والدى يفكر فى شراء سيارة : اوكتافيا ام سوناتا

والدى يفكر فى شراء سيارة : اوكتافيا ام سوناتا

ياريت تقولولى ارائكوا فى السيارتين و ايهما افضل فيما بعد الشراء و قطع الغيار و عند البيع

و بالنسبة للسوناتا الااتوماتيك - ال 2000 ب 170000 و ال 2400 ب 190000
يا ترى هل الفرق الوحيد هو ال سى سى و ما هى مواصفات السيارة بالكامل - هل هناك تقرير مفصل عنها موديل 2010

و بالنسبة للاوكتافبا التوماتيك 2010 - هل كلها 1600 سى سى ام هناك اكبر من 1600 سى سى
و بالنسبة للفئات
168000 جم
189000 جم
193000 جم
200000 جم

ما هى الفروق بنهم و ما هى مواصفات السيارة بالكامل - هل هناك تقرير مفصل عنها موديل 2010

فى رأى الاوكتافيا دون اى جدال او نقاش لا وجه للمقارنه

اقتباس:

---

المشاركة الأصلية كتبت بواسطة hossam_elwani

فى رأى الاوكتافيا دون اى جدال او نقاش لا وجه للمقارنه

---

+111111111111111

يا ريت اللي بيقول الاوكتافيا يكون ركب السوناتا بجد مش رأي مبني على ان دي كوري ودي تشيكي
بالنسبه لصاحب الموضوع فالموضوع محير جداً بس لو كنت هتدفع ضريبه على الـ2000 سي سي وهتستحمل كلام الناس بتاع مجبتش جيتا ولا اوكتافيا ليه يبقى توكل على الله وهات السوناتا وهي عربيه بتتحمل جامد وموتورها اقوى ولو 2400 هيبقى حاجه جامده جداً وصاجها اقوى والامان 4 نجوم للعربيتين
بس فيه حاجتين ممكن يمنعوك
اولاً انها تجميع مصري ومعرفش غبور شايل منها حاجه ولا لأ بس تقفيلها نضيف وواحد قريبي شغال في مصنع مرسيديس بيقول انها بتترش عندهم
ثانياً لما كنت في معرض فورميلا الاهرام فوجئت ان غبور منزل الشكل ده
http://upload.wikimedia.org/wikipedi...dai_Sonata.jpg

مع ان بعدها نزل فيس ليفت زي ده
http://www.waymotor.com/img/1277-Hyu...nata-Price.jpg
وفيه فرق كبير من جوا بين العربيتين
وكمان هينزل الشكل ده 2011
http://farm3.static.flickr.com/2502/...6fe2efcda2.jpg

فطبعاً بالمنظر ده غبور بيعاملها زي الفيرنا فاحسنلك هات اوكتافيا وطبعاً عربيه محترمه جداً وغنيه عن التعريف

اقتباس:

---

المشاركة الأصلية كتبت بواسطة hossam_elwani

فى رأى الاوكتافيا دون اى جدال او نقاش لا وجه للمقارنه

---

+111111111111111

واحده واحده يا جماعه بس.....

اولا: السوناتا مش نفس فئة الأوكتافيا أصلا...!!!! السوناتا فئه أعلى و أكبر (كفئه)

ثانيا: السوناتا عربيه محترمه جداا فعلا و عمري ما سمعت حد اشتكى منها بصراحه...
الفرق بين الفئات الثلاثه في المواتير و الكماليات كمان...

أول فئه: 2000سي سي, 143 حصان, مانيوال, زجاج كهربائي, سنتر لوك مع انذار, CD\MP3 مع 4 سماعات
مالتي فانكشن, زجاج ملون, فوانيس ضباب, تكييف مانيوال, جنوط 16" (255\55 مم), و طبعا ABS, EBD
كمبيوتر كامل للسائق... بس مش عارف كام اير باج

تاني فئه: زي الفئه الأولى و تزيد عنها... أوتوماتيك ستيبترونيك, حساسات خلفيه للركن, عجلة القياده جلد طبيعي

ثالث فئه: 2400 سي سي, 161 حصان, و نفس الكماليات للفئات السابقه و تزيد عنها...
مثبت سرعه, 6 سماعات, تطعيمات خشبيه, ستاره للزجاج الخلفي

و ده لينك فيه مواصفات الفانتازيا........
http://www.nilemotors.net/Nile/67541-a.html

السوناتا تقفيل مصري.... الفانتازيا تقفيل تشيكي....

