بنك الخلايا الجذعية

**نور القمر** · 12-02-2010 11:24 PM

يا جماعة حد سمع عن بنك الخلايا الجذعية اللي بتحتفظ فيه بالحبل السري للمولود اللي عن طريقه ممكن ينتجوا خلايا جذعية وتستخدم لعلاج 70 نوع من الامراض من ضمنها بعض امراض السرطان على حسب فهمي للموضوع

• أمراض فشل النخاع
• أنيميا البحر المتوسط
• أمراض الجهاز المناعي
• أمراض الطحال والأنيميا
• سرطان الدم والغدد الليمفاوية
• تشوهات النخاع
• بعض السرطانات الأخرى
• بعض الأمراض الروماتيزمية
• العلاجات المستحدثة للسكتة الدماغية

انا اول مرة اسمع عنه النهاردة من طبيبة قريبتي بتنصحني بيه وتكلفته 11 ألف جنية

**nabaster** · 12-02-2010 11:42 PM

اتفضلي اسمعي دول يا نور

اينعم هما للبني ادم الخنيق الرزل عمرو اديب

لاكن معلش

الي يجي منه احسن منه واحسن من وشه

YouTube - ‫ط£ظˆظ„ ط¨ظ†ظƒ ظ„ظ„ط®ظ„ط§ظٹط§ ط§ظ„ط¬ط°ط¹ظٹط© ظپظٹ ط§ظ„ط´ط±ظ‚ ط§ظ„ط£ظˆط³ط· ط¨ظ…طµط± - 1/3‬&lrm;

YouTube - ‫ط£ظˆظ„ ط¨ظ†ظƒ ظ„ظ„ط®ظ„ط§ظٹط§ ط§ظ„ط¬ط°ط¹ظٹط© ظپظٹ ط§ظ„ط´ط±ظ‚ ط§ظ„ط£ظˆط³ط· ط¨ظ…طµط± - 2/3‬&lrm;

YouTube - ‫ط£ظˆظ„ ط¨ظ†ظƒ ظ„ظ„ط®ظ„ط§ظٹط§ ط§ظ„ط¬ط°ط¹ظٹط© ظپظٹ ط§ظ„ط´ط±ظ‚ ط§ظ„ط£ظˆط³ط· ط¨ظ…طµط± - 3/3‬&lrm;

A.Yakout

**member** · 13-02-2010 12:55 AM

المشاركة الأصلية كتبت بواسطة itsonlyme

بقى العالم كله بقاله 10 سنين بيحتفظ بالحبل السري بتاع المواليد! أنا بصراحة مكملتش الفيديوهات بس كفاية عليا أول دقيقتين

طبعاً كلام فاضي. فين بنوك الأحبال السرية دي اللي فيا كل أحبال مواليد العالم؟ أبحاث الخلايا الجذعية حولها جدل أخلاقي كبير خصوصاً في أمريكا لأن فيها شبهة "تخليق" أجنة وأخذ أعضاء/خلايا منها وقتلها وشبهة الإستنساخ.

ده غير ان الأبحاث في المجال ده واعدة جداً لكن لسه ماوصولش لحاجة.

عمليات زرع النخاع بتتعمل برة وفي مصر من زمان، لو اتفرجت هتلاقي أن عملية زرع النخاع من الخلايا الجزعية للحبل السري تبقى مضمونة 100%
وده كافي حتى لو لسه ما وصلوش لحاجة بالنسبة لباقي الأمراض!

**itsonlyme** · 13-02-2010 01:04 AM

المشاركة الأصلية كتبت بواسطة member

عمليات زرع النخاع بتتعمل برة وفي مصر من زمان، لو اتفرجت هتلاقي أن عملية زرع النخاع من الخلايا الجزعية للحبل السري تبقى مضمونة 100%
وده كافي حتى لو لسه ما وصلوش لحاجة بالنسبة لباقي الأمراض!

