العربية بتدور بصعوبة جداااااااااا

السلام عليكم

انا عضو جديد بس بتابع مواضيع المنتدى باستمرار وفعلا استفدت جامد من المنتدى
فعلا منتدى جامد ويستحق التقدير والاحترام

انا عندى عربية 128 لسه مغير طقم شمبر ووكان فى بستم مكسور اتغير المهم بعد اما عملت الشغل ده ... العربية بقت بتدور بصعوبة جدا ممكن تقعد نص ساعة على ما تدور بتلقط وتطفى ف نفس اللحظة ده الصبح لكن بعد كده لو ركنت العربية ساعة ورجعت ارجع لازم اسخنها من الاول وجديد بس بتدور على طول والسحب بيكون جميل لو العربية سخنت كويس مع العلم انى غيرت البوجيهات بعد العمرة وزيت وفلتر الزيت وروحت نضفت الكربيراتير فزهقت جدا جدا من العربية ومش عارف اعملها ايه

ياريت الاخوة الاعضاء يشوفولى حل فى المشكلة دى

مشكور مقدماً

طيب ماتروح للميكانيكى
يظبطلك السلانسيه
من مسمار الهواء ومسمار البنزين
أو يعللى الكهرباء شويه
بحيث يخللى العربيه تلقط على طول فى أول الدواره

وياريت برضه تكون مطمن لشفاط باب الكربوراتير
يكون شغال معاك
ده حيساعدك كتير فى أول الدواره صباحا

بعد العمرة بيكون احكام البساتم اكثر فبتكون تقيله فى الاول وممكن لو بتحس ان المارش بيعتل يبقى تظبط المارش والبطارية عشان يكون قادر على تحريك البساتم المحكمة ومن ثم عمليه الاشتعال

الف شكر يا بشمهندس سمير على ردك
بس انا رحت فعلا للميكانيكى وظبطلتى الحاجات دى كلها وبرده نفس المشكلة

الف شكر على ردك يا استاذ ماجد هبقى اروح للكهربائى يشوفلى الحاجات دى