ياجماعة انا كل ماجيب ال120 بالعربية و تبقي علي اخر غيار صوتها بيعلي اوي عند ال120 بالذات
هل ده ملاحظينو في عربياتكو بردو ولا عربيتي مطورها في حاجة؟؟؟؟؟؟؟؟؟؟؟؟:_Alshmokh08[1]:
عرض للطباعة
ياجماعة انا كل ماجيب ال120 بالعربية و تبقي علي اخر غيار صوتها بيعلي اوي عند ال120 بالذات
هل ده ملاحظينو في عربياتكو بردو ولا عربيتي مطورها في حاجة؟؟؟؟؟؟؟؟؟؟؟؟:_Alshmokh08[1]:
عاملة كام الف
و بتبقى على التاني ؟؟؟ و لا التالت
هيا فعلا صوتها عالي - متخفش - حتي لو علي اخر غيار - رغم ان المومتور واخد عزل عالي جدا بس تحس انك مركب فلتر هوا بيعلي صوتها
متركزش مع الموتور والسرعة والكلام ده, ركز في الطريق, عشان حتى لو انت سواقتك ممتازة, الطريق حواليك مليان.... ولا بلاش.
مش عالى أوى كدة يعنى .... مقبول بالنسبة لكل عربيات نفس الفئة .... و بعدين هى موتورها متصمم على 4 غيارات .... الشركة عاملة حسابها إن النقلة الرابعة نقلة كبيرة و واخدة سرعات عالية ... أنا سقتها على 160 و كان صوتها مش عالى للدرجة دى رغم إنى مكنتش معلى صوت الراديو .... يمكن الصوت داخل معه حاجات تانية زى الكاوتش مثلا لو كان الطريق مش مستوى
الأول بس يا باشا, عندي شوية اسفسارات...
1- عملت تليين لعربيتك ازاي؟؟؟
2- هل الصوت على السرعات القليله عادي؟؟؟ و هل الصوت العالي بعد 120 عالي بشكل (غير طبيعي)؟؟؟
3- الصوت ده بتحس بيه و انت على انهي نقله ؟؟؟؟ اعتقد عربيتك lx...يعني مانيوال
بعد اذنك بس يا ريت ترد على الأسئله دي علشان نقدر نساعدك بشكل صحيح.....
استاذ غازي, منور انت وكل اللي ردو
* الاول احب تعرفو ان عربيتي LX مانوال, جايبها من شهر 7 اللي فات وعامل بيها لغاية دلوقتي 21000 كم (كتير اوي مش كده؟)ولسه عاملها صيانة ال20000 ومغيرلها بوجهات (champion تعبانة) و فلتر هوا؟؟
بالنسبة لاسئلتك:
1- عملت تليين لعربيتي زي مالكتالوج بيؤول (الrpm مابين ال2000 و 4000) فكنت بمشي في المتوسط 3000, واول ماجبتها ورخصتها خرجت من مرور عبود عالزراعي علي دمياط (جزء من شغلي هناك) وكنت قاصد كده عشان الينها بسرعة واسافر بعدها الساحل واجربها في الجري(جبت بيها 200 كم/س في العلمين وكانت عامله 1200 كم). وكان اقصي سرعة جبتها بيها قبل التليين 130 وكان الrpm علي 4000
2-للاسف الصوت عالي علي كل الغيارات الا الخامس بيعلي بعد ال120 اوي. صوتها خشن
3-علي كل النقلات والله, حاسس اني العربية مش مكيفاني. انا من ساعت ماجبتها كنت بقول ان صوتها عالي بس دلوقتي عالي اكتر, كاني راكب عربية خشنة؟؟
وعلي فكرة العفشة بقت خفيفة وبحس بكل زلطه في الطريق
و في عرض ابتديت افكر فيه بجدية اني ادخلها في Peugeot 307 فول اوبشانز واخد فرق...؟؟!!!:I_angr1[1]::8954[1]:
فياريت تفيدوني عشان اعرف ان كان السيراتو كدة ولا بتاعتي بس
رأي الشخصي......
