أرجو الإفادة اي تابلوه جديد ممكن يركب في الريتمو

**mahmoud.ezzat** · 24-12-2007 01:11 PM

لو سمحتم انا عندي عربية ريتمو وعاوز أركب تابلوه جديد إيه مقاس عربية جديدة تابلوها يركب على الريتمو

كمان ممكن أعرف أماكن بيع قطع غيار ريتمو
عاوز أجيب مسوجرات جديدة أجيبها منين؟
عاوز أغير طقم كاتوش وفيبر اللي بيبقى حوالين زجاج الباب من بره عشان متقطع وعاوز أغيره

**dddddd** · 22-05-2009 07:40 AM

انا كمان عربيتى ريتمو
قطع غيار ال 128 يمشى معاها بس اسال الاول قبل ماتشترى واتفق مع الراجل ال هتشترى منه انها لو مركبتش هترجعها
قطع غيار الريتمو متوفرة فى الوكالة فى القاهرة او الحرفيين انا لسة مرحتش بس كل الناس قالولى كدا وهروح قريب باذن الله
بالنسبة للتابلوه 128 يمشى معاه بس سمعت انه خطر تغيير التابلوه بموديل تانى علشان الدركسيون وكدا
الكاوتش والفيبر ال حوالين الباب ال عندى متقطع بس انا هعمل فكرة هشلهوم خالص وادهن مكانهم اسمر

انا عاوزة اعرف منك بقا ايه هو ارخص نوع كرسى ممكن احطه فى الريتمو
ولو قدرت تحطلى صورته يبقا شكرا اوى

**zocor742** · 22-05-2009 11:41 PM

الكاوتش والفيبر ال حوالين الباب ال عندى متقطع بس انا هعمل فكرة هشلهوم خالص وادهن مكانهم اسمر

حضرتك لو شيلت الكاوتش بتاع البيبان هيدخلك مياة وتراب وهوا لأن الابواب مش هتكون محكومة وهى مقفولة

**dddddd** · 23-05-2009 07:55 AM

zocor شكرا بجد على المعلومة دى
طب اعمل ايه فى الكاوتش المتقطع ده
هو له قطع غيار وممكن اركب غيره ؟

**mrghost** · 23-05-2009 04:02 PM

المشاركة الأصلية كتبت بواسطة dddddd

zocor شكرا بجد على المعلومة دى
طب اعمل ايه فى الكاوتش المتقطع ده
هو له قطع غيار وممكن اركب غيره ؟

ياباشا الكاوتش ده ليه ناس مخصصه لبيعه وبيبقى عنده كاوتش لمعظم العربيات انا اعرف واحد فى عين شمس

**abonour** · 05-06-2009 01:06 AM

يا جماعه انا ان شاء الله هاشترى عربيه ريتمو المانى موديل 1984 و 1600 سى سى بس فيه ناس خوفتنى ان مفيش قطع غيار متوفره هل الكلام ده صحيح و هل العربيه دى كويسه فعلا و لا ايه

**Tam** · 05-06-2009 05:05 AM

هو لسة موضوع قطع الغيار دة برضه؟
يا جماعة والله قطع الغيار موجودة ومرطرطة
وفعلا في حاجات كتير جدا بتركب من ال 128 بس مش في الأساسيات
وبالنسبة للتابلوه ممكن تجيب بتاع الريجاتا بالنسبة لي أنا شايفه شيك جدا جدا!

**dddddd** · 08-06-2009 09:40 PM

ريتمو قطع الغيار بتاعتها موجودة ولما بتحتار بتجيب بتاعت ال 28
انا بتاعتى ريتمو 79 لسة جايباها قريب وظبط فيها كام حاجة كدا ولاقيت قطع الغيار بسهولة
ولو فيه حاجة ناقصة من قطع الغيار لاى عربية عموما يعنى بتلاقيها فى القاهرة فى حتة اسمها الوكالة او فى بور سعيد بس مش عارفة من انهى حتة بالظبط فى بور سعيد