مش معقول يكون فيه سعر عربيه موديل 2001 ب23 ألف جنيه يعنى يا ريت بس حد يفهمنى الموضوع

**AMA** · 14-02-2010 09:42 AM

السلام عليكم , ببص كالعادة على الأعلانات بتاعة العربيات و دى هوايه عندى أصلا برضة أننا أتابع العربيات و أسعارها و مرة واحدة شوفت أعلان أستغربت لدرجة أننا بصيت للرقم كذا مرة بس لقيت مكتوب أن العربية من غير جمارك سعرها 14 ألف و لو عايزها بالجمارك هتكون 23 ألف و هيا فى بورسعيد و موديل 2001
أنا طبعا مش ضد أن العربيات تبقى رخيصة بالعكس أنا مع الموضوع دة جدا لكن حاجة تجنن برضة
و العربيه نوعها كيا ريو موديل 2001 و دا خلانى أتجن أكتر لأن مفيش كدة أصلا بصوا الأعلان أهوه أضغط هنا
و يا ريت تقولولى كدة أنا أتجنيت ولا شوفت الرقم غلط ولا الراجل إلى حاطيت الأعلان دة دماغة رايحه فين ولا نصاب ولا هوا مجنون ولا فيه أية بالظبط

**AMA** · 14-02-2010 09:51 AM

و إلى هيجننى أكتر بقى أن فيه 5 عربيات 3 فيرنا موديل 2000 و أوتوماتيك و واحدة هوندا سيفيك موديل 2000 و أوتوماتيك و واحدة كيا ريو 2001 و مانيوال و الخمسه على بعض بيعة واحدة و عاملين 80 ألف يعنى حاجة تجنن برضة و دا الأعلان لحسن أكون بخرف و حد يتأكد معايا أضغطوا هنا

**gomangy** · 14-02-2010 09:57 AM

يمكن هتكون منطقه حره ّّّ!!!!

ما اصل كده يبقي في حاجه غريبه جدا

**AMA** · 14-02-2010 10:10 AM

المشاركة الأصلية كتبت بواسطة gomangy

يمكن هتكون منطقه حره ّّّ!!!!

ما اصل كده يبقي في حاجه غريبه جدا

و حتى لو منطقة حرة أزاى برضة تكون بالسعر دة و كمان لو منطقة حرة ماهى بيدفعلها مبلغ معين على ماأظن و بتبقى ملاكى أى بلد تانيه و الموضوع بيخلص على كدة

**M_Nabil** · 14-02-2010 10:28 AM

دى أعتقد سيارات معاقين غير مدفوعة الجمارك وبعد القرار اللى صدر بعدم فك الحظر عليها غير بعد 5 سنوات يبقى العربيات دى لا تساوى اى قيمة غير لواحد معاق فعلاً هو اللى يقدر يستفيد بيها غير انى مش شايف اى تاريخ للأعلانات دى على الموقع

**eg_falcon** · 14-02-2010 10:33 AM

لو قرات عنوان الاعلان حتلاقي ان دي سيارات معاقين و ما ادراك ما سيارات المعاقين يعني ليه حق يقول 23000

**AMA** · 14-02-2010 10:39 AM

المشاركة الأصلية كتبت بواسطة m_nabil

دى أعتقد سيارات معاقين غير مدفوعة الجمارك وبعد القرار اللى صدر بعدم فك الحظر عليها غير بعد 5 سنوات يبقى العربيات دى لا تساوى اى قيمة غير لواحد معاق فعلاً هو اللى يقدر يستفيد بيها غير انى مش شايف اى تاريخ للأعلانات دى على الموقع

طيب لو على فك الحظر اكيد الراجل بيبيعها و الحظر مفكوك عنها لأن دا بيتكلم عن الجمارك بس و بعد خمس سنين الحظر بيتفك كدة كدة ببلاش عادى لكن قبل الخمس سنين و فى أى أى وقت ممكن يتفك و بعشر ألاف جنيه أو بالأصح 9 ألاف و نص بس يعنى كدة هيبقى سعرها 34 برضة رخيصة جدا جدا

