بالمناسبة هو مكانش اول رد هو كان رد نمرة 11
بالمناسبة هو مكانش اول رد هو كان رد نمرة 11
انا قصدي بس نمرة واحد اعلي الصفحة ،،
هوا عموما الحكومة لازم تحاسب الناس دي ،،
ما دام بيخدوا دعم و بيفرضولهم جمارك حماية ، و ارض ببلاش و من غير ضرائب
المفروض يتطوروا ،، يأما يتسحب منهم الإمتيازات دي ،،
هوا ده الدعم لغير مستحقيه ،،
مش دعم رغيف العيش و البنزين
في واحد كان اشتري صنى التقفيل المصرىو كان الشاسيه معوج و مغيروهاش غير لما فضحهم في جريده مش فاكر اسمها
يا سيدي الفاضل ......... الشاسيه لا يتم تصنيعه في مصر !!!!!!!!!!!!!!!!!!
و كل السيارات بيظهر فيها عيوب ......... و لكن المصري هو اللي نقعد نطلع فيه القطط الفاطسة و الميتة و المخنوقة
و يا سلام علة منتج الخواجة .......... ده أحسن منتج ؟؟؟؟؟؟؟؟؟؟
يا جماعة شوفوا الناس بتدافع عن السيارات الصيني أزاي !!!!!!!!! و لا أكن الصين بتديهم فلوس
احنا من الأخر شعب زي القرع يمد لبره
طيب لو أحنا ما نشتريش المصري ...... مين هايشتري ؟؟؟؟
على الأقل يا أخواني نقول كلمة حلوة
أنا فاكر إن أول من هيونداي فيفا فيرنا الهندي نزلت كل الناس بقيت تقول ابعد عن المصري و اشتري الهندي حتى من غير ما يجربوها و بعد شوية الكل قلب على الهندي و بقى يشكر في المصري علشان جودة التقفيل أفضل من الهندي
و أي مصنع بيطلع سيارات معيبة في العالم ......... حتى البي ام ......... و عن تجربة شخصية
و تم تغيير السيارة بالكامل و لكن ليس في مصر
و فورد باعت 4 مليون عربية معيبة من سنة 1997 الى 2003 و بعد 6 سنوات بدأوا يستدعوا السيارات من السوق لأنهم تتسبب في وقوع حوادث ........ تخيل 4 مليون سيارة في ستة سنوات من شركة عريقة زي الفورد ......... و محدش قال على الفورد وحشة و لا حاجة
عموما ربنا يهدينا
بس لو هقول الحق....
فبجد التقفيل المصري معفن و زباله كمان .....بالاخص غبوووووووووووووور
و صحيح مش لازم يكون نفس العيوب تكون في كل العربيات ...
لان لو فيه نفس العيب في كل العربيات اللي بتطلع من المصنع....يبقي ممكن منقولش انهم تقفلهم زباله اوي للدرجه...
و انما هي غلطه و ممكن تحصل في اي شركه ....زي ما tutankhamoun علي سحب فورد 4 مليون عربيه بسبب عيب فيها....
و عيب محدد....(و حط تحتيها الف خط)
اما المهزله اللي في غبور ده مش اسمه غلطه مصنعيه ....انما ده اسمه مافيش ادني رقابه ولا ادني جوده في التقفيل
يعني انا عربيتي فيها مشاكل من اول ما استلمتها ...في منها حاجات مش عند حد خالص
و نفس الحكايه عند بقيه الناس....من حيث بيكون عندها مشاكل في التقفيل ماسمعناش عنها
و كلامي ده مش من فراغ ....
ده من تجربه.....و معرفه بعض الناس اللي كان عندهم عربيات ذي اللي معايا بالظبط و بشتكوا من حاجات عمرها ما صادفت معايا
الملخص ان مش كل العربيات تقفلها 100% بس الشركات المحترمه اللي بتعرف يعني ايه جوده و عندهم رقابه بجد....
يوم ما يلاقوا مشكله عامه بيسحبوا عربيياتهم.....