انا رأي المتواضع ان والدك هو اللي يقرر على حسب احتياجاته و زوقه الخاص... العربيتين ممتازين

أنا رأي بلاش فوق ١٦٠٠ في مصر لإنها خراب بيوت في المصاريف (بنزين- تجديد والذي منه) وتاني حاجة بلاش غبور
لو كنت بره مصر كنت قلتلك السوناتا أو الألتيما لكن في مصر خليك في ال١٦٠٠ وإبعد عن غبور ومنصور

زى اما علق استاذ غازى بالظبط ومن راى تشوف الشكل الجديد من السوناتا 2011 لو مستعجل الشراء يبقى اسكودا ولان السوناتا مش منتشرة وغير كدة قطع الغيار مش متوفرة وتوكيل سىء
وبالنسبة لاسكودا عربية محترمة وارشحهالك

أعتقد لو ضرورى واحدة من الأثنين تبقى الفانتازيا.
بس لى سؤال----طالما أنت تتكلم عن عربيات المستوى ده من الأسعار فلماذا لم تفكر فى الجيتا...!؟ فى رأيى اختيار هيبقى موفق جدا ل لن تندم عليه مطلقا.

انا شايف ان الاوكتافيا احسن من الاتنين

انا رئي الاسكودا الفانتازيا احسن بكتيير
اولا : العربيه دي اوربي يعني ولا كوري ولا صيني
ثانيا : الاسكودا تبع الفولكس يعني هي هي الجيتا لكن الفانتازيا من فئه الباسات
ثالثا : قطع الغيار الاسكودا نفس سعر الهيونداي بس حاجه الاسكودا معمره اكتر

دا رقمي لو عزت اي حاجه كلمني 0119009554-0121752793
انا ممكن اجبهالك من اي مكان او اسعدك فيها

راى برضوا الفانتزيا افضل

علشان ثبات واوروبى وكمان 1600 كويس لمصر ولو جبت اكبر من كده يبقى بتضحك على نفسك علشان مفيش طرق فى مصر محتاجه الموتير الكبيره دى

وطبعا الاوكتافيا ثبات لا يعلى عليه حتى فى السوناتا

دى وجهه نظرى فى العربيتن

اقتباس:

---

المشاركة الأصلية كتبت بواسطة morsy012

انا رئي الاسكودا الفانتازيا احسن بكتيير
اولا : العربيه دي اوربي يعني ولا كوري ولا صيني
ثانيا : الاسكودا تبع الفولكس يعني هي هي الجيتا لكن الفانتازيا من فئه الباسات
ثالثا : قطع الغيار الاسكودا نفس سعر الهيونداي بس حاجه الاسكودا معمره اكتر

دا رقمي لو عزت اي حاجه كلمني 0119009554-0121752793
انا ممكن اجبهالك من اي مكان او اسعدك فيها

---

اسمحلي اسألك سؤال بسيط جداا.... انت جبت الكلام ده منين..!!!!!!!!!!!!!!!!!

أولا: العربيه تكنولوجيا ألماني و تقفيل تشيكي... يعني اوروبي و مش مختلفين

ثانيا: سكودا احدى شركات مجموعة فولكس فاجن العالميه و متفقين...
لكن مين اللي قاللك ان الفانتازيا فئة الباسات..!!!!! ده كلام خطأ تماماااااا
الفانتازيا فئة الجيتا.... السوبيرب فئة الباسات

ثالثا: قطع غيار الأوروبي أو الألماني معمره و متفقين...
لكن مين اللي قاللك ان اسعار قطع غيار الهيونداي هي نفس سعر قطع غيار السكودا..!!!!!
ده كلام غير صحيح بالمره.....

أرجوك اتأكد من معلوماتك قبل ما تكتبها, علشان في ناس بتاخد قرارات بناء على ثقتهم في كلام الأعضاء

اقتباس:

---

المشاركة الأصلية كتبت بواسطة mahamedaraby

راى برضوا الفانتزيا افضل

علشان ثبات واوروبى وكمان 1600 كويس لمصر ولو جبت اكبر من كده يبقى بتضحك على نفسك علشان مفيش طرق فى مصر محتاجه الموتير الكبيره دى

وطبعا الاوكتافيا ثبات لا يعلى عليه حتى فى السوناتا

دى وجهه نظرى فى العربيتن

---

حضرتك جربت ثبات السوناتا ولا بنيت رأيك على ثبات الفانتازيا ؟

السوناتا عربيه واخده جوائز عالميه ومش زي بقيت الكوري اللي عندنا في مصر
واصلاً اكتر ميزتين فيها هما الثبات والصاج ودا اللي مش متعودين عليه من الالانترا واخواتها
ومن ناحية الموتور انا متفق معاك 100% وكفايه الضرايب اللي هدفعها للحكومه :8954[1]:

السلام عليكم
اسكودا اوكتافيا انشاء الله للعوامل التالية :
1- الامان (safety )
2- القوة الالمانية
3- العمر الافتراضي الاطول
لاتنسي الاستخارة

متشكر ليكوا كلكواااااا