الاخوة الذين يقولون ان السيارة بدون مارشادير دة كلام خاطىء لانى ذهبت الى السيارة بنفسى وشاهدت الفتيس بتاعها على الطبيعة لكن طلع فيها مارشادير وناقل حركة متطور جدا
الاخوة الذين يقولون ان السيارة بدون مارشادير دة كلام خاطىء لانى ذهبت الى السيارة بنفسى وشاهدت الفتيس بتاعها على الطبيعة لكن طلع فيها مارشادير وناقل حركة متطور جدا
على فكرة مافيش سيارة فى العالم فيها كل الى احنا عاوزينة
عندك حق فعلا كفاية من صورها و من الكلام دة كله دا مين إلى يروح يدفع 25 ألف جنيه فى الأرض و كمان من كتر الأغراءات كان موجود قسط مقدم 5 ألاف جنيه و حوالى 300 جنيه فى الشهر و بدون فوايد برضة طبعا واضح أنه تهريج × تهريج
أنا فى البدايه كنت متحمس أوى كدة بس مكنتش شوفتها بس طلع كل إلى فى دماغى غلط و أن العربيه أسوء بكتير من لقب عجله حتى
طيب حضرتك طلاما بتدعونا أننا مش نصدق الكلام دة طيب أية الأثبات ؟
الراجل إلى قالنا على موضوع المارشدير محدش فينا صدقة غير لما صور لنا مجله عربيتى و جابلنا صورها و هتلاقيها فى الموضوع لكن أية إلى يثبت صحة كلامك ؟ و هل أنت جربتها ؟ و لو جربتها ليه مصورتهالناش و هيا بترجع لورا أو و هيا بتجرى كدة كنا عايزين نشوفها والله أصل بقالنا كتير عايزين نضحك
ازاى بعد كل دة يطلع واحد ويقول ان راح شاف العربية بنفسة وطلع فيها مارشيدير
ازاى بعد كل دة يطلع واحد يقول شاف العربية بنفسة وطلع فيها مارشيدير
الله أعـــــــــــــــــــلم
و الراجل بيقول انه ناوى يشتريها
قولتلة روح صورها فيديو و هيا بتمشى او بترجع صوت ماتورها كدة عشان على الأقل طلاما أنت مقبل عليها كدة تطمن الناس تورينا و هيا ماشيه كدة و من جوة تصورلنا الحاجات إلى تهم المشترى عشان محدش هيفكر يروح لعربية معيوبة بكل العيوب دى
و فى الأخر طنشنا و مدخلش و عدد مشاركاتة قليلة و مش متابعنا نهائــى شكله كدة
اخيرا اخدنا خطوة للأمام
مقالب ..
الشعب المصرى دائما له حس الفكاهه يا جماعة
تحلوا بحس الفكاهه كدا صباح الفل
ده انا لية اشترى جنط بى ام واجرى عليه ولا اشترى عربية زي دي
والله دي حاجه ممتازه جدا
علي الاقل الي معاه قرشين يعني متوسط الدخل واقل من المتوسط كمان بدل ما يركب مواصلات دي هتبقا زي المواصلات لو مكانتش ارخص وارحم كمان
يارب بس نتطور وميجيش علينا سنه 2050 واحنا بننتج نفس العربيه بنفس الكماليات
شكلك متابعتش الردود :brn:
فعلا ماحنا فى الصفحات دى كلها بنكتشف مصايب سودا بما فيهم إنها صينى و مفيش مارشدير و كلام فظيع كدة والموضوع يعتبر أنتهى بالموضوع دة بصراحه و مفيش حقايق تانيه ممكن أى موقع أو منتدى يعرضها
نايل موتورز و بــــــــــــــس
اخر كلام بقى .... الراجل قال دى عربية 71% من سكان الارض !!!!
وده كلام علمى لأن 71% من كوكب الأرض ماااااااء
تبقى دى / ياعربية بحرية يااما حوض سمك
شفتو بقى ماكناش فاهمينه صح !!
يا جماعة حرام عليكم تحطموا في احلامنا كدة
ماتنسوش اننا حضارة 7 الاف سنة و عندنا الاهرامات و ابو الهول و كوبري 6 اكتوبر
و اذا كان اليوم ملك لامريكا و اوروبا و الصين و يمكن اثيوبيا حتي فان المستقبل لمصر ان شاء الله استنوا بس لما الوصلات بتاع الدائري و المحور يخلصوا ان شاء الله
و اذا كانت امريكا طلعت القمر و المريخ فلسة محدش طلع الشمس!!
