صيانة ال 15000 والصوت المزعج!!
السلام عليكم يا أهل المنتدى الكرام...وحشتوني جدا
في أول ديسمبر اللي فات عملت صيانة ال 15000 في الصحراوي
تيل الفرامل الأمامي إتغير...روحت بالعربية بقيت أسمع صوت تصفير خفيف وأنا بدوس فرامل
(التيل بيصفر زي كل التيل اللي في كل عربيات مصر) سألت كام واحد من اللي غيرو التيل الفترة دي معظمهم عنده نفس المشكلة...قلت خلاص مدام هي مشكلة عامة أريح دماغي و أطنش
لحد هنا ومفيش مشكلة...بس إنه بعد كدة يطلع صوت صفارة وأنا ماشي بالعربية ولما أدوس فرامل الصوت يروح لا وألف لا
روحت فرع العجوزة بعدها ب 3 أسابيع قلتلهم على الصوت المزعج وجربو العربية الصوت للأسف مطلعش معاهم :8954[1]: قالولي مفيش صوت وموضوع صوت التيل ده عادي في التيل اللي موجود في التوكيل الأيام دي عشان في مادة مش فاكر إسمها إتشالت من التيل عشان الحفاظ على البيئة..يا سلام
المهم بعد كدة عرفت إنه الصوت دة بيطلع بعد مالعربية تمشي ب 5 دقائق ولما السرعة تزيد عن ال 60 عشان كدة الصوت مطلعش معاهم وهم بيجربوا العربية..سالت ناس قالولي ممكن التيل عاوز يتنضف هو والطنابير
روحت صيانة ال 20000 يوم 30 يناير في الصحراوي وقلتلهم على الصوت والتيل قالولي دي حاجة بسيطة حنضف التيل والطنابير...إستلمت العربية وكانت زي الفل ووصلت الرحاب ومفيش صوت خالص:rolleyes2: تاني يوم سوقت العربية الصوت رجع تانيييييي :eee:
بقيت أمشي جنب العربيات التانية وأنا مكسوف من الصوت..صوت مزعج كإن العربية قديمة وبايظة حاجة تكسف
عاوز أعرف منكم في حد عنده نفس المشكلة؟؟؟ وحلها إيه؟؟؟ أنا كدة كدة رايح العجوزة يبصوا عليها
