| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 5 من 5 الأولىالأولى 1 2 3 4 5
النتائج 41 إلى 48 من 48

  1. #41

    الصورة الرمزية أحمد كمال

    رقم العضوية : 33438

    تاريخ التسجيل : 19Feb2009

    المشاركات : 14,563

    النوع : ذكر

    الاقامة : استراليا

    السيارة: None

    السيارة[2]: Toyota Camry

    دراجة بخارية: Harley-Davidson

    الحالة : أحمد كمال غير متواجد حالياً

    افتراضي -

    hasad">

    انا مش هاطول لان كل الناس قالت اللي انا عايز اقوله ..... و للتلخيص في نقاط

    1- الهبة ملك للموهوب. يعني الدهب بتاعها ملكها ..... انت اللي جايبه ما يفرقش عن اللي ابوها جايبه

    2- لازم الست تشيل جوزها (الا لو ما يستاهلش عشان بيصرف في حرام و بتاع زي ما نور قالت)

    3- بس برضه .... هو مش فرض عليها

    4- however ... لو الموقف بالعكس ..... هو هيبيع اللي قدامه و اللي وراه عشانها ..... يبقى اشمعنى؟

    5- قدم السبت تلقى الحد قدامك .... مافتكرش اي واحدة هترفض تتوقع من جوزها بعد كده يبقى سخي معاها و بزيادة .. يعني زي ما هو مش فرض انها تبيع دهبها ..... مش فرض اما هو يغتني انه يشتريلها دهب اصلا !!!

    6- لو من الاول شايف ان زوجة المستقبل مسلمة ودانها لأي حد ..... بلاش منها اصلا

    7- مفيش حاجة اسمها مراتي عايزة تعمل كذا بس خايفة تزعل أمها ..... اعتقد لو الوضع مقلوب هي هتغضب (يعني لو قلتلها انا مش هقدر اشتريها الخاتم ده مثلا لان أمي هتزعل مني عشان اي سبب ...... هيبقى ايه رأيها؟؟؟) ..... انا مثلا اما أمي بتسمع اني افكر اسافر بتقول لي لأ مفيش سفر طول ما انا عايشة (بدلال يعني مش امر و لا زعل) مراتي بتتضايق ..... و ده مثال ..... غير ان شرعا طاعة الزوجة لزوجها أولى و أبقى من طاعتها لأمها و أبوها ... اما الزوج فطاعته الأولى تكون لأمه ثم أبوه ..... و زوجته مالهاش عليه طاعة أصلا !

    8- كبر دماغك و طنش تعش تنتعش ...... سيبك ...... ارمي ورا ضهرك عشان تعرف تعيش حياتك ..... و فعلا .... محدش هيحبك زي أمك ...... و انت مش هتحب زوجتك اكتر من ولادك ..... و ده الطبيعي ..... ولادك حتة منك .......

    9- الكثير من زوجات اليومين دول بسبب كتر الفرجة على التمثيليات للاسف مقتنعين ان كل الرجالة وحشين و غدارين و لو ما قرصكيش النهاردة هيقرصك بكرة و بتاع ..... فبتعتبر انها لازم تاخد حذرها منه و ما تخونش ...... يعني دايما تشيل قرشين من وراه ..... تشيل الدهب ليها و للزمن ..... الخ ...... و للاسف ما تضايقش نفسك لان فيه الكثير منهن كده بسبب الزفت المدعوق التليفزيون .....


