lada oka

**SunSet** · 11-02-2010 06:26 PM

[frame="7 80"]what about this car?

is it a good one?[/frame]http://www.nilemotors.net/Nile/nile/editor/color.gif

SS · 11-02-2010 11:14 PM

لو استعمالك خفيف
كويسة لو حالتها نضيفة اوى جداً خالص
لو حالتها مش كويسة او حتى متوسطة بلاش منها
و حاولى تسألى ع حاجتها برده عشان تبقى فى الامان
ده رأيى الشخصى عن تجربة .

**SunSet** · 11-02-2010 11:52 PM

يعني حضرتك كانت معاك ؟

**amr5500** · 12-02-2010 12:32 AM

انا اسمع ان قطع غيارها مش متوفره
والعربيه مش منتشرة خالص في مصر واعتقد ان انتاجها وقف
لو عايزة عربيه روسي قطع غيارها رخيصه جدا ومتوفره
لادا 2105 و 2107

**kimo911** · 12-02-2010 01:10 AM

فى نفس الفئة حضرتك الماروتى مش بطالة وانعم طبعا م اللادا وحاجتها موجودةومعروف انها عربية حريمى وشغالة كويس جوة البلد لكن طبعا مش بتاعت سفر وكدة

SS · 12-02-2010 02:07 AM

المشاركة الأصلية كتبت بواسطة muslima

يعني حضرتك كانت معاك ؟

و لا زالت....

**SunSet** · 12-02-2010 02:15 AM

المشاركة الأصلية كتبت بواسطة SS

و لا زالت....

شكرا على الافاادة

**tarekmomo** · 12-02-2010 03:31 PM

العربية لو حالتها حلوة وفابريكة وحالتها ننتازةتعمل 9000 ومعظم حاجتها موجودة عند حمدى لادا فى مصر الجديدة

SS · 12-02-2010 08:52 PM

المشاركة الأصلية كتبت بواسطة muslima

شكرا على الافاادة

ارجو انك ما تكونيش فهمت ردى غلط

العربية فى رأيى زى ما قلتك كويسة لو حالتها ممتازة

كويسةبمعنى انها تأدى الغرض المطلوب منها و ده طبعاً فى حدود امكانياتها

يعنى محدش يحطها فى مقارنة مع عربيات صغيرة من فئات اعلى منها بكتير...عشان ده مش منطقى

انا عن نفسى كنت بشتم و اتريق عليها قبل ما اجيبها لأختى....بس بعد سنتين و نص تقريباً

اقدر اقولك ان هى كانت اختيار موفق...( بالنسبة ليها)

يعنى العربية تعتبر مريحة بالنسبة لها....و كانت موديل خمس سنين فاتوا ....فلسه محتفظة برونقها نوعاً ما

اهم حاجة بالنسبة لها ان اعطالها تقريباً شبه معدومة...على الاقل لما حاجة بتبوظ او تكون على وشك

كانت بتبقى حاجات....ما توقفش العربية....يعنى المرة الوحيدة اللى وقفت و ما عرفتش تتعامل معاها

كانت مشكلة فى المارش.....غير كده عمرها ما قلت معاها ....

و بالتالى العربية كده محققة لها اللى محتاجاه

يعنى هى مش محتاجة عربية تشد بيها مع حد ....و لا تاخد غرز من حد

و لا محتاجة عربية تجرى بيها على 180 و تقعد تتغزل فى ثباتها و لا بتنقل بيها حاجات ف محتاجة عربية كبيرة

و اعتقد اغلبية استخدام السيدات ع الاقل فى الاول بيبقى تقريباً كده

يعنى من الاخر هتبقى عربية بتنقلك بدون اى كماليات او امكانيات الا انها مش هتقرفك

فلو محتجة حاجة موديل عالى عشان متتعبكيش و بسعر قليل ممكن تيجبيها ...و لكن بشرط تكون بحالة فوق الممتازة

لو ظروفك تسمح بحاجة اعلى يبقى خير و بركة

بس اعتقد عشان تيجبى حاجة تكون نظيفة اوى هيبقى سعرها بيتحرك حول ال 13 الف

ده رأيى و معلوماتى من خلال تعاملى معاها

لو محتاجة تعرفى حاجة تانى ..قولى

**AMA** · 12-02-2010 09:47 PM

فيه منها كتير جدا نضيف بشوفهم عندنا فى أسكندرية لكن مش بالشكل يعنى عايز أقولك ممكن تلاقى شكل العربيه نضيف جدا جدا لكن ممكن تلاقى مشكلة فى العفشة أو الماتور فالأفضل أن يكون معاكى واحد بيفهم و على فكرة العربيه ممكن تسافر يعنى بس حسب حالتها و حسب المسافة يعنى

المشاركة الأصلية كتبت بواسطة tarekmomo

العربية لو حالتها حلوة وفابريكة وحالتها ننتازةتعمل 9000 ومعظم حاجتها موجودة عند حمدى لادا فى مصر الجديدة

فعلا موديل 2000 بيعمل 9 ألاف و شوفت كذا أعلان على النت بكدة
و لو عايزة عربيات فى نفس السعر دة بصى يا ستى هشرحلك
1- فيات 124 دى كبيرة و بأربع أبواب لكن قديمة و أكيد مش هتريحك لأنها هتحتاج شغل أكيد و عايزة راجل عشان يتعامل معاها و موديلات حاجة و سبعين
2-فيات 125 و دى برضة كبيرة و بأربع أبواب و واسعة بس زى ماقولتلك هتحتاج برضة شغل لأنها موديل حوالى حاجة و تمانين
3-عندك فيات 127 هتكون حالتها حلوة فى نفس الرينج و موديل حاجة و تمانين فكرى فيها شوية دى
4-فيات 1300 عايزة شغل برضة لأنها موديلات قديمة و دى بتعملها حوالى 6 ألاف لو نضيفة جدا كمان لكن موديل حاجة و ستين
5-فيات باندا موديل حاجة و تمانين موديل أوائل التمانين تعملها حوالى 9 ألاف لما تكون نضيفة جدا
6-رينو 5 الباب الواحد بتعملها حوالى 6 ألاف لو نضيفة أوى أوى أوى بقى يبقى 7 و الأربع أبواب بتعملها حوالى 8 موديل أول التمانينات

يبقى اللادا أوكا بالنسبه لواحدة مش عايزة تتعب دماغها و تكره العربيات أفضل بكتير من مقارنتها بالفئات التانيه بنفس السعر