حاول تظبط رجلك على الدبرياج شوية ,واكشف على كهربة السيارة وحاول تظبطها
وطبعا انت شارى العربية جديدة ربنا يديلك خيرها ويكفيك شرها ومبروك على السيارة
بس لازم تعمل الاتى :
1:تغير سير الكاتينة ,وتسجل عداد الكيلو متر اللى عندك من بعد ماركبت السير عشان تحسب 30000 الف كيلو وبعد كدة تغيرة وهكذا لانة مهم جدا ,وايضا سير الدينامو ولو فية اى سيور تانية زى التكيف لو فيها
2:تغير بوجيهات وهاتها ngk يابانى ودور عليها هتلاقيها
3:تغير زيت مناسب لحالة الماتور والفلتر معاة وبردة تاخد رقم عداد الكيلو متر عشان تغيرة فى ميعادة وغالبا هاتغيرة كل 3000 كيلو وتغير فلتر الزيت مرة مع غيار الزيت ومرة تغير الزيت بدون تغير الفلتر يعنى مرة ومرة
4:تغير فلتر البنزين
5:تغير فلتر الهواء
6:تعيد على ضغط هواء الكاوتش
7:تتاكد من حالة البطارية
8:اطمن على القواعد وربط العفشة
9:غير تيل الفرامل او اكشف علية لو كويس خلية
وتوكل على الله وربنا يسترها معاك ومعانا
المفضلات