ارجوكم يا جماعة لو فى حد عمل عمرة لل 128 يقوللى التكاليف ايه بالظبط عشان انا جيت عمل شنبر دخلت فى عمرة وخايف يضحك عليا خصوصا انى لسه جديد فى الحكاية دى
عرض للطباعة
ارجوكم يا جماعة لو فى حد عمل عمرة لل 128 يقوللى التكاليف ايه بالظبط عشان انا جيت عمل شنبر دخلت فى عمرة وخايف يضحك عليا خصوصا انى لسه جديد فى الحكاية دى
لو فكيت الماترو ولقيت العربية محتاجة عمرة كاملة يبقى الموضوع كلة بمصنعية المكيانيكى 1800 جنية وعلى فكرة اخرة فى المصنعية 300 جنية يوم مايبقى حرامى اوى 350 جنية
بس بردة ياريت تقول الحاجات اللى هاتتغير
انا جبت اللى طلبه منى الخراط وهو
1- طقم بستم ولما جبته جديد لقى عنده واحد استيراد كويس بعهولى ب 100 جنيه وخلانى رجعت الجديد اللى كنت جايبة ب 225 جنيه عشان يوفرلى 125 جنيه
2- سبيكة
3- هلايل
4- طقم شنبر
5-فى حاجه خامسة بس ناسيها
ده بالنسبة لخراط المكنه
اما خراط وش السلندر
1- طقم صبابات
2- جلد صبابات
4- هد
بس دى كل حاجه انا جبتها لحد دلوقتى ولسها هستلم المكنه من عند الخراط بكرة بالليل ان شاء الله وعايز منى 680 جنيه بما فيهم طقم البستم
طيب تمام يعنى الحاجات دية كلها ب680 جنية
حلو قوى عندك بقى طقم جوانات
طلمبة زيت
سير كاتينة
بلية سير كاتينة
طقم بوجيهات
ابلاتين وكوندينسر
طلمبة مياة
سير دينامو
زيت وفلتر وبتغيرة بعد اول الف كيلو هو والفلتر
لو احنا مش ناسين حاجة وعلى كدة بس يبقى الحسبة كلها هاتدخلك فى 1500 جنية بالمصنعية او اقل كمان
بس انا مش عارف حكاية البساتم دية هاتنفع ولا لأ لانك كنت المفروض جيبت كلة جديد عشان تبقى كل حاجة تمام انت عارف الناس الصنايعية دول بيبقوا عايزين يخلصوا من الحاجة اللى عندهم بأى طريقة
وعشان تبقى فى المضمون حاول تاخدهم منة وتوريهم لواحد تانى لائما تجيب الجديد وتريح دماغك احسنلك طالما هاتغير كلة وماجتش على 125 جنية بجملة المصاريف عشان تريح دماغك وماتقولش ياريتنى
انا نسيت اقولك ان الحاجات اللى انا جبتها دى مش من ضمن ال 680 جنية بتوع الخراط الحاجات دى ب 330 جنية غير خراط وش السلندر هياخد فى حدود 90 جنية ويا ريت تقوللى ادى الميكانيكى مصنيعية اد قيه عشان ميشتغلنيش
مانا قولتلك اخر مصنعية الميكانيكى 300 لما يبقى حرامى ويوم لما يدبح يبقى 350 ازيد من كدة خدة على القسم
طب قوللى هو لازم طرمبة الزيت والمياة وبلية سير الكاتينة يتغيرو
وعلى فكرة انا لسة مغير سير الكاتينة من حوالى شهر ونص كده لازم اغيره برضه
شوف ياباشا اهم حاجة فى دة كلة طلمبة الزيت عشان ضغطها هايختلف لما يكون الماتور كبسة كويس ان شاء الله ومش هتقدر تغطى قوة الماتور عشان هاتكون ضعفت فلا قدر الله ممكن تؤدى الى تلف الماتور عشان مش هيوصلة زيت كافى
وطبعا لازم تغير سير الكاتينة والبلية بتاعتة
وطلمبة المياة تتغير عشان هاتكون مليانة صدأ واحتمال يبقى فيها بارومة
الحاجات دية كلها بالظبط هاتعملها 100 جنية وطالما انت فاكك الماتور يبقى بالمرة تعملها واريحلك واريح للماتور
باشا لو لسه الخراط ما خرطتش انزل فورا هات البساتيم الجديده
بجد راجل ما عندوش ضمير استيراد ايه اللي عايز يبيعوه ليك
بجد حسبي الله ونعم الوكيل فيه
انا عايز اعرف حاجة انت بتقول ان الخراط حياخد 680 جنية دول بتوع اية يعني حياخد 680 جنية حيعمل بيهم اية؟؟؟؟؟؟؟؟؟؟؟؟؟؟؟؟؟ معقولللللل دي اجرة خراطة :I_angr1[1]: