المشاركة الأصلية كتبت بواسطة Ahmed Hassan
اولا شكرا على العرض الكريم.
انا من سنه كده حسيت ان عندي ضرسي العلوي ناحيه اليمين بحساسيه شويه عند المضغ لما يكون الآكل صلب شويه... بس حاجه بسيطه خالص.
بعد كده روحت لدكتور قاللي اسنانك ممتازه بس الضرس ده حساس شويه و عملي حاجه كده شفافه ملونه عليه(لبس نظاره غامقه لما جه يعملها) و قاللي هنجرب و نشوف.
النتيجه كانت سلبيه و الضرس اصبح اكثر حساسيه.
روحتله تاني مره عملي اشاعه لقى مفيهاش مشاكل وسنفرلي بعض الاجزاءالحاده في الضرس و الضرس السفلي المقابل ليه و قاللي انا مستخسر اعمل اي حفر في الضرس... مع الاسف بردو النتيجه كانت سلبيه.
روحتله تالت مره قاللي المره دي هنعمل حشو.. انا مكنتش عايز احفرلك في الضرس لأنه سليم... المهم شال الماده اللي كان حطها اول مره و حفر في الضرس
و ركبلي حشو عادي... و الحمد لله... الضرس فضل حساس برضو!! و بقالي سنه بطلت آكل عليه و مرحتلوش تاني :(
ملاحظات:
- الضرس غير حساس بالمره للمشروبات الساخنه او البارده
- لما سألت الدكتور عن سبب الموضوع ده قاللي انه غالبا والدتي اثناء الحمل اخدت دواء مكنش المفروض تاخده و ده اللي عمل كده.. و ان الدواء ده بيأثر على الضرس ده بالذات!!! يا ترى الدكتور ده دارس قوي و كلامه صح؟؟ (ادفع والدتي الفاتوره بتاعتو؟) و لا اييييه؟!!!!
آيه رأيكم دام فضلكم و آسف على الرساله الطويله
المفضلات