عرض للطباعة
السلام عليكم ورحمة الله
عندى عربية Bmw E36 لسه شريها إستعمال خارج وهى بحالة جيدة والحمد لله
لكن فى شيء محيرنى إن المتور بيسقف فى الغيار بين الأول والثانى
يعنى لازم أشبع الغيار أوى عشان ما يظهر صوت التكيهات
وبيظهر أكثر وانا طالع مطلع
فهل ده يكون عيب فى الكهرباء عايز يتظبط ولا عيب ميكانيكا وعايز يتظبط وش تكيهات
وهل المسألة صعبة ولا بسيطة وتنصحونى اروح فين أنا من الأسكندرية
لأنى بصراحة أنا قلقان
والله الموفق
ياما عيب كهربة او عيب بنزين حضرتك بتحط بنزين ايه
بحط بنزين 92 والعربية موديل 97
حاسب .. شوف بقي يا حج .. العربيه طبعاً 4 سلندر (نظام المعاقين طالما جايه من بره) ... صح ؟ ولا كام سيسي ولا ايه النظام عندك ؟
أيوه العربية اربعة سلندر و1600 سى سى وداخل فى اربعة اربعة أشهر ولسه الورق ما خلص وجيبها عن طريق المعاقين
وعايز أعرف سبب هذه المشكلة عشان مجننانى
يبقى كده ممكن تكون الكهربة عاوزه ضبط انا فى الحقيقة معرفش حد لل ب م بس ممكن حد من الأخوة هنا يساعدك
الاول اتاكد انك بتحط بنزين نضيف .. و اتاكد ان الرشاشات شغاله ..لو لسه موجوده يبقي ممكن يكون مشكله في النوك سينسورس ... ساعتها تروح عند ميكانيكي قوله يكشفلك علي النوك سينسورس .. تروح لحد زي عبدالله السنان او عبده منيب .. بس الاول اتاكد انه مش عيب بنزين(بنزين مضروب منهم لله).. خد بالك ان اسبراتيرك مابيتقدمش ولا بيتاخر كهربا ..
يعنى مش تكيهات ؟؟؟
أصلى ديماً فى العربية 504 كنت لما بسمع الصوت ده بيقولولى التكيهات عيزة تتظبط او الكهربا واطية أو عالية
انت عارف صوت التاكيهات لما بيبقي محمل بتحس انك بتعرف تعد كده معاه بصوابعك ..
اصل اختلاف مسميات .. انت عارف ال504 كانت بتعمل ازاي لو ظابط كهرباء علي البنزين ال90 و لو حاطيط 80 .. بيبقي ليها صوت عامل زي ما يكون الموتور بيزغرط كده .. هوه ده اللي عندك ؟ ولا بتحس انك بتسمع صزت زي شواكيش صغيره بتخبط كده و بترن رنه خفيفه ؟