لو سمحت عايز اركب طقم صوت جامد

عايز اركب طقم صوت جامد ( دايو لانوس 2 - 2004 )
يعنى (كاسيت سى دى ام بى 3 - يو اس بى - بلوتوث او بدون ) ياريت انواعها و اسعارها و افضلهم عن تجربة و رقم الموديل لو امكن .
و كمان سماعات كويسة و ياترى هكون مضطر انى اعمل حفر جديد او توسيع علشان اركبهم مكان سمعات العربية و هل السماعات البيضاوى احسن
و هل من الافضل بعد كده الغى سماعات العربية الامامية لو انا مش هجيب سماعات امامية تانية
و لا اشغلها عادى......... وايه افضل السماعات و قدرتها و اسعارها و رقم الموديل لو امكن
اهم شىء عندى نقاء الصوت وجودته فى القام الاول و بعد كده قوته
انا عامل متوسط المبلغ من 1200 --- 1500

افضل انواع السي دي (بايونير طبعا من غير كلام) والاسعار في من 850 لغايه 3000 جم
والسماعات (بايونير برده)
بالنسبه للقطع انت بتشيل الفريكه اللي راكبها عليها السماعات الاصليه وتحط مكنهم خشب مخصوص لو هتركب 4 سماعات من غير جي ام (الامبليفير) يعني ع الكاسيت على طول لازم تلغي السماعات اللي قدام

بس المبلغ اللي انت حطه قليل جدا جدا جدا

على فكره انت اسمك على اسمى
انا اسم عيلتى الشناوى برضه
على كل حال لو بتفكر فى طقم صوت نضيف ومش غالى
انت ممكن تجيب سى دى بيونير وده تقريبا بس من غير بلوتوث ولا يو اس بى حيعمل 600 تقريبا
وعليه ممكن تجيب سماعات بيونير تايلاندى 400وات 3way ودى انا مركبها عندى وصوتها تحفه ماشاء الله
دى حوالى 325 جنيه انا كنت جايبها
ولو عاوز تزود ممكن تجيب جى ام بيونير وصب او بازوكا
بكده حيكون معاك طقم جامد
بخصوص السماعات لازم تشيل الفبره بتاعه السماعات الاصليه وتركب خشب مكانها وتفتح فيه مكان السماعات
ولو حتركب سى دى بس من غير جى ام ومعاه سماعتين بس
ممكن تشغل معاهم السماعات اللى قدام حيبقى الصوت كويس
لكن لو بتفكر فى جى ام وصب او اربع سماعات يبقى تشيلهم ومتشغلهمش
وابقى قولنا عملت ايه

انا مش عايز اركب جى ام او امبلفير مش بحب الحاجات دى اصلا
انا بس عايز صوت نقى وكواليتى عالية
يعنى كاسيت سى دى كويس و سماعتين 300 او 400 وات و كده هكون مضطر برده اركب خشبه و اخفر فيها مكان السماعات
و انا سمعت ان كاسيت البايونير فى مشاكل مع الاتربة و السى دى بيعلق ساعات و انت بدخله او بتخرجه
افيدونا و شكرا على المشاركة

و ياريت اعرف اسعار الكاسيت يكون فيه يو اس بى -- و بلوتوث
اى كاسيت افضل و مالوش مشاكل سونى - بايونير - كينوود - جى فى سى

بلاش سنونى اكسبلود اسمع ان فية مشاكل

طيب ممكن اعرف ايه مشاكل السونى
وهل فيه مشاكل للبايونير
و ايه رايكم فى الكينوود او الجى فى سى

اخى الكاسيت الكينوود الآن من افضل الكاسيتات الموجودة بالسوق و كل من اشتراة بيشكر فية جدا و أنا لسة مشترى واحد سى دى برضة لكنة بدون يو اس بى مع إنى كنت عايز اشترية بيو اس بى لكن الفلوس لم تكن كافية و هو كويس جدا المهم إنى رأيت بشارع الأزهر هناك الكينوود بيو اس بى سعرة اقل من 900 جنية و لو سنتريت و فتحة السى دى خلف وش الكاسيت سعرة حوالى 950 الى 975 جنية و ارشح لك محل اسمة العريبى سنتر بجوار الهوارى بالأزهر و على فكرة توكيل الكينوود هو نفسة وكيل كلاريون و الباين و ال جى و بلوبنكت

