لازم كلنا نرفع شعار قاطعوا المنتجات الصينية
هم ناس أساساَ ماعندهمش ضمير ... وفى كل المجالات مش السيارات فقط ...
ماعندهمش ضميــر ولا مبادئ أخلاقية فى أى مهنة يمتهنوها
عرض للطباعة
لازم كلنا نرفع شعار قاطعوا المنتجات الصينية
هم ناس أساساَ ماعندهمش ضمير ... وفى كل المجالات مش السيارات فقط ...
ماعندهمش ضميــر ولا مبادئ أخلاقية فى أى مهنة يمتهنوها
هيخرج و يرجع تحت علامات و ماركات و توكيلات معروفة
حسبى الله ونعم الوكيل فيهم
حسبنا الله ونعم الوكيل فيهم
احنا 80 مليون- رغم ان الخليج سوق مهمه لكن بالنسبه للصين احنا سوق اهم - شوف العدد اللى انت ممكن تشتريه مقارنه بالخليج اللى بينافسهم فيه طوب الارض- مفيش جمارك فى الخليج والدخل مرتفع يشترى صينى ليه ؟؟؟
ولو احنا مش مهمين - كان الصين حتدخل الحوارى والقرى عندنا - لغايه ما وصلوا ان فيه حلاقين صينى
ايه ياجماعة في ايه؟
انتم ماصدقتم
الصين قادمة رغما عن انوفنا وستكون القوة المنافسة لأمريكا خلال السنوات القادمة
وصناعتهم تتطور بسرعة كبيرة جدا وستغزو العالم كله
كثير من السيارات من الماركات الشهيرة عالميا لها مصانع في الصين وهذا في كل المجالات وخصوصا الالكترونيات
وصانعي السيارات الصينية لهم خبرة في تصنيع ماركات عالمية
نفس الكلام كان يقال على الكوري من اكثر من عشر سنوات وقبلها الياباني.
كوريا واليابان اعتمدوا فى البدايه على نقل واو الاصح سرقة التكنولوجيا وبعدين طوروا- لكن كان دايما فى خط احمر عندهم بالنسبه للجوده والخامات
لكن الصينين ما عندهمش مانع مع السرقه والنقل وكمان خامات تعبانه وجوده رديئه
بالنسبه لان الصين حتاخد مكان امريكا خلال 10 سنين والكلام ده - معلش الامريكان مش زينا نايمين فى العسل
فى اواخر التمانينات لما كوريا والنمور الاسيويه زى ما كانوا بيسموهم فاقوا وشدوا حيلهم ونافسوا امريكا فى الاسواق- خبطه فى البورصه اتلعبت بعنايه مع حرب الخليج- رجعت امريكا فى اول السباق
امريكا مش قاعده فى الخليج علشان البترول وبس
امريكا عينها على الصين كويس قوى - واخر قرصة ودن كانت صفقىة الاسلحه لتيوان
اسمحلى اعترض مع حضرتك جدا لان الصين عندها درجات مختلفة جودة مختلفة من المنتجات فالعيب على الى بيستورد وهوا كل فكرة ان المصريين غلابة وبيفرحوا بالحاجة الرخيصة وطبعا اكيد هوا الى ها يكون كسبان فى الاول والاخر
الصين بتنزل منتجات فى كل انحاء العالم من اول اوربا لحد امريكا بس طبعا اختلاف كلى وجزءى بين الى هناك والى هنا
يعنى حضرتك فى تليفزيون بينزل هنا الصيين منزالة(بص الصراحة مش فاكر اسمة ) سعره وجودة هنا هى الى فى اوروبا وفى اى حنة فى العالم واسف عل التطويل واعتذر لو كنت ضايقتك:E_braces[1]:
بصراحة انا اوافقك بشدة على اللي بتقوله.... انا مثلا رحت راديو طلعت و اشتريت من عنده CD player صيني و باز بعدها بأربع شهور فرحت جبت واحد تاني من راديو شاك و كان ضعف تمن القديم مرتين و نص و صيني برده و شغال معايا بقالوا 5 سنين
الفكرة مش في بلد المنشأ - الفكرة في المنتج اللي بشتريه فرز كام (راديوشاك حاجته كلها فرز أول) انما كل اللي في العتبة يهموا يبيع و خلاص و ما يغرفووش حاجة اسمها فرز
و نفس الكلام يطبق على أي منتج - الفكرة كلها شاري الحاجة منين و بكام