مساء الخير علي احلي اوبلاويه
الار بي ام عندي واطي يعني اول ما السياره تدور بيكون 800/900 بعد كده بينخفض الي 600/500 وطبعا بيخلي العربيه تترج كأني راكب اتوبيس يا تري ايه المسؤل عن هذا واعمل ايه انا عربيتي فيكترا 2000 c c اوتوماتك
عرض للطباعة
مساء الخير علي احلي اوبلاويه
الار بي ام عندي واطي يعني اول ما السياره تدور بيكون 800/900 بعد كده بينخفض الي 600/500 وطبعا بيخلي العربيه تترج كأني راكب اتوبيس يا تري ايه المسؤل عن هذا واعمل ايه انا عربيتي فيكترا 2000 c c اوتوماتك
مرحباً بك اولاً لأنى عندى نفس المشكله و مش لاقى حل بس هو حاجة من تلاته
1. ايدل كنترول بنسبة 90% ده استيراد 50 جنيه
2. تى بى اس بنسبة 7% ده استيراد 50 جنيه
3. ماف العربية مخرف 3% ده استيراد من 500-750 جنيه
متابع :ma:
ايه نفس الحوار و لا ايه
انا عن نفسى غيرت ايدل مفيش فايده يوم و رجعت تانى
غيرت تى بى اس يوم و رجعت تانى
ماف معيش فلوس اغيره
الأحتمال اللى مرضتش احطة و مش عايز افكر فيه ان الكمبيوتر يكون هيس
انا لسه يا طناني مغير ماف من اسبوع
طناني انا اسف لسه مكلمك دلوقتي علشان اقولك عندي الماف بس انتا مرديتش عليا
التليفون مش معايا يا رسمى باشا
انا ناسيه فى البيت للأسف
انا اسف جداً انا تاية من الصبح من غيره
طيب العربية وطيت بعد ما غيرت الماف
و الماف القديم كان بيعمل ايه معاه
و لسه عندك و لا اتصرفت فيه
علي فكره يا شباب حبيت برده اقولكم في واحد ميكانيكي اوبل كويس جدا في شارع متفرع من احمد سعيد واخوه كهربائي اوبل اسمه محمد والميكانيكي اسمه احمد واخوه فاتح جنبه برده وبيبيع استيراد وجبت منه الماف بسي بالعافيه ب 525 جنيه وغيرته كمان علشان اخوه وهو بيركبه معجبهوش والحمد لله فرق كتييييييير في البنزين والسحب كمان وطبعا كانت بتطلع دخنه سودا من ورا فظيعه بس الحمد لله دلوقتي كويسه جدا حبيت اقولكم علي الميكانيكي دا واخوه
لسه عندي علشان كده حبيت اكلمك اقولك
طناني باشا انا اسمي رمزي
طيب الماف ده انا عايزه
تبيعوه بكام
بس انت خرجت عن الموضوع الأصلى العربية وطيت بعد الماف و لا بعد ما ركبت الماف بفترة
انت ممكن تعمل تجربة الأول تفك الأيدل القديم و تنضفه ب wd40 ممكن يكون مسدود او شوية وساخه فيه
جرب مش هتخسر حاجة
و انا ان شاء الله الصبح ممكن اكلم حضرتك يناسب حضرتك الساعه كام
لو الايديل كنترول ب 50 جنيه اغيره واجرب مش مشكله واشوف الار بي ام هيظبط ولا ايه
رمزى رسمى صح يا باشا
معلش الذاكرة مش زى الأول
سهله و انا معايا واحد فى العربية جايبه لواحد هياخده على الأتنين لو على التجربة ممكن تجرب اللى معايا و نشوف
كلمني من الساعه 1 ظهرا انا تحت امرك بس علي فكره يا طناني انا مش بتكلم علشان حاجه انا بتكلم علشان قولت عاوز ماف اجربه والعربيه طبعا وطيت كمان بعد الماف اللي ركبته بس علشان الار بي ام بينزل مش قادر احكم عليها انا نظفت القديم وانا بركب الماف ونظفت الدايره كلها بس لسه مفيش فايده
ان شاء الله بكره اتفق مع حضرتك و نحاول نتقابل نجرب اللى معايا
ان شاء الله يا طناني
سعدت جداً بمكالمتك يا باشا و ان شاء الله هاحاول اضبط نفسى بكرة او بعده ان شاء الله اتشرف و اقابل حضرتك
على فكرة المشكلة ممكن تكون ابسط من كدة بكتير جداا..
فيه حاجة موجودة على سلك الاكسلاتير اسمها تيلة صغيرة كدة دى اللى بتظبط السلك بتاع البنزين ...ودى فى الغالب لما ميكانيكى بيشتغل فى العربية بتقع منها وتحصل المشكلة دى..جرب تبص عليها وحاول تظبطها يدوى بأيدك لأنها لازم تتظبط وهى اللى بتظبط العربية...جرب كدة وشوف قبل ماتغير اى حاجة
التيله دى للتحكم فى مشوار البدال ملهاش اى علاقه بانخفاض سرعة دوران الموتور
:offtopic:
اجيب الايدل كنترول منين 50 جنية وجزاكم اللة خيرا
محمد سوسو فى الوكاله
الباقى بيتكلموا فوق المية
انا واخده مرتين ب 50 جنيه و على التجربة لو مظبطش رجعه و خد غيره