أنا معا الاستاذ ممدوح في نفس الرائي ومتهيئلي دا الكاسيت اللي شافو الاستاذ ممدوح :rolleyes:


Kenwood KDC-W5534UY الكاسيت دا فيه usb .. افضل بكتير من أستخدام السي دي وبتشتري فلاش ميموري 1 جيجا ب 70 جنيه تقريبا وتحمل عليها الاغاني بتاعتك .. الكاسيت لو عمل 1000 جنيه مثلا تقدر تشتري سماعتين كينود duble bass بتعمل 400 جنيه وتركبهم علي بورده خشب وبالنسبه لسماعات الابواب خليها زي ماهيا بس بتضبيط منك للكاسيت وتجعل توزيع صوت علي السماعات الاماميه اقل من مستوي السماعات الخلفيه لتحصل علي افضل اداء والصوت المفضل لديك وبالتوفيق ..



http://www.magnitola.ru/images/items...dc-w5534uy.jpg

السلام عليكم
كيف حالك يا احمد يا رب تكون بخير دايما
بص الكاسيت الذى رأيتة بتوكيل كلاريون و كينوود يمكن يكون هو دة لكنة يباع عندهم بسعر غالى فوق 1200 كما قالى لى البائع هناك جنية لكن الذى رايتة يشبهة جدا جدا فى الخواص و تقريبا هى بالظبط لكنى رأيتة بشارع باب اللوق بالتحرير بمحل اسمة سان جو و هو قالى سعرة 1000 جنية ثم نزل الى 975 و بعدين قالى لما تيجيى تاخدة ممكن اخفضلك حاجة كمان بس مش كتير و اظن على ما اتذكر هو الموديل دة بشكل كبير
http://www.crutchfield.com/S-TxlU2Ha...spx?I=113MP535

بص يا سيدي..انا عندي رود ستار فيه CD-AUDIO, MP3, SD SOLT and USB لسه في الضمان تمنه جديد حوالي 650 جنيه وSymphony GM EQ 500 في كرتونته للبيع الاتنين مع بعض على 750. أصل انا جاي لي واحد جديد من دبي قريب جدا إن شاء الله..

أما لو عايز عدة فيها BlueTooth وMP3 هاتلاقي سوني بحوالي 1100 جنيه بدون USB..وهاتلاقي BlauPunkt بحوالي 1350 جنيه ومعاه USB

اتمنى لك التوفيق وحسن الاختيار
ولو ينفع اخى الغالى ممكن اعرف سعر الجى ام لوحده
وياريت صوره وان شاء الله اخلص فيه

المهندس شناوى انا رايى انك تغير العربية بتاعتك اصلا لان حرام العربية دى تركب لها كاسيت جديد لانى عارف العربية وارجو متزعلش منى لان دى الحقيقة

فى الحالة دى افضل نوع تجيبة بايونير بس المهم تكون العربية تستاهل النوع دة يعنى مثلا تويوتا -ميتسوبيشى بس متقوليش دايو

اقتباس:

---

المشاركة الأصلية كتبت بواسطة samehmoheb

المهندس شناوى انا رايى انك تغير العربية بتاعتك اصلا لان حرام العربية دى تركب لها كاسيت جديد لانى عارف العربية وارجو متزعلش منى لان دى الحقيقة

---

ليه بس تيجى على الغلابه وتهبط عزيمته
ولا عشان معاك تويوتا يبقى مافيش حاجه تانيه تنفع
خليك محضر خير....
:rolleyes::rolleyes::rolleyes::rolleyes::rolleyes: :rolleyes::rolleyes::rolleyes::rolleyes::rolleyes: :rolleyes::rolleyes::rolleyes::rolleyes:

اقتباس:

---

المشاركة الأصلية كتبت بواسطة elshinawy80

عايز اركب طقم صوت جامد ( دايو لانوس 2 - 2004 )

