السلام عليكم ورحمة الله وبركاته
أنا شخصيا مش متصور مصر هتكون عاملة إزاى بعد 5 سنين
أو علشان أكون أكثر دقة حاسس إن بعد 5 سنين الدنيا هتكون غير الدنيا خالص
أعتقد بعد 5 سنين هيكون فى ناس غيرنا عايشين فى البلد واحنا انقرضنا من اللى بيعملوه فينا
أو هنرتد تانى لعصر العبيد مع الارتفاع المطرد فى الاسعار وازدياد تركز الثروة لدى فئة بعينها
ربنا يدينا ويديكوا طولة العمر
انا عن نفسى مصدق اخونا يوسف بطرس
هتقولولى ازاااااى هقولكم انه كل متتخرج دفعة من الان ولمدة خمس سنين نولع فيها ومعاها دفعة او اثنين من اللى فاتت وبكده يبقى تم حل المشكله بالكامل مش بس كده لأ كمان خفضنا الشعب كمان
ههههههههههههههههه
انا بعتقد ان الاخ بطرس كان عامل دماغ مش بس كده لأ دماغ عالية اوى يعنى سيجارة بنجو حاجه زى كده
يا جماعه بطرس غالي عنده حق عارفين ليه :!:
لان بعد خمس سنين هتلاقى نص الناس فى المعتقلات والنص التانى هاجر من البلد ويبقوا يورونى ساعتها الحكومه هاتحكم مين
والله انت كان عندك حق فعلا لما قولت
يا اخي اللي أختشوا ماتوا
وده وهو كان بيتكلم في مؤتمر الحزب الوطني الاخير والله وهو بييشرح هيعمل ايه بالفلوس بتاعت شبكة المحمول الثالثه ....كأنه واحد من الشارع مش متعلم خالص وحد فهمه حاجه في التجاره وفرحان بيها وبقولها كان بيقول ايه :
انه مش هيصرف الفلوس لأنه لو صرف الفلوس يبقى كده صرف رأس المال وهييجي السنه الجايه مش هيلاقي الفلوس دي فلازم نشغلها ...( طبعا هو قصده يشغلها هو وأصحابه اللي انتم عارفينهم )
وبعدين تجيب دخل وبعدين نصرف منه بقه ...... فهمتوا يا شاطرين عمو فؤاد قال ايه
اكيد طبعا هو عنده حق لان ان شاء الله بعد 5 سنين المصريين هيخلصوا نتيجة المياه الملوثة والاكل المسرطن والادوية منتهية الصلاحية وحوادث السيارات والقطارات والطائرات والعبارات ولسة فاضل حوادث مترو الانفاق والتوك توك وعجبى....
المشكله ان الكل بيعلق على موضوع اختفاء البطاله لأنه مش مصدقه... لكن محدش علق على الغاء الدعم عن البنزين لأننا كلنا مصدقين ان ده هايحصل :cry:
quote]
لكن محدش علق على الغاء الدعم عن البنزين لأننا كلنا مصدقين ان ده هايحصل
[/quote]
أعتقد إن إلغاء الدعم علي البنزين قادم قادم و المسألة مسألة و قت فقط ...[
انا شخصيآ مع الغاء الدعم عن كل شىء ماعدا الصحه.
ولكن..
ولكن..
مع حدوث تغيير اساسى فى الأنفاق الحكومى وطريقة مراقبة البرلمان له
..
كم واحد فيكوا عارف ميزابية الجيش كام من الموازنه العامه؟؟!!
40%
اه والله 40%
بدون اى حساب او رقابه
ده غير المصروفات السريه للرئاسه والمخابرات
يعنى تقريبا نص فلوس البلد لا يعلم احد عنها شيء
والنصف ده قادر يحل جميع مشاكل التعليم والصحه والمواصلات فى 3 سنين فقط
لان الميزانيه العامه كل سنه فى حدود 150 مليار جنيه او اكتر شويه
يعنى نصفهم 75 مليار سنويآ
يعنى 225 مليار فى 3 سنين
يحلوا كل مشاكل مصر نهائيأ
الواحد بطنه قلبت عليه من الأرقام.
والله ياجماعة انتم مش واخدين بالكم 000 الراجل راسم على البقاء على الكرسى وزارتين اوثلاث وزارت قادمة ومش عايز مقاطعة ! وربنا يطول فى عمر بطرس بك ! علشان نحاسبه ! اسف اقصد يطول فى عمرنا بعد الكلام الجميل بتاع المياة الملوثة والاكل المسرطن وخلافة علشان نستطيع بعد كدة نحاسب جنابة عن اللى قالة
اوعوا تنسوا الاعضاء المبجلين همة همة الله هيحاسبوة ، او على الاقل اولادهم او ورثتهم بمجلس الشعب !
لنا الله
دة غير ميزانية الامن المركزى ها ؟اقتباس:
المشاركة الأصلية كتبت بواسطة Nile Heart