السلام عليكم يا شباب
كنت عايز اروح بنك التعمير والأسكان اللي في شارع سوريا في المهندسين ..انا ساكن في حلمية الزيتون .. اروح أزاي بالعربية ؟
وشكرا
عرض للطباعة
السلام عليكم يا شباب
كنت عايز اروح بنك التعمير والأسكان اللي في شارع سوريا في المهندسين ..انا ساكن في حلمية الزيتون .. اروح أزاي بالعربية ؟
وشكرا
السلام عليكم
انا هاوديك ش سوريا وانت عليك الباقى
برضه هافترض انك فى ش حلمية الزيتون عند مسجد العزيز بالله
هاتاخد الشارع لأخره هاتلف يمين وما تطلعش كوبرى الطاهرة هاتلف من تحتيه وترجع تانى على ش جسر السويس هاتخش يمين فى جسر السويس وهاتاخده على طول عند مسجد جمال عبدالناصر هاتخش شمال وتعدى الاشارة وتكمل على طول انت كده رايح صلاح سالم هايقابلك كوبرى الفنجرى مش هاتطلعه وتخش يمين من جنبيه وبعدين تخشيمين فى ش صلاح سالم هاتكمل على طول هاتلاقى طلعة لكوبرى اكتوبر فى وشك هاتطلعه وتاخد كوبرى اكتوبر على طووووووووووووول فى اتجاه الجيزة هاتعدى طبعا على غمرة وبعدين رمسيس وبعدين عبدالمنعم رياض وبعدين الزمالك وبعد نزلة العجوزة (هاتلاقى نزلتين عند العجوزة نزلة يمين عادية ونزلة نصف دائرية هاتعديهم وتاخد يمينك بعديها بشوية هاتلاقى نزلة يمين (س البطل احمد عبدالعزيز والمهندسين)هاتنزلها وتعدى الاشارة انت كده فى ش البطل احمد عبدالعزيز هاتاخده لأخره فيمين فى اول يوتيرن شمال وترجع انت كده فى ش جامعة الدول العربية هاتلاقى اشارة(اشارة مسجد مصطفى محمود)هاتعديها هاتلاقى شارعين على يمينك اول شارع على يمينك على طول ش وادى النيل سيبك منه وجنبيه على طول ش سوريا وهو المطلوب انت كده ماسكه من اوله شوف انت بقى البنك فين
ارجو ان اكون اوضحت
شكرا يا باشا والله شرحك اكتر من ممتاز
اوعى تفكر تعمل المشوار ده بالعربية
هتتعذب
هتتعذب
هتتعذذذذذذذذذذذذذذذذذذذذا ب
لو ربنا كرمك ووصلت مش هتلاقى ركنة ولو لو فكرت تركن صف تانى
معاك 2 حل
1 الونش هيظبط عربيتك
2 العسكرى هيسلى عليك مخلفات
الحل المثالى اركب المترو وانزل محطة جمال عبد الناصر
واركب ميكروباص بولاق جامعة الدول هتنزل عند جامع مصطفى محمود
والرجوع فى نفس الطريق
يا سلام على اللانوسيه... دايما تفكيرهم واحد :verygood:
بص يا باشا: سواح -اميريه-مظلات - كورنيش على طول.
وبعدين إما كوبري الساحل والكورنيش ح يكون على شمالك-ميدان الكيت كات-احمد عرابي-جامعة الدول.
أو كورنيش على طول لغاية كوبري 15 مايو-أحمد عرابي -جامعة الدول.
ولكن انا تفكيري زي اخونا zaza_lanos -مترو الانفاق-ميكروباص بولاق الدكرور- يعني بـ 5 جنيه ح تروح وترجع من مشوارك وانت باشا- واللانوس متغطيه تحت البيت في الطراوه..:B4_388:
الحمد لله انا رحت المشوار ده النهاردة ولقيت مكان فاضي والله كأنه مستنيني جنب البنك على طول.. وشكرا لكل من اعطاني النصيحة الغالية .:verygood: