-
بالصور .. الرائعه تويوتا ياريس 2010 - سيدان و هاتش باك
-
شكرا عل الصور انا افتكرت اتوقف انتاجها
-
برده العدادت في النص انا مش فاهم الناس دي بتعمل كده ليه معظم العربيات بيحاولو يسهلو الدنيا علي السواق فيه اللي بيعمل head up display ودي بتبتين الحاجات المهمه للسواق علي الزجاج الامامي انا ابعد العدادت خالص انا شايف ان ده .......
-
-
اعتقد ان مفيش تغيير فيها
شكراً على التقرير
-
من الماركات اللى مالهاش حل التويوتا دى
-
-
شكراً على الخبر ,,, بس مش عارف ايه فايدة العدادات اللي في النص ؟!
-
-
-
هيا الهاتش باك بتتباع هنا؟؟؟
-
اول مرة فى حياتى اشوف درج تابلوه محطوط ورا عجلة القيادة !!
يعنى لو سايق بسرعة ممكن تخلى حد جنبك يناولك حاجة من الدرج قدامه , لكن لما تعوز حاجة من الدرج ده هتفتحه ازاى .
و مكان العدادات بايخ :)
شكرا على الصور .
-
بعض التوضيحات ممكن تفيد
رأى المتواضع ان العدادات كونها فى النصف لايعيب فى السيارة لاننا احيانا واحنا سايقين الدركسيون ممكن يخبى على جزء من العدادات بالذات وانت بتلفة وكمان لو انت من محبى ترجيع الكرسى ودهرة كأنك راكب تيارة العداد العادى هيدايقك لانك ببساطة مش هتشوفة فالعداد اللى فى النصف دة اسهل ومحتاج بس شوية تعود....بس مش دة السبب الفعلى اليارس بالذات من العربيات القليلة اللى بتنزل فى جميع الاسواق بنفس المواصافات من حيث الموتور والعفشة مع اختلاف بس فى الكماليات بس مش الاساسية يعنى انت الاستاندرد بتاعك 2 ايرباج واى بى اس فى الاوتو...بس ممكن تلاقى فى الخليج مواتير اعلى واوبشن اعلى وعلشان كمان العربية دة بتتسوق فى دول اجنبية من اللى عندهم الدركسيون يمين فدة هيسهل عليهم كتير فى عملية الصناعة اصبح الموضوع بس نقل الدركسيون والعمود بتاعة لكن الكونصول بعداداتة ثابت اللى بيفرق بس انى بصمم التابلوة بميل ناحية السائق ودة ما يعيبش فيهم ابدا دة سياسة تصنيع ما تضركش....
اما كونها ما اتغيرش حاجة فيها عن اخر 2009 فدة بردوا ما يعيبش العربية يعنى اللى يعرف يلقطلوا واحد من اواخر 2009 يبقى الكسبان لسبب اذا الوكيل استوردها تانى يابانى اذنها مش هترخص لان الين بيغلى وكمان مفيش حاجة بترخص حتى الاوربى اللى قالوا جمارك ومش عارف اة ادينا شوفنا اللى حصل فى سعر الابيزا والفابيا ....ولو الوكيل استوردها من ماليزيا ولا من جنوب افريقيا يبقى اللى اشتراها بردك كسبان وعموما احقاقا للحق السيارة محترمة
كشركة وتوكيل كفاية انة الوحيد اللى استرجع عربياتة علشان يصلحها بلاش نبقى معاهم معاهم عليهم عليهم وخلونا ساكتين مصر فيها اكتر من بتاع 20 موديل كدة عايزين يتسحبوا كلهم لعيوب فى انهم اذاى بقوا عربيات ومحترمة كموتور واستهلاك بنزين والات جر ناعمة وعفشة اظن ومش كلامى اثبتت نفسها كعربية كويسة طبعا مش معمولة للجرى والسرعات ال 180 وال 200 بس اتعملت للى عايز عربية كويسة ويعرف قيمتها................
على فكرة انا معاى اكسنت 2010 ولو كان معايا اكتر كنت جبت اليارس وكمان بحب السيراتو اوى يمكن احسن من اليارس بس بردك هناك فرق سعر ........وعموما كل عربية لازم تاخد حقها وما ينفعش النهاردة نبقى مع عربية وتانى يوم ضدها ومعاهم معاهم عليهم عليهم ....اسف للاطالة
-
اسف طيارة مش تيارة لحسن حد يمسكها علية:E_braces[1]:
-
ربنا يستر عالسعر ومايتحولوش تانى
-
-
-
على فكره العداد اللى فى النص ده بتتعود عليه وبيكون مخليك مركز فى وسط العربيه وشايف كل حاجه
انا جربته فى ياريس بتاعت صديق ليا وكان رائع
-
مفيش فرق كبير
الانتاج مش هيقف
بس مش هتيجي مصر
-
-
-
جميله العدادات الي في النص
حتي تخلي محدش في العربيه يحس مين الي سايق الا الي راكب ورا ناقصه بس الدريكسيون يبقي عنده
-
كلمتين فى حق العربيه دى : العداد الفى النص فيه نقطة قوة بس مع التركيز يعنى حضرتك بتكون شايف الطريق من البرابريز القدمانى تقريبا باصص فى نصه عشان تلم بالجنبين يمين و شمال كده شايف قدام لو رفعت عينك فوق بالظبط هتشوف ورى من المرايا لو بصيت تحت هتراقب العدادات بسهوله بالتالى كل الرؤيه على مستوى رأسى كمان و ضعية النظر دى برضو اقرب للمرايا البعيده شمال .. بتكون موسطن كل حاجه بالبلدى كده .. بالتالى بتلاقى التحكم كتير اسهل مع التعود ..
بصراحه عربيه عمليه فعلا كمان بتشم البنزين , عاليه عن الارض, شنطه واسعه , تكيف حكايه محتاج ايه اكتر.. هيا بس نقطة السعر دى و محدش اشتكى منها ولا فيها عيوب . . هيا محتاجه جنط حلو و كوتش عريض يزود ثباتها للبيحب الجرى بس تقبى مش محتاجه زياده تانى .
-
نفسى الياريس الهاتش باك تنزل فى مصر..
بجد دى لو نزلت حتبقى حاجه جامده جدا وحتغطى على عربيات تانيه فى نفس الفئه...
:)
