ارجو من الاخوة الافاضل فى المنتدى تسعير سيارة لانسر موديل 99
موتور 1600 سىسى - انجكشن
فتحة سقف-سبويلر-جنوط-اوتوماتيك-فابريكة بره وجوه عاملة 80.000 كم كنت عاوز اعرف سعرها كام عشان فى واحد عارضها عليا
عرض للطباعة
ارجو من الاخوة الافاضل فى المنتدى تسعير سيارة لانسر موديل 99
موتور 1600 سىسى - انجكشن
فتحة سقف-سبويلر-جنوط-اوتوماتيك-فابريكة بره وجوه عاملة 80.000 كم كنت عاوز اعرف سعرها كام عشان فى واحد عارضها عليا
دا مسقطلها موتور ولا ايه لان الطبيعى للعربيه 99 وهيه الكرستاله موتور 1300
غير ان سعر العربيه مينفعش تسال عليه كدا بدون اى ملاحظات
يعنى لازم يتكشف على العربيه وتعرف فيها ايه علشان تعرف تقدرها من ناحية الرش والحاله العامه للسياره والكماليات و و و و ...
باين من المواصفات انها اللانسر اللي كانت مسماه جامبو وكان في منها 1600 بس قليل لانها كانت بضعف تمن الـ1300 عشان الجمارك كانت كبيره
اتأكد ان الموتور مش متسقط ولو كده يبقى تمام واظن سعرها في الخمسينات بس معرفش كام بالضبط
موتورها ياجماعة مش متسقط هى عربيات قليلة اوى فى الكريستالة 1600 انجكشن وذلك لعلو سعر الجمارك فى ذلك الوقت وهى عربية واحد قريبى بس انا مش عاوز اظلمه ولا هو عاوز يظلمنى وهو ستعماله خفيف اوى فكنت بقول 50.000 فهل ده سعر كويس ليها ولا انا هاكون ظالمه
تمام قوي كده بس اعتقد ان 50 قليل شويه عليها نسبة لاسعار السوق
يعني حاولو تتفقو على سعر يرضيك ويرضيه
وممكن تنزل السوق تشوف الاسعار اللي معظمها هيكون 1300 وتحاول تجيب سعر وسط
اعتقد ان 50 ده قليل بالنسبه لمواصفتها يعني كامله و 1600 بس مادام هو قريبك يبقي ظبطوها مع بعض و برضاكه بس لو الحاله نضيفه يبقي 50 قليل و ال موضوع ده عايز حد خبير عشان يسعرلك ال1600 لان الاسعار كلها ل 1300
هو طالب 60 الف وانا بصراحة مستكترهم فعاوز اعف رايكم ايه
والله انا من وجهه نظرى وليس فرضا عليك!!
لو انت غاوى انك تركب كريستاله بالذات
يبقى الفرق فى الفلوس مش هيكون مشكله مقارنة مع حالة العربيه ووضعها (ده طبعا بعد الكشف والاطمئنان)
نيجى لرأيى الشخصى
ارفض بشده انى ادفع فرق 15 الف جنيه زياده عن سعر عربيه ده طبعا بالاضافه لحوالى الف او اتنين كده كده هصرفهم عليها فى البدايه
انا مع الاخوه اللى قالوا 50 وده بالكتير كمان والله اعلى واعلم
وانت صاحب القرار
والله معينى ومعينك
كتيير اوووووى كدا بيحلم ولا عمره هيبعها ولا بعد 300 سنهاقتباس:
هو طالب 60 الف وانا بصراحة مستكترهم فعاوز اعف رايكم ايه
بكتيرها 53 وبس
لو انضف حاجه وطالعه من التوكيل وبتقول بابا وماما آخرها 55 وتبقى كارمه
اكتر من كده يبقى بالتراضي بينكم لو حضرتك عايز العربيه دي بالذات
لو العربيه فابريكه كامله و حالتها نضيفه و مش محتاجه مصاريف خالص اعتقد مش قليل فيها 55 الى 57 الف وده الطبيعى فى الحاله دى انا بشوف عربيات 1300 فابريكا بتتباع 53 يبقى الجامبو مش هتقل عنها باربع الاف على الاقل دى اوتوماتك وفاتحه سقف و انجكشن يعنى عربيه حديثه بس 60 يبقى لامؤاخذه هجص لانك ممكن تحط 2 كمان و تجيب مكوه محترمه 2003 و اتوماتك ويبقى صالون برستيج واسع و كمان احدث و اشيك لكن 50 الف فى عربيه زى الى انتا عايز تشتريها دى قليل عليها و صدقنى الكريستاله بالحاله مش بالارقام يعنى سيبك من الى يقلك لو ضربها مش عارف ايه متجيبش اكتر من 50 و الكلام الغريب ده مع احترامى للجميع لكن الكلام شىء و البيع و الشراء حاجه تانيه
هو راح فيييين ؟ :36_1_50[1]:
انا قلتله ان اخرى هو 52.000 جنيه وهو قال هايفكر ويسال ويرد عليا
60 الف دول يجيبو بومة 2005 1300 ولا حاجة
طالما فابريكة بره وجوه
وفتحة سقف ..وجنوط
أنا شايف إنها كده تبقا أحسن من المكوة
إلي هيا بتعمل من 55-60 حسب الحالة
60 تركبك فيكترا 2002-2003 كاملة اتوماتك و ممكن كمان 2000 سىسى بس اللى اكبد 1600 اتوماتك وحلتها نضيفه جدا جدا كمان وربنا يوفق للخير ان شاء الله
بصراحة العربيات الجامبو دي تتاقل بالدهب لو حالتها حلوة متسيبهاش ودى نصيحة عن تجربة 3 لانسر جامبو