عايز اروح المعامل الطبيه

**KSA2011** · 14-02-2010 11:55 AM

دلوقتى يا جماعه انا وصلت المؤسسه وهركب المترو تمام انزل محطه ايه الى تودينى المعامل الطبيه بتاعه تحاليل السفر الى فى ميدان التحرير ؟

**mohamed_kta** · 14-02-2010 12:08 PM

محطة أنورالسادات و بعدها أخل بجوار سورالجامعة الامريكية شمال أتجاه وزارة الداخلية أسم الشارع الشيخ ريحان و توصل بالسلامه

**KSA2011** · 14-02-2010 03:45 PM

الله يسلمك يا محمد باشا ربنا يخليك
بس هل هحتاج مواصله او ركوبه تانى لما انزل من المحطه عشان هيبقى معايا اختى ووالدتى

**الغزالى** · 14-02-2010 04:05 PM

احلى حاجة يا دكتور بعد اما توصل المؤسسة تركب اى ميكروباص رايح التحرير عشان المترو زحمة بس وبعد اما توصل التحرير خد تاكسى وقولة شارع الشيخ ريحان (ان معرفش فين المعامل دى بس على كلام الاعضاء انا بس بوضحلك الطريق) وان شاء الله من التحرير الطريق مش هايخد 10 دقائق وممكن تلاقى الميكروبصات بتقول مظلات وبعد كدة بتكمل التحرير بس دة عشان تاخد الاجرة 2 وربنا يسهل ان شاء الله ولو عزت حاجة احنا معاك اهو

**KSA2011** · 14-02-2010 08:18 PM

انا كده ما فهمتش حاجه يا محمد
طب لو رحت بالعربيه وانا ما اعرفش اى حاجه فى اى حاجه هوصل ولا هتبهدل ؟

**KSA2011** · 14-02-2010 08:29 PM

من المنصوره وما اعرفش اى حاجه فى القاهره غير انزل المؤسسه واركب المترو
خايف الدنيا تبقى زحمه واتخنق واتوه

**ghazy12** · 14-02-2010 08:43 PM

المشاركة الأصلية كتبت بواسطة KSA2011

من المنصوره وما اعرفش اى حاجه فى القاهره غير انزل المؤسسه واركب المترو
خايف الدنيا تبقى زحمه واتخنق واتوه

لأ يبقى سيبك من العربيه خالص لأنك مش هتستحمل الهدوء اللي احنا في

الأفضل المترو..... و هتنزل محطة السادات و تطلع من مخرج الجامعه الأمريكيه...

هتلاقي سور الجامعه جنبك... خليه على شمالك و امشي قدام... هتعدي على مجلس الشورى, عديه و كمل
هتلاقي مجلس الشعب, ادخل من شماله... هو ده شارع الشيخ ريحان و فيه باب مجلس الشعب

المفروض و حسب معلوماتي ان المكان اللي انت رايحه ده في وزارة الصحه و دي في شارع مجلس الشعب

شارع مجلس الشعب هو الشارع اللي بعد الشيخ ريحان لو انت ماشي حسب الوصف بتاعي ده

و من محطة السادات لشارع الشيخ ريحان مسافه تتمشي عادي....

لكن لو هتروح وزارة الصحه في شارع مجلس الشعب, ممكن تسهل على نفسك و تطلع من التحرير اقرب

**KSA2011** · 14-02-2010 09:08 PM

لا هى المعامل الطبيه بتاعه تحاليل السفر
ربنا يخليك يا باشمهندس غازى
هو فعلا موضوع العربيه مش هينفع زى ما توقعت

**mahmoud_magdy** · 14-02-2010 09:26 PM

في مواصله من المنصوره بتنزلك رمسيس مش كدا !!
لو موجوده يبقى اركبها وخد تاكسي علطول اول ما تنزل منها
والتحرير جمب رمسيس كلها دقائق معدوده

لو عاوز تروح بالعربيه (انا بفضل العربيه مهما كانت الظروف عشان البهدله وخلافه مهما اتخنقت وتعبت بس انت في عربيتك بكرامتك)
والطرق في القاهره مش صعبه اوي ولا تتوه
ديتها اول ما توصل المؤسسه هتمسك الكورنيش لحد التحرير وهناك تسأل وما شاء الله كلهم بيفتو وبيحبوا يساعدو
بس نصيحه اسأل كذا شخص عشان تقدر تعرف الطريق الصح لان في واحد منهم ممكن يتوهك
اقولك
روح مواصلات احسن ههههههههه

-

الموضوع: عايز اروح المعامل الطبيه

LinkBack

أدوات الموضوع

عرض

-

-

-

-

المواضيع المتشابهه

رموز التحاليل الطبيه و معانيها

سؤال - حد يعرف شركه الاندلسيه للخدمات الطبيه؟

عايز اروح بورسعيد ؟ازاى اروح

احذروا معامل المختبر ومعامل ميديكا لاب . نتائج المعامل غلط

احذروا معامل المختبر ومعامل ميديكا لاب . نتائج المعامل غلط

الكلمات الدلالية لهذا الموضوع

المفضلات

المفضلات

ضوابط المشاركة