن شاء الله حأصورلك كل الكلبسات اللي لازم تفكها وحأشرحلك إزاي تفك الإكصدام

اقتباس:

---

المشاركة الأصلية كتبت بواسطة ramyar

استاذ / عبد الرحمن
طيب انتا ليه ما اتفقتش مع الراجل ده عشان يخلي المقاسات عنده وبكده هتريح الجميع
يعني كنت قلتله احنا مجموعه كبيره من مالكي الجين والبرسونا وياريت تخلي عندك المقاسات ده
عشان مش كل واحد عايز وش هيفك الاكصدام مرتين
مره عشان يفك الفوجات ومره تانيه عشان يركبهم

---

أنا فعلا لما رحتله خليته يعملى 4 وشوش ... ركبت 2 وعندي 2 شايلهم إحتياطي ..... ممكن نعمل حصر لكل اللي محتاجين فيكم وش للفوج بتاعه وتبلغوني بالعدد المطلوب و أنا أعدي عليه أخليه يعملهم على الوش اللي عندي

انا قصدي ان الراجل ده يخلي عنده المقاسات عشان مش كل واحد هيحتاج هيفك الاكصدام مش كل الناس زيك بتحب تشتغل باديها كمان في ناس كتير بتكسل ..... لسه هنفك الاكصدام خليه كده احسن فهم انا اقصد ايه
عشان كده كان المفروض تقوله ان يحتفظ بي المقاسات عنده يا كبير

اقتباس:

---

المشاركة الأصلية كتبت بواسطة ramyar

انا قصدي ان الراجل ده يخلي عنده المقاسات عشان مش كل واحد هيحتاج هيفك الاكصدام مش كل الناس زيك بتحب تشتغل باديها كمان في ناس كتير بتكسل ..... لسه هنفك الاكصدام خليه كده احسن فهم انا اقصد ايه
عشان كده كان المفروض تقوله ان يحتفظ بي المقاسات عنده يا كبير

---

يا باشا بسيطه .... أنا حأوديله الوش الإحتياطي بتاعي يعمل عليه واحد ويخليه عنده علشان اللي محتاج فيكم وش يروحله وياخده على طول

تسلم يا باشا وان شاء الله اشوفك ونتقابل في المقابله الي جايه

والله يبقي تسلم يا باشا علي تفكيرك وتعبك
عشان انا الاتنين عندي مكسورين
وفي انتظار صور طريقة فك الاكصدام

شكرا لمجهودك بجد فكرة رائعة
ربنا يجازيك خير يارب

تسلم ياباشا
علي فكرة الناس دي انا مجربهم من حوالي 15 سنة
كان معايا سليكا ومكنتش لقيلها الستوب الخلفي عملهولي بس عيبه الاحم والاصفر بيفتح لونهم بسرعة

الله ينور يا باشا
يا تري مينفعش نعمل نفس الفكرة في الفنوس العادي يعني نركبلة وش لو الوش اتكسر مثلا

بجد تسلم إيدك يا بشمهندس
بيعجبنى فيك جرأتك فى فك أجزاء العربية

بس بجد فى انتظار طريقة فك الاكصدام عشان أنا كمان عندى الفوج اليمين مكسور

اقتباس:

---

المشاركة الأصلية كتبت بواسطة TefaShoman

بجد تسلم إيدك يا بشمهندس
بيعجبنى فيك جرأتك فى فك أجزاء العربية

بس بجد فى انتظار طريقة فك الاكصدام عشان أنا كمان عندى الفوج اليمين مكسور

---

أشكرك جدا على التعليق الجميل ده


طريقة فك الإكصدام كنت شرحتها قبل كده بالصور في الموضوع ده

http://www.nilemotors.net/Nile/193612-2.html

شكرا
انا الفوجين مكسورين و كلامك احسن من انى اشتريهم

اصلي جدا يا عبود علي فكره الساجا و البرسونا نفس النظام