**AMA** · 14-02-2010 10:41 AM

المشاركة الأصلية كتبت بواسطة eg_falcon

لو قرات عنوان الاعلان حتلاقي ان دي سيارات معاقين و ما ادراك ما سيارات المعاقين يعني ليه حق يقول 23000

أصل انا سمعت كتير أن فيه ناس بتلعب فى الموضوع دة برضة بس يا أخوانا هل يعنى يا ترى عشان واحد من الشعب يركب عربيه موديل جديد شوية يبقى معوق ؟

**M_Nabil** · 14-02-2010 10:49 AM

المشاركة الأصلية كتبت بواسطة ama

طيب لو على فك الحظر اكيد الراجل بيبيعها و الحظر مفكوك عنها لأن دا بيتكلم عن الجمارك بس و بعد خمس سنين الحظر بيتفك كدة كدة ببلاش عادى لكن قبل الخمس سنين و فى أى أى وقت ممكن يتفك و بعشر ألاف جنيه أو بالأصح 9 ألاف و نص بس يعنى كدة هيبقى سعرها 34 برضة رخيصة جدا جدا

فك الحظر ده كان زمان لحد من سنة أو سنة وشوية دلوقتى محدش يعرف يجيب عربية معاقين ويفك حظرها قبل 5 سنوات بعد القرار اللى صدر عشان يضمن ان المستفيد من الموضوع هو المعاق فعلاً مش حد بيستخدمة كوسيلة للحصول على العربية ويدفعلوا 7 ألاف جنية وبعد كدة يدفع هو 9600 جنية فك حظر ويرخصها بأسمة بعد ما المعاق يبعها ليه

**AMA** · 14-02-2010 11:06 AM

المشاركة الأصلية كتبت بواسطة m_nabil

فك الحظر ده كان زمان لحد من سنة أو سنة وشوية دلوقتى محدش يعرف يجيب عربية معاقين ويفك حظرها قبل 5 سنوات بعد القرار اللى صدر عشان يضمن ان المستفيد من الموضوع هو المعاق فعلاً مش حد بيستخدمة كوسيلة للحصول على العربية ويدفعلوا 7 ألاف جنية وبعد كدة يدفع هو 9600 جنية فك حظر ويرخصها بأسمة بعد ما المعاق يبعها ليه

كلام مقنع يا أستاذ نبيل و جايب من الأخر أنا كدة فهمت
دا الأسهل على كدة يا راجل أن الواحد يبقى معوق بدل الكعبله دى يا أما يصبر شوية و يجيب نفس العربية حتى لو بضعف سعرها خمس مرات عادى بس أرحم من الكعبلة دى كلها:10d5c8~1107:

الموضوع: مش معقول يكون فيه سعر عربيه موديل 2001 ب23 ألف جنيه يعنى يا ريت بس حد يفهمنى الموضوع

LinkBack

أدوات الموضوع

عرض

مش معقول يكون فيه سعر عربيه موديل 2001 ب23 ألف جنيه يعنى يا ريت بس حد يفهمنى الموضوع - انشر الموضوع فى :

-

-

-

-

-

-

-

-

المواضيع المتشابهه

يا جماعة هو معقول عشان أركب جنوط 16 مكان طاسات 15 يكون الموضوع مكلف أوي كده

حد يفهمنى يعنى ايه انذار upgrade

كيا برايد تطلع من سوبارو امبريزا؟؟ يعنى ايه حد يفهمنى

لو سمحتم حد يفهمنى يعنى ايه سينسور بارك وبكام ومنين لانى بخاف من الاحتكاكات

الكلمات الدلالية لهذا الموضوع

المفضلات

المفضلات

ضوابط المشاركة