لو سمحتوا يا اساتذة كنت عايز اعرف مراكز الصيانة بتاعة اسكندرية لحسن زهقت من المركز الزفت بتاع مودرن عشان مركز مش محترم بجد اوعى حد يروحة:I_angr1[1]:
عرض للطباعة
لو سمحتوا يا اساتذة كنت عايز اعرف مراكز الصيانة بتاعة اسكندرية لحسن زهقت من المركز الزفت بتاع مودرن عشان مركز مش محترم بجد اوعى حد يروحة:I_angr1[1]:
السلام عليكم و رحمة الله و بركاته
بص يا باشا فى مركز فى العامرية بعض شركة شويبس على اليمين هو بعدها بحوالى 3 كيلو مش فاكر اسمها ايه بس هى عليها علامة نيسان و رينو و هيونداى و بعملوا صيانة لماركات كتير اسمها تقريبا شركة الاسكندرية لصيانة السيارات accتقريبا مش فاكر الاسم ايه بس الصراحة انا مرتاحتش فى العامرية قد ما ارتحت فى الحضرة.
تانى حاجه كنت عايز اعرف ايه اللى ضايقك منهم هناك فى مودرن موتورز الحضرة
مستنى ردودك يا باشا
أحمد عيد
والله المعاملة هناك مش اد كدة والمهندسين هناك تحس انو بيكلمك وكانة هوة اللى الللى صاحب شركة نيسان
وبطئ فى التعامل والصيانة
بص انا عملت صيانة فى المركزين بس ارتحت اكتر الحضرة الحمد لله
على العموم جرب تروح العامرية قى الصيانة اللى جاية و اذا ارتحت خلاص خير كمل هناك
حسيت ان الحضرة احسن قارن وشوف و قولنا ايه الاخبار و لو حد من اسكندرية يعرف مراكز تانية يقول
أحمد عيد
مركز التوكيل مودرن موتورز بالحضرة القبلية بشارع النقيب شريف رمزى مركز جيد جرب التعامل معهم و قيمهم أنت بنفسك أنا عن نفسى تعاملت معهم و كانوا محترمين فى ميعادهم و فى شغلهم
طيب ياجماعه بالله عليكم
فيه عربيه صنى مو 2002 ومحتاجه كبالن والعربيه من الأسكندريه انا مش هاقولكم على سعر الكبالن فى التوكيل علشان ما تتخضوش
لو حبيت اجيبهم من برا من عند حد تانى فى الأسكندريه برا التوكيل تنصحونى اروح لمين اجيب من عنده
بالله عليكم ياريت اسم المحل وعنوانه
وكان الله فى عونكم كما كنتم فى عونى
استاذ احمد عز الرجال
لو حضرتك عاي تشترى من محل كويس و ان شاء الله يكون محترم بس انا كنت سئلت عنده على الاسعار لواحد قريبى كان عنده مشكلة فى العربية فيه عندك:
1- محل اسمه الرز فى شارع جمال عبد الناصر قبل فيكتوريا على اليمين محل كبير.
اوصل عنده و اسئله برده يقولك على اسماء تانية و انا اول ما اجيب باقى اسماء المحلات حقولك عليها ان شاء الله.
أحمد عيد
احمد بيك عيد حبيبى
انا مش منتظر منك اقل من كدا علشان طول عمرك ناصفنى ومعبرنى ومصيتنى
ربنا يبارك فيك وبالله عليك لو وصلت لعنوان او اسم اى محل بلغنى بسرعه
وياريت تطمنى على اخوك بعد الحادث وهل انتهيت من اصلاح السياره بعد الحادث ولا لسه؟
ربنا يرزقك خير ماعند الحرفيين وينجيك من شرورهم يارب