شكرا يا hon .. صدقنى انا ما تصورتش ان فى قلة ضمير كدة.
حسبى الله ونعم الوكيل.
.
اخر المستجدات
1- حاولت الاتصال بالمهندس نجاد للاستشارة والعون ولكن للاسف كان فى دورة تدريبية لعدة ايام.
2- اتصلت كذا مرة ولعدة ايام ببريدجستون لكن لم اجد مقاس الكاوتش الخاص بى (185-55-15).
3- تخوفت من كاوتش نيكسون الكورى (اخر سعر وصلتلة هو 290 جنية).
4- اخيرا اخبرنى احد فروع بيردجستون عن موزع من موزعيهم فى المعادى فى ميدان الحرية اسمة " عبدة"، ذهبت ولكن لم اجد بريدجستون.المهم اشتريت من عندة ميشلان فرنساوى 1960 جنية للاربع كاوتشات ومليتهم نتروجين ورصصت عندة والحمد للة العربية بقت ناعمة معايا فى المطبات ولكن بتحدف معايا بعد الـ 80،.
5- ذهبت الى المنيل وعملت ضبط للزوايا والحمد لله الحدف بعد الـ 80 اختفى.
الحمد لله .. الحمد لله .. الحمد لله .. الحمد لله .. الحمد لله .. الحمد لله .. الحمد لله .. الحمد لله ..
وشكرا جزيلا للمنتدى واعضاء المنتدى الذين تعلمت منهم الكثير والكثير. الف شكر.
>
الف سلامه لزوجة حضرتك ربا يقومهالك بالسلامه
معلش قله الذمه والضمير كترت جدا وبقت اكتر من ماتتصور
وانا رآي ماتسبش حقك وارجعله وخليه يدفعلك تمن الكاوتش الجديد لأنه اكيد هوه اللي قايلهم مش هايعملوا كده من دماغهم ألا أذا كانوا بيسرقوه من وراه بس ميتهيأليش بدليل ان كتب علي نفسه تعهد متسبش حقك متسبش حقك وربنا يوفقك
أخي العزيز ، ألف سلامة لزوجتك ، للأسف الموضوع ده متكرر و من زمان، إقرأ الموضوع ده
اصلاح الاطارات
به تجربة لي و كذلك الحلول من وجهة نظري
حاول متسيبش حقك و لا تعف و لا تصفح عسي هذه العادة القذرة أن تندثر
زوجتك كانت مريضة و لم تأخذه بك رحمه و أنا كنت علي سفر و فجرا و كذلك القلوب القاسية ، الرحمة تجعلها تستمر و العقاب يجعلها ترتدع
الف الف شكر يا Islam_galal
الف مبروك الكاوتش الجديد
قولى انا عاوز اظبط زوايا فى بريد جستون عندهم كذا حاجه للماتيريا او الدايهاتسو كوو زى ماهى اسمها كده فى اليابان
واخيرا بقى كده مبقاش ليك حجه لازم تيجى معانا المقابله اللى جايه ونعرف ماتيريتك على ماتيريتى ادخل وصوت للمعياد وقول انك جاى
الله يبارك فيك يا madoo ... بجد ربنا يبارك فيكم جميعا، جزاكم الله عنى كل خير... بجد خففتم عنى وافادتونى جدا جدا جدا.
اما بالنسبة للزوايا ... صراحة انا ما بفهامش قوى فى الحاجات دى وبصراحة بعد ما عملت ضبط الزوايا فى المنيل بفكر ارجعلة تانى عشان حاسس ان العربية بتعوم شوية لأنة سلمنى ضمان لمدة اسبوعين او ان اضبطة فى التوكيل عشان اطمن اكتر. مش عارف اعمل اية؟
ما تقلقش هخش واصوت دلوقتى ان شاء الله ... ربنا يباركلك.
.
من الذى قال أن العوض حرام ؟!!
من أتلف شيئا فعليه إصلاحه .. أما عن العفو فهو شىء آخر . ولابد فى هذه الحاله أن تتمسك بحقك وإلا سيتكرر هذا الموقف مع آخرين ، وصاحب المحطه لما يلاقى نفسه كل يوم يدفع ثمن طقم كاوتش جديد لأحد الضحايا .. وقتها سيدقق كثيرا في من يؤجر له ورشه الكاوتش . وعلى العموم لا أنصح أبدا بإصلاح الكاوتش فى أى محطة بنزين إلا فى حالة علمك تماما بأن الضمير صاحى فى هذه المحطه وهم أقليه .
أما عن الكاوتش بتاعك أبو 61 خابور فربنا يعوض عليك .
أنا قبل كده شربت مقلب زى ده ( بس 9 خرم فقط ) فى محطة البنزين اللى فى شارع النزهه اللى أمام الرقابه الإداريه على الصف الثانى عند مطلع الكوبرى ، ومن ساعتها حررررمت . http://www.nilemotors.net/Nile/image...ink%5B1%5D.gif
ربنا يخلف عليك . :ask:
حصلت لواحد صاحبى و دفعه حوالى 300 جنية و قاله قال أيه خوابير أمريكى بتسيح قال و كأن الكوتش ما أتخرمش و كان قايله برده على حكاية أنه مشى على قزاز و فى حاجة و 30 خرم و بعديها بفترة كان صاحبى ماشى و الكاوتش راح مفرقع و عمل حادثة و العربية فضلت تلف بيه بس الحمد لله هو و العربية طلعوا سلام و لحد دلوقتى صحبى ميعرفش أنه كان مضحوك عليه و أنا مكنتش أعرف بردو غير لما قريت موضوعك بجد ألف شكر ليك و ربنا يعوضك خير