كان ليا كام استفسار بخصوص ال Fm modulator
كنت عايز اعرف هل الصوت بيبقي نقي و لا لا؟
و درجة علو الصوت كويسة و لا زي شريط الكاسيت الي بيتوصل بالموبايل ؟
اخيرا الاسعار و اماكن البيع ؟
شكرا
عرض للطباعة
كان ليا كام استفسار بخصوص ال Fm modulator
كنت عايز اعرف هل الصوت بيبقي نقي و لا لا؟
و درجة علو الصوت كويسة و لا زي شريط الكاسيت الي بيتوصل بالموبايل ؟
اخيرا الاسعار و اماكن البيع ؟
شكرا
بخصوص الصوت فهو جيد جدا ونقى بس لو معدى من تحت كبرى أو خرسانات بيحصل تشويش والأمور ترجع طبيعى بعد كده
علو الصوت كويس وبيعتمد على جوده الملف وكاسيت السيارة
الأماكن التى يباع فيها كل اماكن بيع اكسسوار السيارات وبعض محلات الكمبيوتر وسوبر ماركت المحمل وكارفور
والسعر ب 35 ج تقريبا ومعاها ريموت كنترول وفى بعض الأنواع بيبقى معاها كارت ميمورى بس عموما هو بيشغل الفلاشات وكروت الميمورى والملفات mp3,wma
وبالتوفيق..
الف شكر يا باشا
انصحك لما تشتريه تجربه امام المحل
لان صاحبى اشتراه واكتشف انه مش شغال
بص بقى يا سيدى أنا ليا خبرة كويسة فى موضوع ال modulator بجميع أنواعه تقريبا
أولا خلى بالك عشان فى أنواع كتيير ما بطلعش أربع سماعات فلازم تجربه جنب الراجل و تعد تشغل سماعات و تطفى التانيين وتجرب و الأفضل واللى متجرب تمام فى الموضوع ده نوع gigamax
ثانيا كل اللى فى السوق حاليا من ال fm modulator من أبو 35 أو 40 جنيه فى حاجة خطيرة جدا و بتفرق مع ناس و ناس لأ وأنا من الناس اللى بتفرق معاهم جدا
ألا وهى ان ال modulator مايقراش فلاشه فيها folders ياعنى على سبيل المثال لو حاطط folder لعمرو دياب وواحد تانى لهشام عباس مثلا يبقى مش هيقرا حاجة
ياعنى لازم تحط كل حاجة على الفلاشة من بره على طول فلو عايز تجيب انت حاجة معينة لازم تكون حافظ ترتيبها و ده هتعرفه من كتر سماعك بس طبعا مرهق جدا جدا جدا ومتخلف لو عندك حاجات كتير
أنا جالى واحد هدية و أنا فى السعودية بالصدفة و ذهلت انه طلع بيقرا و بيقلب folders
المهم بعد ما رجعت و صحابى شافوه اتجنينوه عليه فالمهم قلبنا الدنيا ملاقناش غير الى أنا قلت عليه فى الأول لغايى ملاقينا واحد فى virgin city stars بس تحففففففة و فى حاجة زيادة البتاعة اللى بتركب على التارة عشان تتحكم فيه وانت سايق من غير ريموت (wireless طبعا) و طبعا معاه ريموت وبيقلب folders و صوته نقى بغبااااااااااااااء لأ والمهذلة بقى ان الراجل كان مصمم ومتأكد جدا أنه مابيقراش folders وده نوعه promote وب 159 جنيه طبعا أنا عارف انه غالى جدا بس يستاهل بصراحة عشان حركة التارة ديه
عشان تعرف ده بيقلب folders ولا لأ لازم يكون فى زرارين فى الريموت fl+ و fl-
لو مفيش دول يبقى ما بيقلبش أكييد
أرجو أنى أكون أفدتك و اسف للتطويل
ملحوظة :
نسيت أقول لازم تكون الفلاشى متفرمته على fat32 عشان يقراها (متهيألى أى fat ينفع) لأن ntfs مش هتتقرى
أنا عندى كاسيت cd mp3 kenwood بيقرا folders و تمام بس غير عملى نهائى انى كل ما اعوز أزود سورة قران أو اى ملف صوت أروح أعمل cd
فمن الأخر أحسن حاجة عملية بأنضف صوووت كاسيت أصلى فيه usb و بيقرا folders و مات الكلام بس كل واحد بيكيف نفسه على جيبه
والسلام عليكم ورحمة الله
3ash ya shouk m3lomat gmda awe thx
العفو يا باشا
مشكوووووور والله يعطيك الف عافيه
احب أضيف حاجة ,
الأنواع اللي بتكون بـ 35ج لما بتبطل العربية و تشغلها تاني بتلاقي الجهاز بيبدأ تشغيل ملفات الصوت من أول ملف خالص ,
و النواع الـ GIGAMAX (بـ65ج تقريباً) لما بيحصل كده بيبدأ من أول الملف اللي كان واقف عنده ,
و فيه نوع إسمه Infinity (بـ 150ج تقريباً) بيبدأ من التراك اللي كان واقف عنده .....
انا عندى بتاع راديو شاك و شايف انه جامد قوى و هو اسمه ( راديوشاك )
وده بكام بتاه راديوشاك و هل لو بطلت العربية و شغلتها تاني بيبدأ من مكان ما كان واقف Track
السلام عليكم
كلامكم رائع وكان عندى استفسار الام ثري الولاعه شغال والعربية واقفه ولكن لما بدورها او انقل او مطب بيفصل روحت للكهربائي كذا مرة قالى غير الام بي ثري غيرته 3 مرات وبرده نفس المشكله واخر مره قالى كهربة العربية عاليه ومش هيظبط معاك هات mp4 ووصله مع شريط الام بي ثري مارايكم وهل كهربة العربية توطى شوية وتتظبط الولاعه ولا فيها مشكله وكنت بشغل الشريط مع الموبايل ولكن الشريط بقا بيفصل ولازم اطلعه واشغله مره او اتنين ارجو الافادة
متابعة باهتمام