جبت الزن الجديدة

**عبد الرحمن اسامه** · 18-05-2007 12:11 AM

سلام عليكم
كتير منكو كان عارف انى كنت ناوى اجيب دايهاتسو سيريون بس للأسف البنك مدانيش موافقة قرض اكتر من ٥٠٪ و انا معايا ٢٥٠٠٠ بس فجبت السوزوكى زن هيا نفس شكل الالتو القديمة، زى اللى فى الصورة بس بيضة هيا مافيش منها غير ابيض على حسب كلام سمير ريان.

هيا معليهاش علامة سوزوكى خالص عليها علامة ماروتى بس انا لاحظت ان اودام على الشبكة المكان العليه علامة الماروتى كان محفور اصلان لمكان علامة السوزوكى، انشاء الله هنشر صور ليها كمان كام يوم.

انا ممشيتش بالعربية غير يمكن ٢٠ كيلو العربية مش ديقة فى اعدتها اودام بس فى الخلف ديقة شوية و الشنطة طبعا مختفيا، اما بالنسبة للموتور فمش بطال هو ١٠٠٠ سس ٣ سلندر كنا ٣ طالعين المقطم و كان شغال و الله، انا جربت التكيف بس دقيقتين كده عشان لسة فى التليين بس متهيألى انو كويس بس طبعا بيدبح الموتور. العافشة بتاعتها انا مندهش بيها جدا مكنتش متوقع انها تكون حلوا كده فى المطبات و الحفر تحس انها زى اليبانى ناعمة جدا بس ربنا يستر و تستمر. التبلوه شكلو حلو مش زى الماروتى طبعا، التأفيل ضعيف شوية بس مش مشكلة، و على فكرة العربية سنتر و اتنين ازاز كهربا و كمان فيها مساحات خلفية. نقطة اخيره عند استلام العربية سلمونى الكاسيت مفكوك فى علبتو و معاه سمعتين و الولى انتا تركبو فى التوكيل او فى توكيل الكاسيت و دى طبعا حاجة معجبتنيش، بس على اد الفلوس ماشى.

انا مجربتش لسه السفر او حتى مسافات طويلة بس متهيألى انها هتسد على الأقل لمدة ٤ سنوات مدة القسط و بعدين ابئى ائلبها. العربية ب ٤٧٥٠٠

انا عندى ليكو شوية اسئلة ١- هما قالوا لى انها متلينة فى المصنع بس احطياطا اعملها ١٠٠٠ كيلو تليين، فايه رأيكو الين ولا لأ و لو هالين التليين بيبئا ازاى ٢- توكيل سوزوكى الهوا متهيألى نفس توكيل ماروتى مكانو فين بالظبط. ٣- اى نصايح.

**Nader** · 18-05-2007 01:01 AM

الف مبروك على العربية وربنا يبارك فيها.

انصحك بالتليين لان المصنع بيلين على الواقف يعنى بيدور الموتور ويسيب العربية واقفة، علشان كدة لين ومتقرصش على العربية

**hazem_khidr** · 19-05-2007 09:35 PM

ما تزودش بيها عن 70 كم /س مهما حصل لمده 1000 كيلو و ما تشغلش التكييف غير بعد 1000 كيلو برضه و ما تقرصش علي النقلات خالص و بعد التليين غير الزيت علي طول

**Hosam** · 19-05-2007 09:41 PM

الخيرة فيما اختاره الله و مبروك على العربية و ليين افضل

**Alaa alaa** · 20-05-2007 04:00 PM

أنا عندي سوزوكي فيتارا و أختى عندها سوزوكي ألتو و ما سوف أقوله من واقع خبرات شخصية تراكمية و علاقات صداقة توكيل سوزوكي هو شركة مودرن موتورز العريقة و الشهيرة جداً و التي تقوم أيضاً برعاية و صيانة نيسان في مصر.
خبراتهم طويلة و عريقة و عندهم العمالة المدربة على أعلي مستوى في العديد من بلدان العالم من اليابان الى ألمانيا و غيرها كم أن لديهم المعدات و الأجهزة اللآزمة للكشف و اصلاح أي أعطال في السيارة لا قدر الله - و هي أحد القلاع الصناعية التي أقامها رجل الأعمال الوطني الأول في مصر - الدكتور عبد المنعم سعودي - معاملتهم ممتازة و سريعة و قطع الغيار متوفرة في جميع معارض قطع الغيار و مراكز الخدمة المنتشرة على مستوى الجمهورية و هي :

القاهره الكبرى

مودرن موتورز الصحراوي - ك 28 طريق مصر الاسكندريه الصحراوى - المنطقه الصناعيه - ارض المحولات - ابو رواش الجيزه
تليفون 5392276 / 5392292 / 5390055 / 5390085
فاكس 5390997 / 5390004
---------------------------------------------------------
مودرن موتورز الدقي - الدقى - 18 ش حسين كمال بجوار مطافئ و مرور الجيزه .
تليفون 7605364 / 7605365 / 7605366 ( صيانه دوريه سريعه )
فاكس 7615231
--------------------------------------------------------
مودرن موتورز المطار - الهايكستب - 216 شارع جوزيف تيتو - طريق السندباد - بعد كوبري الحرفيين بمحاذاة سور المطار
تليفون 6247894 / 6247893/6206142
فاكس 6247895

الوجه البحرى -------------------------------------------------------
مودرن موتورز - شبين الكوم - منوفية يخدم جميع مناطق الدلتا و ماحولها و هو يتعامل مع الموديلات المختلفة من السوزوكي
1 مساكن الزراعيين - أمام كلية الهندسة - شبين الكوم
تليفون : 0482327194
و به معرض و مركز خدمة و منفذ بيع قطع غيار
---------------------------------------------------------
مودرن موتورز الأسكندرية - الحضرة القبلية - 3 شارع النقيب شريف رمزى الاسكندرية.
تليفون 4242551 / 4283435
فاكس 4242550
-------------------------------------------------------
و كمان عندهم معرض لموتوسيكلات سوزوكي و مركز خدمة لها في شارع المساحة بالدقي.
و عاملين رقم خدمة مميز جداً للطوارئ و خدمة الطريق في أي وقت أو مكان على مستوى الجمهورية
0123647726
و لكم جزيل الشكر
و السلام عليكم و رحمة الله و بركاته
أخوكم Traffic Master

**عبد الرحمن اسامه** · 20-05-2007 05:59 PM

شكرا جزيلا لنصياحكو الغالية
دى شوية صور للعربيج

**fahd_628** · 27-05-2007 01:51 AM

الف الف مبرووووووك يا باشا

**TAG_Turbo0** · 27-05-2007 02:08 AM

ألف مبروك يا باشا ربنا يحفظهالك
هى سعرها كام كاش؟

**عبد الرحمن اسامه** · 27-05-2007 07:31 AM

شكرا يا جماعة و هى سعرها ٤٧.٥٠٠
بس على فكرة انا اكتشفت حاجة العربية دى هى نفسها الالتو القديمة بس لما نزلت الجديدة و كان عندهم مخزون من القديمة اطرو يغيروا اسمها عشان تتباع، انا عرفت ازاى؟

١- العربية باين عليها اوى انها كانت متخزنا فطره طويلة.
٢- بشوف شكلها بالظبط فى الشارع و مكتوب عليها التو.

انما الزن دى عربية تانية خالص ده موقعها http://www.marutizen.com/

بس العربية جميلة و الله و ميعبهاش حاجة الا بس تأفيلها الداخلى التعبان.