  2. #42

    الصورة الرمزية medo_2060

    رقم العضوية : 2951

    تاريخ التسجيل : 02Nov2007

    المشاركات : 3,099

    النوع : ذكر

    الاقامة : Mansoura

    السيارة: A113

    السيارة[2]: lanos

    دراجة بخارية: لايوجد

    الحالة : medo_2060 غير متواجد حالياً

    افتراضي -

    فى النهايه يا جماعه الذهب مع ان قيمته كبيره بس اصغر بكتير من العلاقه الى المفروض تكون بين الزوج وزوجته.... وزى ما اتذكر فى الموضوع ان ابسط واسرع حل ان حضرتك تواجه مراتك براحه وتعرف منها السبب وممكن لما تعرف انه كان سبب مقنع تقتنع انت كمان وتستريح لكن لو كان حاجه تانيه يبقى لازم تقف معاها وقفه وتحاول تصلح الامور عشان المستقبل(وعلى فكره فعلا زى ما حضرتك ذكرت ان فى ستات كتير بتخاف تتصرف فى حاجتها عشان خايفه من امها وكأن امها هى المسئوله عنها فى المقام الاول ودا للاسف بيهد حياه عائلات كتير وافتكر كانوا مستضيفين راجل مصرى متجوز اوروبيه والمذيعه بتسأله ليه فضلتها قال عشان انا خدتها كدا بس هى لوحدها لكن فى مصر تتجوز الواحده مع عائلاتها واصحابها وكل قرايبها بمشاكلهم وتكون لازم تتدخل فى حل المشاكل دى)
    عموما ما تستعجلش وفكر براحتك واكيد انت هتوصل لحل يرضيكم لانك ادرى بالموضوع دا وبحياتك ككل مننا كلنا

    سبحان الله وبحمده ... سبحان الله العظيم


  3. #43

    الصورة الرمزية enas75

    رقم العضوية : 24428

    تاريخ التسجيل : 07Nov2008

    المشاركات : 552

    النوع : انثى

    الاقامة : cairo

    السيارة: ربنا يسهل

    السيارة[2]: kia new cerato sx 2009

    الحالة : enas75 غير متواجد حالياً

    افتراضي -

    انا طبعا متفقه معاكم جميعا في الي قلتوه
    وفي بدايه الموضوع اللي قريته كنت هاين عليا اخنق مراتك
    بس فيه حاجه لخبطتني وخلوتني افهم ليه مراتك عملت كده

    1- سبب الدين ....انه حاجات باعترافها هي مالهاش لازمه ومع ذلك انت رحت اتداينت وجبتها....وافقت علي كل اللي طلبوه مع ان واضح من كلامك عنهم لو كنت وضحتلها اخرك ايه في الفلوس كان ممكن ماتجبوهاش ....واضح من طبيعتك انك دائما بتحاول توجد الحلول للمواقف بدون طلب المساعده من حد وبدون توضيح ابعاد الموضوع ايه ......فطبيعه الحال هي اتعودت انك حتتصرف ومش هي وبس واهلها كمان...وانك بتعصر نفسك وتجيبلها كل حاجه بدون مناقشه وفي بعض الاحيان الكلام ده مينفعش في الجواز دي شريكه حياتك علي الحلوه والمره ان ماكنتش تبقي عارفه اولوكو من اخركو معاك حتكملو ازاي .....امتي تعرف هي اذا كانت الحكايه جامده ولا بسيطه
    ............................
    علي فكره يمكن لو كان سبب الدين حاجه بجد جت من شغلك او ظروف مرض ...تكون هي اول واحده بايعه دهبها وعفش البيت كله
    ..............
    بس اكيد فيه خلل في الاتصال منك ....خلاها مش قادره تستكشف ابعاد الموضوع صح
    اتكلم معاها اكتر .....
    وبعدين مراتك مش وحشه وبتقول ان كان ليها ايجابيات كتيره
    يعني اكيد مش مستخسره فيك شويه دهب ....لكن ممكن تكون وجهه نظرها ان لسه مجاش سبب البيع
    اما بخصوص مامتها انت برضه تقدر تقلل ده
    احتويها اكتر ....اجذبها ناحيتك اكتر
    ماتخلهاش كل ما نفسها تتكلم مع حد عن حياتها تروح لمامتها
    لا تتكام معاك انت .....ساعتها حتلاقي الوضع اختلف
    ................................
    طلب تاني
    ماتاخدش كلام الاعضاء انه امر مسلم بيه
    بمعني انت ادري واحد بابعاد علاقتك بمراتك واهلها
    احنا هنا بنفتحلك سكك تعرف المشكله فين
    والخلاصه النهائيه
    ان اي ست في الدنيا تبيع دهبها وكل ما تملك لو شعرت بالامان والاحتواء من جوزها
    غير كده يبقي تعرف ان فيه سبب


