سيفيا 2000 اوتوماتيك

**houbaz** · 12-02-2010 08:24 PM

شباب، عايز اعرف هل فى مشكلة او عيب فى فتيس السيفيا الاوتوماتيك، حد اشتكى منه؟ و كمان عايز اعرف سحبها قوى و لا لأ؟
شكرا..

**houbaz** · 13-02-2010 04:10 PM

محدش عنده سيفيا اوتوماتيك فى المنتدى كله ولا ايه؟

**max_ziro** · 13-02-2010 09:35 PM

راجع رابطة وحوش ملاك الكيا سيفيا
و كل ما تريد معرفتة عن السيفيا ..

**houbaz** · 14-02-2010 01:54 AM

معلش يا باشا تاعبك معايا، انت كنت كاتب فى موضوع كل ما تريد معرفته عن السيفيا و الشوما ان السيفيا 100 حصان وعزم 145 نيوتن بس لما دورت على النت لقيت ان المواصفات دى للسيفيا 1600 اما السيفيا 1500 فقوتها 88 حصان و عزم 122 نيوتن بس انا مش مقتنع بالكلام دا حاسس ان فى حاجة غلط انت متأكد ان سيفيا 1500 100 حصان برده؟ معلش اسئلتى كترت :)

**houbaz** · 15-02-2010 11:09 AM

ماكس باشا انت هربت ولا ايه؟

**max_ziro** · 18-02-2010 05:03 PM

المشاركة الأصلية كتبت بواسطة houbaz

ماكس باشا، انا قريت ال 35 صفحة بتوع رابطة وحوش ملاك الكيا سيفيا و لقيتك بتقول الفتيس الاوتوماتيك مفيهوش مشاكل بس مش بيستحمل القرص الكتير او محتاج سواقة معينة، انا فى العادى سواقتى هادية بس لما بسخن بقرص على الغيار لحد الريد زون او كيك داون و غرز فتنصحنى بايه؟ انا نفسى اركب اوتوماتيك عشان الراحة خصوصا ان مشاويرى كلها جوة البلد بس قلقان من الاوتوماتيك الكورى، خايف الفتيس يتحرق و اغرم 3000 جنيه.. معلش سؤال فنى كمان هيا السيفيا اللى فوانيسها الخلفية شفافة دى موديل كام؟

ام فوانيس شفافة المفروض انها 2001 بس طبعا ممكن اى حد يكون غير الفوانيس لاى سبب يعنى مش علامة
اما بخصوص الفتيس ف حاول تكون سواقتك هادية و متقرصش علية كتير و هو كدة كدة مش هيوصل للريد زون فى الكيك داون عشان هينقل على الغيار الى بعدة و ربنا يوفقك استخير و توكل على الله ..

**max_ziro** · 18-02-2010 05:06 PM

المشاركة الأصلية كتبت بواسطة houbaz

معلش يا باشا تاعبك معايا، انت كنت كاتب فى موضوع كل ما تريد معرفته عن السيفيا و الشوما ان السيفيا 100 حصان وعزم 145 نيوتن بس لما دورت على النت لقيت ان المواصفات دى للسيفيا 1600 اما السيفيا 1500 فقوتها 88 حصان و عزم 122 نيوتن بس انا مش مقتنع بالكلام دا حاسس ان فى حاجة غلط انت متأكد ان سيفيا 1500 100 حصان برده؟ معلش اسئلتى كترت :)

ولله ياباشا انا زيك محتار موقع يقول كذا و موقع يقول كذا و كل حبة ب ارقام جديدة ولله اعلم الحقيقة فين
بس الى مستحيل يكون بعد تجربتى للسعات اللترية المختلفة للعربية انو يكون الفرق بين ال 1500 و ال 1600 20 حصان
و فى العملى كان الفرق غير ملموس اصلا
اما ال 1800 دة الى كان جبارر و جربتة فى شوما من السعودية و كان جبار بمعنى الكلمة
و ربنا يوفقك ..