انا شايف انك قرصت عليها زياده اثناء التليين.... و خصوصا لو كنت حرقت على اي نقله
و قرصت عليها بعد ما لينت و غيرت الزييت مباشرة.... كنت تستنى عليها قبل ما تقرص و تجيب 200كم\س
بالنسبه للعفشه... انت لو حاسس بكل زلطه في الطريق يبقى العفشه ناشفه مش ناعمه....
و المفروض انها بعد 21000كم تكون نعمت معاك خصوصا انك كمان lx يعني الجنط عادي 15"
لازم العربيه دي تروح التوكيل و تكشف على الموتور.... و شيك على العفشه و ضغط الكوتش
و ممكن جداا يكون موضوع الصوت العالي ان عدد لفات الموتور محتاج يتظبط و دي بسيطه ان شاء الله
و موضوع العفشه يكون ضغط كوتش زياده و يتظبط و الدنيا تبقى تمام بردو....
انا تحليلي للموضوع مجرد رأي شخصي, لكن انا مش عارف بالظبط انت اتعاملت ازاي مع العربيه
أنا معاك في كل اللي إنت قلته عشان برده 130km/hr في أول 1000km ده كتير شوية بس برده مظنش انها تبوظ حاجة إذا إنت كنت مبتعملش kick down وبتخليها تجيب سرعتها براحتها عشان ده عمل مهم جدا. أنا عارف إنك بتقول إنك ماخلتش elrpm يعدي 4000 بس برده ماهو 4000 ده el-Top-end يعني توصلها لحظيا مش تمشي عليها.
في حاجات كتير قوي وعوامل كتير محدش يعرفها زي ماقلتلك غيرك إنت عشان إنت اللي عارف كنت بتسوقها إزاي.
موضوع إن العربية صوتها عالي فاكيد إنت عارف كده يعني أنا عندي العربية بتعلى شوية فعلا بعد 120 (SX ) وعلى آخر نقله في الاوتوماتيك ويسلام على 140 بيعلى كمان (ده أنا مراتي كانت ركبة جمبي و قلتلي صوت العربية عالي ليه ميييراتي:ma: ) فده طبيعي وعادي فكل العربية عشان السير والموتور بطبيعته صوته مش ناعم قوي فممكن مايكونش عندك مشكلة أصلا. يعني :mahf(5):
من الاخر لو الصوت بيعلى مع زيادة السرعة يبقى طبييعي ومتقلقش كلنا كده
أنا اعلى صوت للعربية عندي على سرعة ال 140 بالظبط وهو فعلا صوت عالي، بع 140 بتحس ان الصوت بيتناسب مع سرعة العربية، اما بالنسبة لغيار الفتيس لاحظت انه لما تقرص على العربية وانت على التالت مبتنقلش على الرابع إلا بعد ال 120 واحيانا لو في مطلع يتوصل لحد 130 بس الحقيقة بحس ان الموضوع ده بيدي العربية قوة جبارة.
طيب حضرتك مابرده عندي في الشكل القديم عند 120 و 130 بحس بصوت الموتور انه عالي وكمان في البيكانتو اول ما اوصل 120 برده الصوت عالي بس طبيعي لانه متناسب مع سرعة العربية
طيب مش ممكن تكون البوجيهات الجديده تعبانه وواخده رطوبه؟
ياجماعة علي فكرة انا اكتشفت صوت الموتور العالي كان من ايه
افتكرت اني اضطريت امون من بنزينة معفنة وبعدها سافرت 15 يوم وجيت لقيتها زي ماقولتلكو, فااكيد صوت الموتور العالي ده كان من البنزين الزبالة ده.
واللي اكدلي كده اني لما فولت من يومين رجع صوتها طبيعي جدا
شاكر جدا لتعليقاتكم