  4. #44

    الصورة الرمزية samirayad

    رقم العضوية : 19543

    تاريخ التسجيل : 20Sep2008

    المشاركات : 18,152

    النوع : ذكر

    الاقامة : ismailia/Egypt

    السيارة: لايوجد حاليا

    السيارة[2]: نوبيرا 2007

    الحالة : samirayad غير متواجد حالياً

    افتراضي -

    حاول تسامح وتنسى عشان ترتاح
    هذه العباره أفضل ماقرأت فى هذا الموضوع

    وأقنع نفسك بالكلام ده

    انا فى حاجة صغيرة عاوزة اقولها للعضو صاحب الموضوع
    الحمدلله انت عرفت تتصرف وسددت ديونك
    ليه مفكرتش انها ممكن تكون كانت واثقة انك هتقدر تتصرف وقالت تخلى الدهب ده لوقت ازمة اكبر او ظرف طارئ مرض مثلا لا قدر الله


  5. #45

    الصورة الرمزية نور القمر

    رقم العضوية : 7138

    تاريخ التسجيل : 08Mar2008

    المشاركات : 8,275

    النوع : انثى

    الاقامة : ..............

    السيارة: .............

    السيارة[2]: ..............

    دراجة بخارية: ...................زز

    الحالة : نور القمر غير متواجد حالياً

    افتراضي -

    انا مكنتش واخدة بالي في البداية من سبب الدين
    بس عايز الحق المشكلة مبدأتش من اول زنقتك وتخليها عن مساعدتك بالدهب
    المشكلة بدأت من زمان لما حملتك وحضرتك وافقتها انك تتحمل فوق طاقتك المادية
    مفيش سبب في الدنيا يخلي البتي ادم يتداين إلا لا قدر الله المرض لانه شيء خارج عن الارادة لكن اللي يتداين عربية ولا اثاث فاخر ولا شقة ولا فرح 5 ستارز يبقه ظلم نفسه اولا وشريكته كانت شريكة له في الظلم


  6. #46

    الصورة الرمزية Abdm

    رقم العضوية : 1648

    تاريخ التسجيل : 31Jul2007

    المشاركات : 1,667

    النوع : ذكر

    الاقامة : ELHARM

    السيارة: الحمد لله كدة رضا

    السيارة[2]: Nissan sunny S.S.2012

    دراجة بخارية: bajaj 200NS

    الحالة : Abdm غير متواجد حالياً

    افتراضي -

    فى نقطة مهمة ألا وهى ما مدى سرعة سداد الدين يعنى هل ممكن يسدد بعد فترة ممكن الواحد يعمل جمعية أو يستلف من الآقارب ودة حل أنا شايفة أحسن من بيع الدهب لآن بيع الدهب دة موضوع صعب على الزوج قبل الزوجة من الناحية المعنوية أكيد الزوج هيزعل ويضايق علشان هيبيع دهب زوجتة ونوع الدهب اللى ممكن ما تعرفش تجيبة تانى نفس الآستيل أو الذكريات الحلوة المرتبطة بالشبكة .

    والحاجة التانية المادية ودية أنتوا ما أتعرضولهاش هنا أنوا الزوج هيفك ديونة تجاة الناس وهيفضل دينة أما زوجتة ولو هو أنسان كويس هيحاول يشترى غير لكن النقطة المهمة بكام هو باع مثلا ب 5000 جنية لما يجى يشترى مش أقل من عشرة طيب العشرة مش هيتوفروا بسهولة ثانيا ساعة ما تيجى تشترى ممكن تلاقى حاجات أهم من الدهب والزوجة ذات نفسها ممكن ما ترضاش أنك تدفع كل المبلغ دة وهتقولك نجيب حاجة أحسن للبيت أو لحياتنا ذى حتة أرض أو بيت أو شقة ممكن تكون واقفة على ال 10000 أو 15000 جنية دول بتوع الدهب فالآخر هتأجل الشراء لآجل غير مسمى وكل ما الدهب ما هيغلى أنت هتأجل أكتر والزوجة مش هترضى أن زوجها يدفع كل الفرق دة علشان يعوضها