منور يا باشمهندس
بس عايز أوضح لحضرتك نقط معينه نتكلم فيها بموضوعيه شوية
فى بدايه الموضوع عايز أقول لحضرتك أنا كنت متحمس بطريقة فظيعة و دا كان باين من أول كام رد
فى الأول الناس قالت دا واحد سافر الصين جاب شوية فوانيس أماميه و خلفية و كاوتش و جنوط و مواتير و جمع العربيات هنا
قولنا لأ يا جماعة دا بيقولوا أن العربية مصريه طلعت فى الأخر خالص العربية فعلا صينيه و بشهادة منه فى مجله عربيتى عارف لو كانت مصريه 100% و مجرد هيكل هيجرها حمارين مثلا ؟
كنت قولتلك يا عم ألف خير و بركه و هنشترى حمارين يجروها لكن دى طلعت مالهاش علاقة بمصر
و أنها أتجمعت فى مصر بأيدى مصريه يعنى لا تفرق عن التوك توك الهندى الذى يتم تجميعه تحت بير السلم
بعد كدة ناس قالت مفيش مارشدير قولت يا جماعة دا أكيد أشاعة دا التوك توك فيه مارشدير ولازم تتأكدوا منها وحرام تظلموه
بعد كدة جابوا صور لمجله أسمها عربيتى بتأكد الكلام دة 100% أن العربيه مفيهاش مارشدير
مجاش فى دماغنا أن العيب ممكن يكون من الماتور و قولنا على الأقل هتكون ماتورها زى الماروتى طلعت فى الأخر سرعتها القصوى 70 كيلو والله أعلم السرعة دى لو حد راكب فيها ولا لو ماشيه فاضية يعنى أنا على مااظن لو أربعةراكبين جوة و أنت جايب أخر غيار فيها ممكن متوصلش بيك لحد 20كيلو فبالتالى طلع العيب فى المارشدير من ضعف الماتور
و أخيرا بالنسبه للسعر لأنها بـ25 ألف جنيه أقولك على حاجة لو عايز تركب عربيه و خلاص بأى طريقة للدرجة دى أنزل الصين زيارة و هات قطع غيار عربيه معترف بيها و أشحنها هنا مصر مش هتدفع فلوس كتير جمارك لأنها قطع غيار هتلاقيها وقفت عليك بـ15 ألف ولا حاجة و تعالى هنا وديها أى توكيل بيشتغل فى الصينى و هيا قطع غيار قولة جمعها هتدفع كمان ألفين جنيه ولا حاجة هتقف عليك بـ17 ألف جنيه و خلاص و العمليه تعتبر هيا هيا مفيهاش أى أختلاف
يا رب وجهة نظرى تكون وصلت و بجد تسلم أيدك على نشرك لحمله مقاطعة شراء السيارات الجديدة فى التوقيع و يا رب يكون الجروب عجب حضرتك و لو عندك أى تعليق انا تحت أمرك
عربيه فاشلة جداااااااا
:POINTIy2[2]::POINTIy2[2]::POINTIy2[2]::POINTIy2[2]::POINTIy2[2]::POINTIy2[2]:
و الله أحلى موضوع قرأته في المنتدي
أنا مش عارف أركز في ماتش أسبانيا من كتر الضحك
و الله يا جماعة دى حتى ممكن ما تكونش صينى أنا كنت فى الصين من فترة و شفت العربيات الصينى اللى ماشيا فى الشوارع عندهم آخر فخامة و جمال و تقفيل ممتاز و تخيلوا الصدمة بقى إنها أغلى من مثيلتها الأوربية يعنى البى إم صناعة فاو الصين بتتباع فى الصين أغلى من البى أم نفس الموديل فى مصر اللى المفرود إنه ألمانى يبقى تخيلوا بقى الزبالة و لا مؤاخذة اللى بتيجى مصر تحت مسمى سيارات صينى دى ممكن تكون معمولة فين و أنا نفسى أعرف الناس ليه بتنسى بسرعة كان فيه زمان كده حوالى سنة 98 عربية روسى كانت بابين و نزلت مصر و كانت ساعتها ب 12 الف جنيه كاش أو تقسيط بمقدم ألفين جنيه على ما أذكر و قسط 150 جنيه شهريا تبع بنك ناصر و شركة المحاريث و الهندسة و رغم إنها من مصنع لادا الروسى لكن لادا كانت دايما بتنكر صلتها