---

انا هاقولك على اللى عندى ولك حرية الاختيار
CD بايونير موديل 2750 راديو قوى جدا + MP3
اكوالايزر JENSEN
سماعتين بايونيير 200 وات بيضاوى
الCD مشغل 2 خروج سماعات على سماعات الباب مباشرة لانهم 40 وات
وال 2 خروج الاخرين على الاكواليزر ثم السماعتين الكبار الخلفيين
طبعا الاسطوانه بتتباع بجنيه وبتشيل حتى 165 اغنيه يعنى ماشى باسطوانه واحده داخل الكاسيت
والحمد لله الصوت نقى جدا وقوى
وربنا يوفقك فى الاختيار
;););););););)

انا لسه مركب أمبارح سماعتين JBL من كلايون أحمدعرابي..بصراحة فرقوا جامد جدا مع صوت العربية..لو عايز الجي أم كلمني على 0102507920 يا أستاذ malish_7abiba..

دة السيستم اللى عندى

كاسيت بايونير KEH 4025 سنتريك... انا جبتة من زمان و عايز اغيرة ب MP3 او على الاقل اجيبلة بلير من اللى بشتغلوا على الFM
http://www.pioneer.com.sg/storefront.../KEH-P4025.jpg

ايكولايز زيرو باور بايونير 6500 9 باند و تحكم فى صب ووفر

http://www.ultimate-sounds.com/pioneer/eq-6500.jpg

امبلفاير كينوود 60 وات

سماعات كينوود 7x10 بوصة 220 وات
http://www.kenwoodaudio.com/common/i.../KFC-HQ718.jpg

لو عايز نصيحتى هات MP3 player كينوود عشان الناس بتشكر فيه عن البايونيير و اكولايزر زيرو باور محترم مع امبلفاير 150 او 200 و سماعات كينود 7x10 بوصة و تعمل بوردة خشب لان السماعات دى قوية و حتهز العربية كلها مش البوردة بس... و طالما حتركب سماعات بيضاوى حتحفر فى الصاج اللى تحت البوردة كدة كدة

MMamdouh

طيب دلوقتى يا جماعه بعد ما شوفت آراء الناس اللى بشكرهم على المساعده استقرت على
كاسيت كينوود ام بى ثرى - يو اس بى - بلوتوث
http://www.crutchfield.com/S-TxlU2Ha...spx?I=113MP535
سماعات بقى لسه محتار بين البايونير و السونى و الجى بى ال

اولا الكاسيت اللى اشرت الية إحتمال لا تجدة إلا عند سان جو بشارع باب اللوق بالتحرير كما قلت لك سابقا
ثانيا طبعا لو سماعات Jbl هتبقى هى الإختيار الأول بدون مناقشة
ثم تختار بين اثنين إما البونير الأصلى أو كينوود دبل باص
و أنا أرى لو كان هناك عرض على Jbl بالتوكيل يبقى شوف سعرها الأول و لو لاقيتة مناسب أو زيادة شوية عن البيونيير و الكينوود يبقى توكل على اللة و اشتريها و على فكرة انت ممكن تفاصل مع البياعين اللى فى توكيل كلاريون يعنى مثلا هو عرض علية تسجيل كينوود و قالى علية ب 950 و فاصلتة و نزلة الى 900 جنية و يمكن لو ضغطت علية اكتر كنت نزلت معاة اكتر بس انا قلت اشوف سعرة خارج التوكيل و لاقيتة ارخص ب 10 جنية بس
المهم فاصل معاهم

شكرا جزيلا يا جماعة جدا على مساعدتكم

بس سؤال هل هحتاج العب فى التابلوه او اعمل فيه اى حاجة علشان اركب الكاسيت الجديدو لو انا هركب سماعتين بس لازم برده اعمل الرف الخشب ده و لو عملته هشيل الفيبر الموجود اصلا و لا هعمل ايه بالظبط ياريت الشرح بس بالتفصيل

مش حتحتاج تعمل اى العاب فى التابلوة

طالما حتركب سماعات ورا يبقى حتقطع فى الصاج اللى تحت الرف و دة عادى... ممكن تركب على الرف الفبر بس حيزن معاك خصوصا لو سماعاتك قوية... يا اما تشيلة و تفصل مكانة رف حشب

