يا تري ايه انسب مقاس جنط يركب للبومه و انا مقاس الكاوتشات عندي هو 60\195 15
و مش عايزه ياثر علي اي حاجه ال عداد و العفشه و كله و عايز بردو اسالكو عن الجنوط يعني ايه الابعاد مثلا 100*4 ايه موضوع الابعاد ده و ايه ابعد البومه مثلا و الف شكر يا رجاله
عرض للطباعة
يا تري ايه انسب مقاس جنط يركب للبومه و انا مقاس الكاوتشات عندي هو 60\195 15
و مش عايزه ياثر علي اي حاجه ال عداد و العفشه و كله و عايز بردو اسالكو عن الجنوط يعني ايه الابعاد مثلا 100*4 ايه موضوع الابعاد ده و ايه ابعد البومه مثلا و الف شكر يا رجاله
أعتقد الابعاد عندك ياباني 4x114.3 ممكن تركب جنط 15 أو 16 زى الـ 16/50/205 والابعاد بتختلف من عربية للثانية بس الشائع بيكون 4x100 و 4x114.3 و 5x100 و 5x114.3
أي تكبير في محيط الكاوتش
لازم - بالطبيعة - هيأثر على العداد
وده شئ منطقي جدا
.
وممكن برضوووووو تشوف المهندس طارق هيقولك إيه؟؟
اصحابي مركبين 17 وشغال معاهم زي الفل
بي جيب الكاوتش علي 40 علشان مايحكش
الف الف شكر يا رجاله ليكو كلكو انا بفكر اركب قدام r17 205/40 و ورا r215/40 اثه رايكم في المقاس ده انا شفت واحد عامل كده بظبط فهل هواجه اي مشكله و عندي استفسار تاني هل انا لو جبت عفشه اسبور مع الجنوط دي هتفرق معايا في حاجه و لو هتفرق هيبقي في ايه لان انا سمعت ان تغيير العفشه يستحسن مع الجنوط والف شكر تاني
بيأثر فى العفشة بيخليها نشفة أوى وعمرها بيقل بس ده حسب وزن الجنط يعنى انا كنت حاطط فى سيفيك 15 حاطيط 16 أخف فى الوزن حسيت ان العربية بقت اريح وعلى فكرة التأثير قى العداد عندى لا يذكر يعنى
الف شكر يا باشا بس هو اوزان الجنط دي بتفرق حسب ايه يعني علي اساس ايه الجنط يكون تقيل او خفيف ال ماركه مثلا ؟ و هل الخفيف افضل ولا التقيل عشان الثبات
لو مقاسك الاصلي 195/60/15 يبقى مع ال الجنط ال 17 يكون 215/45اقتباس:
المشاركة الأصلية كتبت بواسطة h_a_t_em
اي حاجه اقل من كدا هتوطي العربيه... و كمان 205/40 قليل جدا
الرجاله كلها تمام أهوه
ربنا يبارك لنا فيكم يارب
كده تمام يا رجاله و الف شكر ليكو كلكوا و استفسار اخير بس محدش يعرف مكان تمام كده اجيب منه الجنوط و تكون اسعاره تمام برده و انا من القاهره
بص يا باشا علشان انا اتعذبت فى الحوار دة كل اللى موجود فى احمد سعيد والمحلات الكبيرة جنوط صينى اسعر قليلة اوى و طبعا مفيش خامة روح عند اشرفكو ده غالى شوية بس الجنط ال 16 قاللى 2500 انا خدته ب 2200 وده تقريبا اغلى من برة 100 جنيه يعنى انت نزل معاه على قد متقدر والجنوط طبعا لو ماركة بتبقى جنوط خفيفة بس طبعا الماركات بتبقى غالية جدا فانت حاول تجيب اخف جنط تلاقيه
متشكر ليك قوي يا باشا بس انا مش عايز صيني و تايواني و الكلام ده انا عايز حاجه محترمه بس بردو مش محترمه قوي:shine[1]: يعني عشان متعديش في السعر هو انا ساعات بشوف معارض جنوط كده بيبقي فيها جنوط كتير قوي و اسمع عن واحد اسمه عيسي عوض فهل المعارض دي كويسه ولا بتبقي اسعارها غاليه عشان معرض
عيسى عوض عندو معظم الحاجة صينى بردو وبعدين ده بعيد فى الهرم وفى نفس اسعار اشرفكو وبعدين اشرفكو فتح معرض جديد فى المطرية فى كل أشكال الجنوط اللى تتخيلها بس فاصل معاه جامد علشان هما حرامية شوية و نصيحة منى فى الكاوتش هتلاقى عندو الأكسيليرا و هتلاقى فى أنواع برة كتير أنا جربت الأكسيليرا والنكسن والرود ستون أحسن واحد ركبتو كان الأكسيليرا ده اندونيسى ومن أرخص الأنواع بس ممتاز بصراحة بعد ما جربت الأنواع التانية
كده تمام يا باشا و الف شكر ليك و لمتابعتك
الرجاله مقصروش تحيه
لكل الى شارك
احسن حاجة تسيب العربية على وضعها
متابع جدا
انا عايز اعمل نفس الحوار و مش عارف اركب 16 ولا 17
و هل لازم سوست لو 17 ولا ايه
لو عربيتك كاوتشها 14 يبقي تركب 16 و لو ال15 يبقي تركب ال 17 و لا مش لازم سوست
لا يا باشا انا اصلا 15
و نفسي اركب 17 بس خايف يكون منظره مش لذيذ...
فا انتا ايه رايك .... هل لازم سوست ولا عادي
و اكيد السوست حتفيد فالثبات جدا و حتوطي العربية شوية
لا يا باشا ال 17 يركب عادي جدا و هيبقي شكله حلو و مش لازم سوست لكن لو انت حابب تركب ركبهم طبعا و اكيد هيفرقو معاك في الثبات
بص يا باشا أنا مركب 17 من أشرفكو و همه عرفين كويس أوى مقاس الكاوتش اللى يناسب البومه عمرها ما حكت معايا من أكتر من سنه بس المشكلة الكبرى فى وزن الجنط نفسه خلى التسارع أضعف بحوالى 5 إلى 10 ثوانى أحياناً بس الثبات بقى أحسن كتير جدا و التوكيل بتاع قليوب قالى ان الجنط حيبوظ جلب و مقصات العفشة و يخلى إستهلاكها أسرع من الطبيعى بكتير و لكن مش هيبوظ حاجه فى العربية و كل المطلوب أنى أغير الجلب أسرع من الطبيعى بس
بس يا باشا التسارع كده فيه فرق كبير قوي يعني عربيتك مثلا لو كان تسارعها من 0-100 في 10 ثواني بقي في 15 او 20 ثانيه ؟