شوف الصوره دي كده
Vacuum diagram 4g63 image by jwm6383 on Photobucket
عرض للطباعة
شوف الصوره دي كده
Vacuum diagram 4g63 image by jwm6383 on Photobucket
شكلها مش هي
طيب ممكن تراسل شركة ميتسوبيشي وهما يبعتو المانيوال
انا كنت هبعتلهم بس مش فاهم اللي حضرتك طالبه عشان ماليش في الكربراتير
فعلا مش هيا بس قولى اراسل الشركة ازاى وفعلا ها يبعتو المنيول ولا لاء انا تعبتك معايا جدا يا مهندس مصطفى ويارب يرد عليا مهندس طارق العربية دلوقتى فى الورشة بغيير جوان وش سلندر بس عندى سوال المكانيكى قالى العربية شغالة تلاتة عشان يا اما جوان وش سلندر يا اما صباب لو كان صباب لية مينفعش اغيير طقم الصبابات جديد لية لازم يكون صبابا مستعمل ويجرى اية لو اتغير طقم الصبابات بطقم جديد
مفيش ردود يا شباب مهندس طارق رحت فين
انا دورت على اي ايميل للشركه بس للاسف هما حاطين ارقام تليفونات لكل بلد ومش حاطين ايميلات
يبقى تستنى بشمهندس طارق ممكن يعرف يوصلها ،واعتقد ان المفروض يبقى في داتا بيز عليها كل مانيوالات ميتسوبيشي في التوكيل
أولا آسف على التأخير بس كان لازم اجيب الموضوع من مدير الصيانة بالشركة وهو الحقيقة اهتم بالموضوع وجاب لي الورك شوب مانوال بتاع العربية والصفحة ورد على المشكلة التانية :
الجزء الأول خراطيم الكربراتير :
ـ1ـ غلاف المانوال
http://www2.0zz0.com/2010/02/15/08/372748178.jpg
ـ2ـ الدياجرام Diagram
http://www2.0zz0.com/2010/02/15/08/863965623.jpg
ـ3ـ توزيع الخراطيم Layout
نص الصفحة اللي تحت
http://www2.0zz0.com/2010/02/15/08/932347049.jpg
نيجي للمشكلة التانية وش السلندر
مدير الصيانة قال ان لو كان الميكانيكي مش ماهر هيغير جوان وش السلندر بدون ما يلاحظ المشاكل الحاصلة في وش السلندر نفسه او الصبابات او السلندرات وده هيخلي الجوان يضرب تاني مش بعد شهر وانما بعد ساعات
وعلشان كده يجب فحص كل من الآتي :
-1- برجاء فحص وش السلندر نفسه من حيث التقفيع Deformation لأنه في الغالب يحتاج الى اعادة تسوية (قشط) في الحدود المسموح بها 0.2 mm وفي حالة الزيادة عن هذه القيمة يحتاج الى تغيير
ـ2ـ يجب فحص حالة الصبابات بدقة وقد تحتاج تغيير بالكامل او بعضها او لا تحتاج
ـ3ـ برجاء تجربة حركة عمود الكامات وفي حالة عدم دورانه بشكل منتظم يرجي تغيير وش السلندر
ـ4ـ برجاء فحص حالة السلندرات نفسها فمن الممكن ان تكون قد تأثرت بارتفاع الحرارة وهي احد اسباب المشكلة
ارجو ان اكون قد افدت حضرتك .. وبالتوفيق
شكرا يا احسن بش مهندس واعتقد ان الجوان باظ لان الميكانيكى الاول مكنش رابط وش السلندر ربطة صح حصل فى الجوان قطع بين السلندر التانى والتالت ودلوقتى اتغير وقالى المكانيكى التانى ان وش السلندر تمام والصبابات تمام بس العيب كان فى نوعية الجوان وغلطة من المكانيكى اللاول بارك الله فيك وفى كل ناس مصر الحلوة وحشتونى بجد يا احسن بلد واحسن ناس