بيها و العربية دى تهالكت بسرعة شديدة جدا حتى دلوقتى مالهاش أى أثر فى شوارع مصر يعنى اللى فاكر إنه لما يجيب عربية زى دى أنها صفقة رابحة يبقى غلطان دى بالكثير أوى بعد ركوب لمدة مشوار واحد موتور المتوسيكل بتاعها يفوت و ترميها فى الزبالة و بعدين فتيس إيه اللى كله ورا بعضه و مانيوال ده غير فتيس المتوسيكل أو العربية بتاعت الطفال اللى بالكهرباء أنا مش عارف الناس إزاى ممكن تضحى و تزنق على نفسها و تضيع فلوسها اللى المفروض بتتعب فيها و تجيب حاجة زى الشىء ده يا جماعة حرام عليكوا قوتكم وقوت اولادكم و حرام عليكم نفسكم و أسركم اللى أكيد غاليين عليكم و كلكم غاليين علينا و يارب نشوف عربية بجد صناعة مصرية ده حتى السيارات الصينى الخالصة ما بدأتش بالهبل و لا السذاجة و لا السرقة دى و الله عيب مصر بقت سايبة و المصريين بقوا ملطشة للى يسوا و اللى ما يسواش و أى حرامى ممكن يسرقها فى عز الظهر ربنا يرجعك لينا تانى يا مصر قولوا آمييييييييييين
فعلا اللهم أمين يا رب و ييسر الحال إن شاء الله
و المشكلة أن فيه بدايل كتيرة غير الحاجات دى يعنى والناس بتضيع ألاف على الفاضى و فلوس كبيرة يعنى 25 ألف جنيه يجيبوا حاجة جميله جدا مستعمله و ماركه محترمة طبعا مش هقول أمثله لأن الأمثله كتيرة جدااااااااااا
لكن هنعمل أية للى بيجرى ورا أى حاجة والسلام لمجرد إنها جديدة و فرحان بشكلها العصرى رغم أنه ممكن يصرف ألفين جنيه أو تلاتة و يخلى شكل القديم بأكصدامات و كلام من دة أحسن مليون مره من الجديد
بس أية العربيه اللادا إلى كانت بـ12 ألف جنيه دى ؟؟؟؟
يا جماعة أنتم بتقوله إيه :...يعني هو العربية دي حتى إذا فيها مرشدير هل ممكن حد فيكم يركبها ؟! دي ولا منظر ولا أمان ولا أي شيء,,,,دي فعلا حوض سمك زي مقال واحد من الاعضاء في رد ليه....ياريت نعقلها قبل منفكر ندفع فلوس في حاجة زي دي...إيه اللي يخليني أجيب الصندوق ده مثلا ومجبش المروتي على الاقل اسمها عربية يعني فيها مواصفات العربية الطبيعية اللي هيا شاسيه ومحرك وعجل وكده...الواحد مش بيلاقي الفلوس في الأرض عشان يجب حاجة زي كده,,وأنا مش هاضيع فلوسي عشان اشجع الصناعة الوطنية ( ده على افطراد إنها مصرية أصلا وواضح من الردود دي كلها اننا اتأكدنا إنها مش مصرية) وأجيب حاجة ملهاش معنى ولا اسم ولا منظر ولا أداء ولا أمان...طب وليه يعني ؟! 25000 دول ممكن يجيبوا حاجات كتييير قوي أحسن من الشيء ده 100000 مرة....ياريت بجد....
زي مثلا الشيء الغريب اللي اسمه عربية ده اللي ب 3 عجلات أنا مش فاهم اللي شفته راكبها ده جابها ليه ؟! أكيد بيفكر ينتحر وعايز الموت ييجي بشكل طبيعي ومحدش يعرف إنه انتحر,,,,والله حرام الفلوس اللي تترمي على صناديق الزبالة دي....وحجة إنها عربية جديدة وأول رجل فـملهاش معنى, يعني إيه أكون أول واحد يسوقها,,,وأكون بسوء صندوق موت متنقل ...وماشي ارفان من نفسي وأنا راكبها,,,,
لااااااااااازم نفكر قبل منشوف الحاجات اللي بيضحكوا علينا ويسموها عربيات عشان دي ارواحنا...ولازم ناخد بالاسباب...عربية زي دي اخرها تروح السوبر ماركت اللي جنب البيت عشان إذا مكسل تشييل الحاجات....
