مش مشكلة الخبرات يجيبولهم مهندسين فرنسيين للتدريب وبعدين يتركوهم
عرض للطباعة
مش مشكلة الخبرات يجيبولهم مهندسين فرنسيين للتدريب وبعدين يتركوهم
متفق معاك فى كل كلمة
بص فى الدول دى العربيات مش معمرة زى فى مصر ، يعنى لما بتشوف عربية موديل 15 سنة فاتت بتبقا حاجة شادة فى حين هنا عادى جدا تبقا عربية من التمانينات ماشية 20 ولا 25 سنة ، فده يخلى معدل ال ترن أوفر عالى هناك لأن الناس بتبطل تركب العربيات القديمة بدرى شوية عن هنا ، وفى نفس الوقت مفهوم طبعاً إن سوق فيه 30 مليون زبون مش هيبقا بحجم سوق فيه 80 مليون زبون ، ماحدش مختلف فى دى ، إنما لما تكون الزباين الأقل دول متعودين على ماركة بعينها وبيفهموا فيها ومش عايزين يغيروها يبقوا هيعملوا مبيعات أكتر للماركة دى من ال 80 مليون اللى بفكروا فى ماركات تانية خالص وده اللى حاصل فعلاً وانت لو شوفت بعينك هتعرف كدة (على فكرة مش منظرة بس انا بكتبلك دلوقتى وانا فى المغرب فى الدار البيضاء وكنت فى الجزائر قبل كدة)
المفاجأة إن مرسيدس بتبيع فعلا كميات هائلة فى مصر دى حاجة معروفة ، يمكن أكتر من دول الخليج بكتير ، ونيسان برضه بتبيع كويس عشان سعرها كويس وشوف آخر 3 سنين نيسان انتشرت إزاى ، والبى إم موجودة مش بكترة أوى بس شغالة كويسة بالنسبة لمستوى البلد ، وماتنساش إن الماركات الفخمة دى بتبقا أرقام مبيعاتهم أقل بكتير من مبيعات العربيات الإقتصادية والمتوسطة إنما هامش الربح بتاعهم بيبقا كبير ودى حاجة هم متقبلينها بدليل شركة زى بورش اللى أحياناً بتصنع 100 عربية بس من موديل معين
عادى ممكن مانشتريش منهم من أصله ، إنما هم لو فاتحين فى الجزائر مش هيفكروا فى سوق مصر إنما الجزائر والمغرب وممكن أوروبا كمان لأن ممكن يعاد تصديرها بسعر أحسن من المصنعة فى فرنسا عشان فرق الأجور والضرائب
مش فاهم، هو النقاش ده كلوا عشان إيه!
شركة وحتستثمر في بلد إيه يعني!
مهو بيبسي وكوكاكولا مستثمرين في إسرائيل وفي مصر مالية الدنيا، ومفيش حد بيقطعهم!
الشركة شايفة مصلحتها إيه يعني!
مين قالك ان مافيش حد بيقاطعهم ..انا بطلت ببسى من سنين بسبب تعاونها مع اسرائيل ..
و الموضوع معمول عشان نقول لية رينو متشوفش مصلحتها مع مصر برضو و احنا اولى ..اية المشكلة فى كدة ..مهو انت حتشترى من الجزائر فى الاخر بالمنظر دة ..طيب لية متشتريش من صناع بلدك ؟؟؟
كل ده عشان رينو قالت الجزائر - يعني هي لو قالت تونس مثلا كنا هنعمل ده كله ؟؟؟
يا جماعة كل واحد يشوف مصلحته بقى و سيبوكوا من الجزائر و شيلوها من دماغكوا
في الأول و الآخر و مهما حصل الجزائر بلد عربي و شقيق و نتمناله كل خير - مش عشان شوية مشاكل حصلت يبقى خلاص أي خبر في كلمة الجزائر نقعد نتكلم فيه و إشمعنى هما و ليه مش أحنا و الكلام أللي لا يودي ولا يجيب
تفتكروا يعني رينو لو قررت تعمل المصنع ده في الجزائر هتكون مافكرتش في مصر ؟؟؟ أكيد فكرت و شافت إن مصلحتها في الجزائر مش مصر و ده مايعيبهاش لأن دول ناس بيحسبوا كل خطوة الف مرة و بدراسة علمية قبل ما ياخدوا الخطوة دي
مع احترامي لكلام كل المشاركين
و إضافة لكلامي ياريت تقروا اللينك ده و تعرفوا تاريخ رينوا مع الجزائر - ده تاريخ بقالوا 90 سنة !!! و كمان الجزائر هي أكبر سوق لرينوا في العالم لثلاث سنوات على التوالي و بعد ده كله نرجع و نقول إنا أولى من الجزائر بالمصنع ده ؟؟؟؟
Renault.com - Renault in Algeria
لا منتمناش ليهم الخير ..عشان هما للاسف عوزين يطردو الاستثمرات المصرية هناك بسبب اللى حصل فى التصفيات ..اقراء الخبر دة :
الحكومة الجزائرية «تريد من مجموعة (أوراسكوم تليكوم) التخلي عن حصتها في الشركة الأولى لتشغيل الهاتف الجوال في الجزائر»، وأضاف «مصدر كبير»، حسب الوكالة البريطانية، «لم نعد نريد (أوراسكوم)».
و الجزائر اساسا معندهاش الخبرة الكافية لتشغيل مصنع زى دة ..
الناس مكبره الموضوع حقنا وخدناه الحمد لله بدل المره اتنين كره ويد والموضوع خلص ليه نعد ندى كل حاجه اكبر من حقها احنا ناس عاطفيين اوى وده سبب تاخرنا
يا سيدي الفاضل مافيش حاجة أسمها ما نتمانلهمش الخير و إلا كده احنا بنخالف طبيعتنا - لازم نتمنالهم الخير مهما حصل - و بعدين احنا بنبص للموضوع من جانب واحد عشان احنا اللي عندنا استثمارات هناك و هما ماعندهمش هنا - يعني هما لو عندهم استثمارات هنا كنا هنسيبها في حالها ؟؟ طبعا لأ
المهم نسيبنا من موضوع الجزائر ده عشان خلاص الواحد زهق منه و مابقاش طايق يسمع حاجة عنه
و حسبي الله و نعم الوكيل في رؤوس الفتنة أللي أشعلوها بين البلدين و الشعبين الشقيقين:majd(4):