MMamdouh

دكتور هشام......ممكن تقول لي سعر الكاسيت لوحده و الجي ام لوحده....
و انا عندي كاسيت رودستار بس شرايط.....ينفع تدخل الكاسيتين في بعض مع طبعا هديلك الفرق
و ياريت تبعتلي صوره للكاسيت و امكنياته.....او السريال بتاع الكاسيت

مستر فراج...انا آسف الكاسيت اتباع لوحده من غير الجي إم..لو عايز الجي إم انا هابيعه على 250 جنيه..نوعه Symphony EQ-500 هو قديم (من ايام الشقاوة) بس بكرتونته وموصفاته
Speaker Impdance 12 VOLT
Supply power 12 VOLT
Output power 120WX4Channel mosfet amplifier
Frequency 16K.H
Subwoofer X-over control
Wired remote control

http://www4.0zz0.com/thumbs/2008/01/03/12/35395020.jpg

http://www4.0zz0.com/2008/01/03/12/35395020.jpg


على فكرة الـ120×4 بيتباع في مصر على إنه 500 وات انا مش عارف ازاي؟؟؟

ecybrarian

انا اشتري الجي ام ده
علي 200 جنيه


بس انا عايز اعرف اجيب منين سماعات جي بي ال نضيفة غير السجان في شترع دمشق

مركز الزغل ى مدينه نصر جنب كشرى شيخ البلد
ولما تروح هناك هتلاقى واحد اسمه مايكل قوله انا صاحب سامح بتاع شبرا صحب العربية ال 124الحمرا فى اسود

ميرسي يا سامح علي المساعدة بس انتا تقصد محل تناتيش ؟؟؟

وأنا بايع. أنا دلوقتي في مدينة نصر وبكره وبعده في المقطم ومدينة نصر برضة..ويوم الأحد في شغلي في جاردن سيتي
تليفوني 0102507920

ممكن سؤال
هو اية الفرق بين الجي ام والزيرو باور وياريت اسعارهم اية؟

وهل الاحسن الواحد يركب علي السماعتان اللي عنده(كينوود 320 وات) سماعتان كمان(اية احسن نوع ليهم) ولا يركب صبين 10 بوصة مثلا (برضه اية احسنهم نوعا) ولا بازوكا jpl؟

دلوقتى يا جماعه انا من المنصورة و مش لاقى حد اشترى من السى دى الكينوود
حد يعرف مكان اشترى منه

********************************


العضو المحترم أرجوا إنتقاء الألفـــاظ و الكلمات

فمثل هذا الإسلوب يتنافى مع آداب الحوار و ألفاظك غير مقبولة بالمرة

إنذار رقم 1

الإدارة 3

بوص يا عم انا لسه جايب من يومين سمعتين و صب و امبلفير كانوا عملين كلهوه 1500 جم من كرفور كانوا jvc روح هناك وهتلاقي حجات جمده وعلي حسب امكانيات كول واحد........

تركيبة من الآخر

سي دي بلاير بيونيير 6950
جي ام كنوود 400 وات 4 تشانل
صب بيونير 1200 وات 12"
سماعات بيضاوي بيونير 400وات
ميد رانجات كنوود 100وات او اكتر

اجمالي التكلفة = 2850 بدون التركيب

مينا باشا
ممكن أسعار المجموعة دية بالتفصيل
لأنى مجمع
1- سى دى بيونير 3950 ب 625 جنية
2-سماعات بيونير 400 وات ب 280 جنية
3- جى أم كينوود 400 وات ب 550 جنية على ما أعتقد

أنت أية رايك لأن فى العدة دية - أنا بحب ل Bass قوى بس فى نفس الوقت مش عايزة جامد عايزة نقى فبفكر فى سماعات كينوود 300 وات ب 325 جنية لأن الBass بتاعها محترم وفى ناس بتقولى هات GM سيمفونى رخيص وشغال كويس

استاذ محمد خلف ممكن اعرف حضرتك جبت السماعتبن البايونير منين بالسعر ده

من ساوند هاوس - فى خاتم المرسلين - هرم جنب شركة الدخان وكمان فى واحد فى شبرا خلف مؤمن عالطول وبيبيع بالسعر دة - على ما أعتقد هو دة السعر العادى وممكن تسأل فى محل أسمة الأرخص فى التوفيقية جنب بطاح عالطول وهناك بنفس السعر