المشاركة الأصلية كتبت بواسطة horas3000
الله ينور عليك
يعني كونتاكت و معروف انهم نصابين و احيانا ضايعين فلما حطوا صورة التاتا نانو قولنا معلش اهم بيصيتوا للعربية و مش كل الناس عندها نت لكن لما جريدة رسمية زي الجمهورية تضحك علي الناس يبقي لا.
غير كده العربية اللي بيقولوا عيها مصرية 100% مقلوش ليه انها مصصمة في الصين و ان الدفعات الاولي جت من الصين فعلا و الله اعلم ابتدوا يجمعوها هنا و لا لا.
ده غير انهم فرحانين و بيقولوا ان العربية صاج 100% و ده طلع صحيح و ده معناه ان اي حادثة العربية دي هتكون طرف فيها قول علي اللي فيها يا رحمان يا رحيم لان اكيد مفيهاش لا كراش زون و لا بطيخ.
عشان لما اقول ان العربيات دي وسيلة لتحديد النسل محدش يضحك عليا
فعلا عندك حق يا حوراس يعنى عيب أوى لما جرنان زى الجمهورية من الجرايد الخاصة بالبلد يعنى (الأخبار - الأهرام - الجمهورية) دى جرايد تحت أشراف حكومى كمان و مش أى صحفى بيكتب فيها أى مقال المفروض الحاجات دى الناس تركز فيها لأن كدة عيب بصراحه الناس دى وعدت الشعب و خليت الشعب يفكر فى كدة و فى الأخر يطلع المكتب شقة مفروشة ؟
ليه يعنى هوا جيل للشعر مصنوع تحت السلالم ؟
دى عربية يعنى أرواح ناس جواها و معرضة للموت فى أى لحظة
و لما هيا فعلا تصنيع مصرى ليه بقى سعرها عالى كدة كمان دا لو تصنيع مصرى و بالأمكانيات دى هتكون بالكتير اوى 15 باكو و يحمد ربنا أحنا قولنا التقسيط مكانش حد هيحس بيه لكن بصراحه مش عارف أقول أية غي
ر حسبى الله و نعم الوكيل فى مروجى الأشاعات و إلى بيستفيدوا منها ماديا
المفضلات