فعلا الدعاية والاعلان والتسويق الجيد دول اهم حاجة للانتشار فى مصر وللاسف دول فشل فيهم عز العرب فشل كبير مفيش اى دعاية للعربية كل كم شهر مرة لما بينزل اعلان فى الجرايد مبيشاركش فى اى معرض حتى التيست دريف الاخير الى كان عاملو كان سىء جدا وتحس انو كان عملو غصب عنوعلشان بس يقول للشركة فى ماليزيا انو عامل دعاية للعربية ودا ادى الى ان فى ناس كتير اوى فى مصر متعرفش يعنى ايه بروتون
ودى سبب مشكلتى معاها انا حبيت ماليزيا من الناس الى معايا فى الكلية بجد ناس قمة فى الاحترام والادب والاتقان فى العمل
وحبيت بروتون من الناس الرائعين فى المنتدى ونفسى برتون كشركة اسلامية يبقلى ليه انتشار احسن من كدة على الاقل فى البلاد الاسلامية
انا متابع الجين تو من فترة وحبيتها وكان نفسى اشتريها لكن للاسف والدى رافض تماما الفكرة مش مقتنع اصلا ان ماليزيا بتصنع عربيات ودا يرجع لسياسة عمنا عز فى التسويق الفاشلة
شوفوا هيونداى بالانتشار الرهيب دا ورغم ذلك اى جورنال عربيات لازم يكون عامل اعلان فية وكمان عامل اعلانات تلفزيونية وعلى المواقع الالكترونية وكذلك كيا وشيفورلية
حتى العربيات الصينى زى اسبرنزا وبريليانس بقى ليهم سوق كبيرة قوى فى مصر واسبرانزا دلوقتى بقت رابع اكبر شركة سيارات فى مصر علشان توكيلها شاطر مع انها مكملتش خمس سنين فى مصر ودا يدل على ان تسويق العربية فى مصر مش بالخبرة ولا عدد سنين العربية فى مصر لكن يتم بشطارةالتوكيل فى تسويق العربية وابسط مثال عربيات بيجو كانت زمان واخدا نصيب كبير من السوق دلوقتى شوفوا عاملة ازاى وكذلك تويوتا فى تراجع مستمر على العكس شركة البافارية للسيارات مبقالهاش سبع سنين وعملت اسم كبير لسيارتها فى مصر فانا شايف ان اول خطوة للانتشار بروتون هو تغير الوكيل بتوكيل كويس يعرف يسوق العربية مش يموتها
وادعولى ربنا يكرمنى بعربية من بروتون