كلام جميل. وأنا مقتنع انها أبحاث واعدة جداً، وواضح ان معلوماتي غلط وأن فعلاً الخلايا الجزعية بتستخدم حالياً في علاج الكثير من الأمراض. بس الدكتور هشام بيدعي ان أمريكا وأوروبا بتمنع رمي الحبل السري وأن القانون بيستلزم الإحتفاظ بها! أنا أشك في الكلام ده. ده في ولايات في أمريكا ودول في أوروبا بتمنع تماماً أبحاث الخلايا الجذعية. مش عارف هما اتكلموا عن جدلية الأبحاث دي وللا لأ. أنا حاسس انه البرنامج كان دعاية للدكتور اللي فاتح أول بنك أحبال سرية في مصر وأن مكنش في أمانة في نقل الموضوع بابعاده كلها.

وبرضو بعترف اني مشوفتش الفيديوهات كلها.

**aly_hosny** · 13-02-2010 01:59 AM

المشاركة الأصلية كتبت بواسطة itsonlyme

كلام جميل. وأنا مقتنع انها أبحاث واعدة جداً، وواضح ان معلوماتي غلط وأن فعلاً الخلايا الجزعية بتستخدم حالياً في علاج الكثير من الأمراض. بس الدكتور هشام بيدعي ان أمريكا وأوروبا بتمنع رمي الحبل السري وأن القانون بيستلزم الإحتفاظ بها! أنا أشك في الكلام ده. ده في ولايات في أمريكا ودول في أوروبا بتمنع تماماً أبحاث الخلايا الجذعية. مش عارف هما اتكلموا عن جدلية الأبحاث دي وللا لأ. أنا حاسس انه البرنامج كان دعاية للدكتور اللي فاتح أول بنك أحبال سرية في مصر وأن مكنش في أمانة في نقل الموضوع بابعاده كلها.

وبرضو بعترف اني مشوفتش الفيديوهات كلها.

انا مشفتش الفيديوهات خالص

بس دول شرق اسيا كلها وبالذات طبعا الصين مشهورة بعمليات الخلية الجذعية
انا كنت شوفت من فترة برنامج على الجزيرة عن الموضوع دا وكان تقريبا عن مستشفى في تايوان
دا غير ان الاردن برضو متقدمة في المجال دا

ومش معنى ان امريكا واوروبا منعين الابحاث انهم مش هيعملو بنوك للاحبال السرية
لا هيعملوها عادي ولما يحصلك حاجة خد حبلك واطلع على الصين اعمل ال انت عايزه

**أحمد كمال** · 13-02-2010 02:29 AM

فيه فرق يا جماعة

بين ابحاث الخلايا الجذعية اللي بيتقتل جنين embryo لاستخراج الخلايا الجذعية منه ...

و اللي بيتاخد فيها خلايا مالهاش لازمة زي الحبل السري اللي بيتحرق في محرقة المخلفات اصلا ...... و دي انا شايف انها خطوة جديدة و كويسة جدا و مفيدة ..... محدش عارف كمان كام سنة ابنه او بنته هيجرالهم ايه ......

**أحمد كمال** · 13-02-2010 02:32 AM

ممكن حد يجيب لنا تليفون و عنوان البنك ده؟

**أحمد كمال** · 13-02-2010 05:05 AM

المشاركة الأصلية كتبت بواسطة misoalex

طب خلاص احنا اتولدنا وخلاص حنعمل ايه
لعيالنا ربنا يتولاهم

في حالات كتير جدا ممكن تستخدم الخلايا للعلاج لاقارب من الدرجة الأولى لتوافق ال dna بشكل كبير (يعني ابنك او بنتك بيبقى نص ال dna بتاعهم هو بتاعك) .... و ربنا ما يحوج حد .... بس انا شايف ان اللي يقدر يدفع يبقى احسن كانه اشترى وثيقة تأمين مستقبلية لطفله من اي امراض مستعصية العلاج ......