    موضوع بيع الدهب دة صعب جدا حتى لو الزوجة عرضت لآن ممكن ما تقدرش تشترية تانى بنفس الكمية ونفس الجودة ولا ينصح أن الواحد يلجأ الية الا لو هيتحبس مثلا أو هيضيع مستقبلة ساعتها ما فيش حل تانى غيرة
    وربنا يسدد ديونا جميعا ويسدد ما علينا وما يوقعناش فى ديقة أبدا ولا حوجة لحد حتى الزوجة وفعلا ما فيش غير الآم والآب هما اللى ممكن يشيلوا الواحد ويساعدوة أكتر من أى حد فى الدنيا كلها


  7. #47

    hh

    الصورة الرمزية hh

    رقم العضوية : 3040

    تاريخ التسجيل : 06Nov2007

    المشاركات : 772

    النوع : انثى

    الاقامة : cairo

    السيارة: toyota corolla 2009

    السيارة[2]: Nissan Sunny 2008

    دراجة بخارية: لا يوجد

    الحالة : hh غير متواجد حالياً

    افتراضي -

    انا عايزة صاحب الموضوع يحاول يفكرفي الموضوع من وجهة نظر مراته عشان يحاول يعذرها.

    أولا:الذهب بالنسبة للستات حاجة مهمة جدا جدا جدا مش معنى كدة انه لا سمح الله أهم منك, هي بس تعتبر من أولويات الحياه بالنسبة لها و نوع من الأمان زي ما كتير من الأخوة قالوا. برضه مش لازم لعدم ثقتها فيك, بالعكس ممكن يكون أمان للبيت فعشان كدة الست مش بتفكر تبيع دهبها غير لو مفيش مفر. انت في حالتك واضح ان الأزمة ماكانتش طارئة, يعني انت مديون من بداية الجواز و بالتالي هي مفترضة انك تكون انت عارف حتسدد الديون دي ازاي و انكم لازم حتمروا بفترات زنقة لغاية ما تسددوا اللي عليكم, و ممكن تكون هي مش في بالها حكاية بيع الدهب لأنه زي ما قولت من الحاجات اللي المفروض المحافظة عليه الا للضرورة. و يا ريت تسأل نفسك هي في خلال الأزمة دي كانت - في ما عدا موضوع الدهب - تعتبر واقفة جنبك, يعني بتحاول تهون عليك و ما تتقلش عليك في طلبات البيت و طلباتها الشخصية؟

    ثانيا: السؤال المهم برضه هل انت كنت في خطر حقيقي في خلال الأزمة دي؟ يعني كان عليك شيكات أو وصولات مثلا و مهدد بالسجن لا قدر الله؟ لو مافيش حاجة زي دي يبقى مينفعش نقعد نقول لو انت مريض و لو بتموت حتتخلى عنك و الكلام الكبير ده لأن الموقف رغم انه أكيد صعب, لكن مش بيمثل خطورة عليك و على مستقبلك و يمكن عشان كدة هي ما شافتش لازمة لبيع دهبها.

    ثالثا: هل حضرتك بتمتلك عربية؟ و لو أيوة هل فكرت تبيع العربية عشان تفك زنقتك؟ لأن من البديهي ان التفكير الأول لو فيه حاجة حتتباع تكون ملكك انت, لو مفيش ممكن في الحالة دي تفكر في ممتلكاتها, لكن مينفغش الحل الأول تكون حاجتها.

