السلام عليكم و رحمه الله
انا كنت اخدت عرض في معرض السيارات اللي فات لعدد 4 كازتش هانكوك 185 65 15 h k906 لعربيتي النيسان صني بسعر 310 جنيه للفرده بدلا من 360
ايه رأيكم في نوع الكاوتش ده؟
عرض للطباعة
السلام عليكم و رحمه الله
انا كنت اخدت عرض في معرض السيارات اللي فات لعدد 4 كازتش هانكوك 185 65 15 h k906 لعربيتي النيسان صني بسعر 310 جنيه للفرده بدلا من 360
ايه رأيكم في نوع الكاوتش ده؟
عربيتى الاوبترا نازله بكاوتش هانكوك بس موديل مختلف عن اللى حضرتك كاتبه
من خلال تجربتى لمدة 20 الف يعتبر ممتاز ولسه بحالته
الهانكوك بشكل عام كويس زى الكومهو تقريبا المهم يكون كورى 100 %
مش فيتنامى او صينى او الحاجات دى
انا معايا الصينى نازل فى العربية
الحمد لله كويس
متشكر قوي
بس الواحد يعرف ازاي انه كوري او تايواني حتي؟
انا طبعا بتكلم عن علامه او حاجه مش من بق الراجل يعني
مكتوب عليه فى الجنب
الهانكوك ممتاز جدااا... لكن اشتري من مكان موثوق فيه او تأكد انه اوريجينال, علشان المضروب بقى كتير...
نوع جيد جدا
ممتاز جدا وكنت مركبه وانا في السعودية على عربيتي وممتاز ولما الوالد شاف حالته بعد سنه من الاستخدام قرر انه لما هيغير الكاوتش بتاع عربيته هيركب هانكوك .... بس انا الصراحة مااعرفش اذا كان فيه فرق بين المصري والخليجي
كويس علي كلام مستخدميه
كاوتش كويس واعتقد انه معمر عن الكومهو عن تجربة
وانصحك تجيبه من محطة المسيري في شبرا لأنه موزع
يعني هايديك سعر ارخص شوية وكمان الميزة الاكبر انه هايكون كاوتش حديث يعني ممكن تلاقيه انتاج من شهرين تلاته فاتوا بالكتير
هو كويس جيدا بس عيبة الوحيد انة صوتة عالى شوية وناشف
معايا في الالنترا تخيلوا غبور باشا مركب للهيونداي هانكوك صيني مع انة الهانكوك كوري جابة من الصين ازاي دة مش فاهم طبعا بيسترخص
لا طبعا كاوتش محترم جدا وسمعته كويسة
انا لما حبيت اجدد الكاوتش جبته من 20 الف تقريبا وبجد كويس
هو كويس بس صوتة عالى
هو فعلا صوته عالى شوية
مفيش رد ؟؟؟؟؟
متابع
كاوتش كويس جدا بالنسبة لسعرة
أوكي
عن تجربه الكومهو احسن منو 100 مره وحمار شغل
الكومهو معايا ومغيرو على اكتر من 50000 كيلو
انما الهانكوك اخرو معايا العشرين الف
أخي الكريم أنا أيضاً كنت محتار جداً في نوع الكاوتش وقمت بالبحث لمدة تزيد عن ثلاثة شهور لشراء أفضل أنواع الكاوتش لأني عملت أيضاً 60000 كم وكنت عايز أشتري Continental لكنه غالي جداً لأني مقاس الكاوتش عندي 15-65-205 وأخيراً وبعد عناء وجهد كبير أبن عمي جزاه الله خيراً (خبرة 30 سنة بالإضافة أنه مستورد مرسيدس و BMW) نصحني بشراء ACHILLES platinum أندونيسي من ممدوح غطاطي تقاطع المريوطية مع فيصل وبالمناسبة ممدوح غطاطي هو الوكيل الوحيد في مصر وكمان المصنع ده كان تحت إشراف Continentalوبنفس الجودة والكاوتش ياجماعة بشفتين شفة داخل الجنط والشفة الثانية بتحمي الجنط ، بصراحة يا جماعة حاجة تفرح. ومش محتاج أقول إن العفشة إتظبطت بعد تركيب الكاوتش . سعر الفردة من المقاس بتاعي كان عامل 545 جنيه بالترصيص وعلى فكرة في ناس كتير سألوني علشان عايزين كاوتش وسألتلهم على المقاس 13-70-175 وكان سعره 300 جنيه للفرده.:S_thum1[1]:
الى اهل الخبره برجاء الافاده
بعد عمل مقارنه رسيت على نوعين من الاطارات...رجاء ترشيح احدهم
1-هانكوك صينى من التوكيل مباشرا( الى موجود حاليا و التوكيل بيشكر فيه )
2-كمهو فيتنامى من سمير بيومى
شكرا