الموضوع: عيادة أسنان المنتدى (للاستشارة)

المشاركة الأصلية كتبت بواسطة إسلام شاهين

طيب ديه أول استشارة :-

أنا مدخن من فترة طويلة وقد أصبح لون أسناني من الداخل ربنا مايوريك وعايز أعمل تنظيف يرجع اللون الأبيض ثاني ؟
ما الحل ؟ وما التكلفة ؟

شكرا

لا شكر على واجب

أولا : لازم تزور كبيب أسنانك للقيام بعملية Polishing للأسنان لتخفيف اللون الداكن (ممكن في زيارتين أو تلاتة للحصول علي نتائج أفضل و لكن يرجع للطبيب المعالج)

ثانيا : للحفاظ على النتيجه يستحب الإقلاع - تخفيف عدد السجائر اليومي- استعمال المسواك بكثافة (يعني تسيبه في بقك زي Clint Eastwood كده و ده برضو هايساعدك انك تبطل تدخين
و للعلم تكرار العملية دي أكتر من مرة سنويا مضر بمينا الأسنان
لاحظ عند اجراء الPolishing توضع فرشة مع جل على الأسنان (زي بتاعة العربيات بس صغيرة) و لو حسيت بأي سخونة بلغ احساسك للطبيب فورا (بلاش تستحملها)

ثالثا : بالنسبة للسعر , الموضوع مش كبير خالص بس السعر يفرق من طبيب لآخر حسب الخامات و كفاءة التعقيم و خبرة الطبيب و عدد الجلسات بس يتراوح ما بين 100- 300 جنيه


تحت أمرك

و في كمان نوع تاني من غير فرشة
عن طريق تيار هوا جامد شايل حبيبات ملمعة صغيرة
ده ممكن سعره يكون أكتر شويه و هو أحسن بكتير

المشاركة الأصلية كتبت بواسطة Abdallah

انت جيت على الوجيعة يا دكتور :mrgreen:
بص يا سيدى انا اللثة عندى تعبانة وكثير جدا ما بتجيب دم حتى وانا بستعمل فرشاة ناعمة برضة بتجيب دم وحاولت اتعالج منها قبل كدة ولكن ظبطت شوية ورجعت ريمة لعادتها القديمة مع العلم انا مبطل التدخيم من حوالى السنتين ومفيش الا يمكن مرة ولا حاجة كل شهر لما بشرب شيشة .

التهاب اللثة مشكلة شائعة جدا و لكن بدرجات متفاوته
تبدأ من الإحمرار الى النزيف مع الأكل أو الفرشاه و حتى النزيف التلقائي (تصحي من النوم تلاقي لعابك فيه دم).

السبب هو: قلة العناية بالتنضيف مما يسمح للبكتيريا بتكوين طبقة البلاك و من ثم الجير اللي بتستخدمه كمنزل يجعلها قريبة من الأسنان و يخزن لها الطعام مما يعلق تحته و يبعدها عن الأوكسجين اللي ممكن يقتلها لأنها كائنات لاهوائية و ده بيجعلها أكثر قوة و دمارا لأنسجة اللثة يوم بعد يوم.

الإهمال في الموضوع قد يؤدي لتدمير النسجه الرابطة للسن و تكوين الجيوب التي ليس لها علاج
ليس لها علاج ليس لها علاج .

الحل : زيارة الطبيب و القيام بالتنظيف و متابعة ارشادات الطبيب
ملحوظة : دور الطبيب يمثل 30% من العلاج أما المتابعة بالفرشاة مرتين في اليوم + غسول فم مناسب قبل النوم (وياسلام على السواك بالعسل) يمثل 70%

اهتم بالموضوع علشان :
تتخلص من النزيف و طعم الدم في بقك
التخلص من الرائحة الكريهة للنفس و خصوصا للمتزوجين
الحفاظ على أسنان و لثة صحية و تدوم أطول و ذات واجهة جيدة
ثقة بالنفس ممتازة

شكر للإشراف على التثبيت
نفع الله بنا

جزاك الله خيرا يا دكتور أحمد :) شكرا جزيلا على عرضك الجميل و ربنا يجعله فى ميزان حسناتك , و بالتوفيق ان شاء الله ربنا يبارك فى حضرتك.

سؤال بعد إذنك يا دكتور:
قريبتي ظهر في سقف الحنك عندها إنتفاخ يحتوي على سائل وبعد فترة بدأ بالزيادة وبدأت تحس بوجع في أسنانها العلوية المواجهة له
وذهبت للطبيب الذي سحبه بحقنة وقال إنه سيعود بعد فترة وفعلا عاد
والأطباء مختلفين عن كونه كيس دهني أو آثار إلتهاب (مدة يعني)
ذهبنا لأطباء أسنان وأعطوها مضاد حيوي ولم يفيد وذهبنا لأطباء فك وقالوا لابد من عملية وغيرهم قالوا أدوية و ..
ما الحل في رأيك ؟؟؟
ولو تعرف دكتور كبير تخصص فك يبقى كثر خيرك ؟؟
وجزاك الله خيراً

ولو تعرف دكتور كبير تخصص فك يبقى كثر خيرك ؟؟

أستاذ دكتور حاتم مكاوى فى معهد ناصر - جراح فك عالمى

أخى الفاضل دكتور أحمد...
تعرف طبعا تخصصى..

أثناء الكشف على الحلق لابد أن ألقى نظرة على الأسنان واللثة والغشاء المبطن للفم..

ملحوظتان أرجو أن تفسرهم لى:
ألاحظ كثيرا بالذات فى كبار السن تآكل القواطع والأنياب بالعرض من الجزء الحر Distal حتى أن طبقات السنة تكون مرسومة كما فى الكتاب ، وربما لا يرتبط لديهم بأى شكوى لكن أحب أن أعرف ماذا تسمون هذا العرض؟
كما ألاحظ فى مرضى كثيرين تآكل اللثة من جهة اتصالها بالأسنان حتى أن جذور الأسنان تكاد تظهر وأنبه المريض بضورة مراجعة طبيب أسنان ، مع عدم وجود أعراض نقص فى فيتامين سى أو بول سكرى؟؟ ما تفسيركم لهذه العوارض؟