لحد 160 بتبقى عادى
بعد كده مش عارف أجيب بيها أكتر من 175 جوة القاهرة لأن الدنيا زحمة
عرض للطباعة
لحد 160 بتبقى عادى
بعد كده مش عارف أجيب بيها أكتر من 175 جوة القاهرة لأن الدنيا زحمة
وبعدين أنا مس حاسس بأى مشكلة فى stability و بأخد بيها ملفات فى الأتوستراد على 120 أو 130 و هى عادى
هى مميزتها كتير
1- Toyota يعنى مفيهاش مشاكل
2- موفرة للبنزين أوى
3- واسعة
4- عالية
وبعدين هى معادلة ( الثبات فى السرعات العاليه X علوها عن الأرض علشان المطبات = ثابت )
كل ماتقرب من الأرض كل ما الثبات فى السرعات العالية (أكتر من 180) يبقى أحسن بس هتحك فى كل مطب فى مصر
شوف أنت محتاج أيه وأوزنها
أنت بيتمشى أعلى من 180 كل أد أيه و بتقابل مطب كل أد أيه ؟
والله يا استاذ وائل انت جبت من الاخر
تحت أمرك يا دكتور عمرو
إخوانى الاعزاء
من كثرة إنتقاد ثبات الياريس
تخيلت انى اول ما اركبها هتتقلب بيا !!
بصراحه انا لم اتجاوز سرعة 100 كم/ساعه و كان ال RPM حوالى 2300 لفة/دقيقة .
و للأسباب الاتية لن أتجاوز هذه السرعة .
1- ليس هناك طريق فى مصر تستطيع ان تستمر عليه بسرعة اكبر لمدة طويلة.
2- اى سيارة يقل التحكم بها كلما زادت سرعتها.
3- زيادة لاستهلاك المحرك بدون داعى ( كلما زادت لفات المحرك زاد استهلاكه )
4- زيادة فى استهلاك البنزين بدون داعى ( من وجهة نظر العبد لله )
5 - الوفر فى مدة السفر لا يقابل الزيادة فى المخاطر و فى الاستهلاك ( محرك + بنزين )
6- السفر عملية ممتعة فإستمتع به بسرعة معقوله 120 كم كحد أقصى .
7- اعتقد ان 80% من استعمال أغلبنا للسيارة يكون داخل المدينة ( و ما أدراك ما المدينة !! ) لذلك
نحن فى إحتياج لسيارة مرتفعة عن الارض و هذا متوفر فى الياريس بشهادة الجميع .
أما الحديث عن وضع نظرى و هو إنتقاد ثبات الياريس على سرعة أعلى من 120 كم
فأعتقد انه لكل السيارات فى مصر و طرق مصر هو من باب الدردشة .
و هناك مقولة شهيرة تقول
لا تلعب مع الحظ أبداً
فإن ربح هو
خسرتُ أنت كل شى
بلا داعى ...
و القيادة فى مصر هى حظك يا بو حظيظ !!
يا جماعه في فرق الناس مش بتاخد بالها منه
ان في فرق بين ان العربيه بتعوم لوحدها يعني وانت سايق تلاقي كل مطب هوا على الطريق او اي حاجه على الطريق تلاقي العربيه بتيجي يمين في شمال لوحدها يعني من الاخر متقدرشي تترك الدركسيون لوحده خالص نهائي
وفي عربيه لا تسعفك عندما تاخد ملف جامد على سرعه عاليه او وتحسسك انك عاوز تهدي قوي والا العربيه هتحدفك خارج الطريق
وده الاخير اللي ممكن يكون في الياريس
اما الاول ده اللي كلنا عارفين انه كان في الاكسنت القديمه اللي انا شوفتها بنفسي وهيا بتترقص على الطريق وهيا جديده ومحمله كمان وكل طلعه ونازله على الطريق تلاقيها بتيجي يمين وشمال لوحدها من الخلف
يعني لا تستطيع ان تتركها لوحدها ولو للاحظات
فأرجو ان نفرق في الكلام
بصراحه كلام جميل كلامك يا استاذ وائل و كمان كلام الاستاذ حاتم سليم
بس هل الياريس ينفع معاها بنزين 90 و لا ايه و اخبار قوة الصاج بتعتها
مش عارف ينفع 90 ولا لأ
بس الفرق بين 90 و 92 هو 10 قروش بس مش أكتر
أن عاربيتى أتوماتيك (أستهلاك أعلى من المانيوال) و بفول تقريبا 37 لتر أكتر أو أقل ..وبيبقى التانك مش فاضى ...
التفويله بتعمل حوالى 500 كيلو ... علشان أنا بعمل حوالى 440 كيلو و بيبقى التانك لسة مش فاضى
المهم لو حطيت 90 يبقى هتوفر 3 جنية و 70 قرش بس