المشاركة الأصلية كتبت بواسطة ahmed samy
الله يبارك في حضرتك و جزاك الله خير
1- 25 سنة صغير و مناسب للتقويم -اللي اساسا ينفع في اي سن- و الانتيجة هاتكون كويسة ان شاء الله
فكرة الموضوع هايكون صعب ولا لأ ده بيتحدد بعد دراسة الحالة و عمل مسح للمسافات المطلوبة لدخول السن و المسافان المتاحة او الممكن خلقها بالتوسيع او الخلع . و ده اللي بيحدد الوقت و التكلفة . انصحك تزور طبيب متخصص في التقويم .
2 - طرقعة او تكتكة الفك لو مستمرة يبقى لازم يتشاف سببهخا و احتمال كبير تكون السنة المعووجة هي السبب لأنها بتغير قفلة الفك و ده بيسبب حمل على الفك و المفصل .
3 - من استخدامك للفظة كل ماعمل تبييض تظهر المشكلة ... استخدام وسائل التبييض بشكل متكرر يزيد قابلية الأسنان للإصفرار من ناحية و يعيد الشعور بالاصفرار بعد كل تبييض و كأنها موجه من البياض ثم الارتداد للصفار .
لو الموضوع مهم ليك بشكل كبير يبقى التغطية بالفينيرز هو الحل (هي قشور رقيقة من السيراميك بتتلزق على السنة من بعد تخشينها, ممكن تاخد اي لون من الأبيض النقي مرورا بكل الوان الأسنان . دي ممكن تجمل الشكل و لونها ثابت ما بيتغيرش) .
تحت امرك في اي استفسار .