    رابعا: من الواضح ان المشكلة الحمد لله اتحلت, يبقى حضرتك كان عندك افكار و حلول تقدر تعملها. و أكيد كمان حضرتك كنت بتتناقش معاها في ال options المتاحة. ده معناه ان هي مكانتش حاسة ان الحل الوحيد في بيع دهبها عشان تفكر تعرضه عليك, خصوصا انك ما طلبتش ده منها.

    خامسا: حضرتك بتقول انها بتخاف من أمها, طيب ليه حضرتك مش متصور انها ممكن تكون بتخاف على منظرك قدام أهلها و أمها بالأخص؟ يعني حضرتك بتقول ان علاقتك بأهلها جيدة و انهم كويسين معاك, يبقى واضح انها مش من النوع اللي كل ما تحصل ما بينكم مشكلة تروح تشتكي لأمها أو من النوع اللي بيدخل أهله في كل كبيرة و صغيرة في حياتكم. مش عيب انها تكون بتعمل خاطر لأمها و بتخاف على زعلها طالما ده مش بيعمل مشاكل في حياتكم. وممكن جدا تكون بتحاول تراعي رأي أهلها عشان يفضل شكلك كويس قدامهم و يفضلوا يحترموك و يقدروك.

    سادسا: لاااااااااااازم طالما ان الموضوع مضايقك قوي كدة انك تتكلم معاها عشان هي دي الحاجة الوحيدة اللي حتريحك. بس يا ريت لما تكلمها يكون بأسلوب استفسار مش عتاب, يعني قول لها انك توقعت انها تعرض عليك الدهب و شوف ردها حيكون ايه, مش تقول لها انك متضايق انها معرضتوش عليك. أولا عشان تتكلم معاك بصراحة و ثانيا عشان ما تفهمش غلط انك طمعان في دهبها.

    و أخيرا يا رب يصلح ما في نفسك و يقرب يبنكم و يهدي بالكم.


  8. #48

    الصورة الرمزية mahmoudysf

    رقم العضوية : 34626

    تاريخ التسجيل : 05Mar2009

    المشاركات : 4,339

    النوع : ذكر

    الاقامة : om eldonia

    السيارة: Octavia A4 2002

    السيارة[2]: Daewoo Nubira 1 1997

    دراجة بخارية: NOT YET

    الحالة : mahmoudysf غير متواجد حالياً

    افتراضي -

    hasad">

    انت قولت انها اصيله وكويسه بس امها ماثره عليها
    حاول تنسى الموقف وتتعايش
    انا عكس الناس وبلاش تفاتحها عسى ان يكون عدم مسندتها لك ليه مبرر فيما صدر عن الاخوة فى الردود
    لاكن صدقنى ممكن يكون ردها ومبررها اصعب عليك من الموقف وحصلت كتير

    في الماضي كان الخطر الكبير الذي يواجه المصريين النظام الفاسد
    الان الخطر الاكبر الذي يواجه مصر والمصريين هو الجهل



 
صفحة 5 من 5 الأولىالأولى 1 2 3 4 5

المواضيع المتشابهه

  1. زوجك جنتك ونارك.. فاسعي لتكسبيه و ترضيه.
    بواسطة Olala في المنتدى المنتــــــدى الاجتمــاعى
    مشاركات: 13
    آخر مشاركة: 08-10-2012, 10:05 PM
  2. كيف تطبخين زوجك -منقول لحواء المنتدى
    بواسطة Gelgel2004 في المنتدى المنتــــــدى الاجتمــاعى
    مشاركات: 21
    آخر مشاركة: 21-09-2012, 02:11 AM
  3. جمال رفض إسقاط أوروبا لـ 19 مليار دولارمن ديون مصر
    بواسطة madyyuri في المنتدى المنتــــــدى الاجتمــاعى
    مشاركات: 2
    آخر مشاركة: 12-05-2011, 05:38 PM
  4. في تفسير الأزمة المالية - ديون وحمير
    بواسطة ahmed_su في المنتدى المنتــــــدى العـــــــــــام للسيــارات
    مشاركات: 6
    آخر مشاركة: 28-11-2008, 06:55 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2