معلش طولت عليكوا.....ربنا يستر من اللي حيعملوه فينا بعد كده,,,فعلا وسيلة تحديد نسل.
و الله مش فاكر إسمها خالص بس هيا عربية كانت تشبه الماروتى كده بس خطوطها الخارجية كانت حادة و كانت 2 باب فقط و محرك 800 سىسى أو 1000 مش متذكر أوى و كانت صغيرة جدا و تتحشر فيها بس كانت عربية فعلا و اللى جابها مصر فى 98 أعلن إنها لادا و لادا نفت إنها تبعها و أعتقد إنها كانت رومانى مش روسى ده اللى فاكره عنها لأنها ما بقتش موجودة فى السوق خالص و لا حتى على الطريق بتاتا
رد جميل و مفصل و وافى بصراحه مينفعش يتقال بعده كلمة زيادة
و ربنا يبعدنا عن الحاجات دى و ييسر الحال إن شاء الله و نشوف حاجة فعلا مصريه بدون نصب
ممكن تكون تافاريا دى ماهى دى اللادا الوحيدة إلى محدش يسمع عنها إلا نااااااااااادرا والله أعلم
لا التافاريا كانت أكبر منها دى كانت عربية محندقة لقيتها على النت كان إسمها لادا أوكا
و دى صورتها يا باشا
العربيه أة أستهلاكيه جدا يعنى ممكن بعد كام سنه تترمى بس حسب الأستخدام
و على فكرة أنا شوفت الأوكا 2 منها و أصدار رسمى مش معدل و على النت (يمكن دى الروسية و الأولى الرومانيه)
بس حتى لو دى روسيه بتوع روسيا مش بيعترفوا بالتصاميم والأحجام دى :mahf(5):
http://pitstopbrasil.files.wordpress...08/08/lada.jpg
http://57.img.v4.skyrock.com/574/rom...1472499516.jpg
ماتورها 600 سي سي يبقى موتور غسالة او مكنسة وعيب اوووووووي نقول انها مصري دي عربية صيني معمولة بمواصفات رديئة عشان المستورد المصري لا يرغب الا في السعر الرخيص انا بصراحة ما شوفتهاش ولا جربتها بشكل فعلي لكن حتى من خلال وصف الشركة مواصفاتها رديئة جدا ومتستحملش العيشة في مصر هي ممكن تستعمل كوسيلة نقل داخل المزارع او المدن الصغيرة زي حي الاشجار
مشروع كويس بجد
يا جماعة أنا ركبت العربية نانو ايجبت
العربية غير عربية نانو تاتا
وكيلها حب يقلد نانو تاتا ونقل مواصفات نانو تاتا ونسبها لعربيته علي أمل انه يحقق مكسب مادي ضخم من وراء الفكرة
أوأكد ان العربية بيها مارشدير لاني كما قلت أنا ركبتها
الفكرة كويسة لاكن الوكيل غير واضح وكل شوية برأي مرة يقول حصنع في الصين ومرة يقول حجمع هنا وحتي الان لم يطرح السيارة ؟
المحرك واحد سلندر 200 سي سي , صوته مرتفع كالتوك توك
مرفق صورة لنانو المعدلة لان الوكيل نزل نسخة معدلة غير القديمة
الحل الوحيد ان وزير التعليم يدى العربيات ديه للمدارس تتوزع على الطلبه على الاقل عشان ميتأخروش على طابور المدرسه هههههههههههههههه
بس احتمال انها مش هتستحمل الشباب ده لو واحد رجليه تقلت على الدواسه احتمال 99.9999 % الماتور يفوت
احسن حل بجد يحطوها فى مدينه ملاهى كبيره للتنقل داخل المدينه الملاهى ويتم تأجريها بالساعه ب 150 قرشا بتمن ساعه نت هههههههههههههههههههههههه
اهوه عشان الشركه تحقق ارباح
http://www.mcarab.com/images/200903/...ata_nano_3.jpg
ده تابلوه التوك توك اشيك هههههههههههههههههههههههه