تجربة نصب.

**محمد محمد** · 14-02-2010 07:00 PM

ما زلنا في نفس المجال الخاص بالعقارات.
2 من اقاربي اخوة واحد منهم خاطب عندهم بيت وكل واحد ليه شقة هيتجوز فيها والمفروض انهم بيوضبوها علشان يجوزوا فيها مرة الأخ الكبير قرأ اعلان في الجرنان عن اراضي زراعية للبيع وفيها نسبة مباني في بني سويف يعني اي وحد هيقرأ الأعلان هيلاقي انه حلم فيلا بتطل علي الغيط...يا سلاااام وعلي الفور شاور والده ووالده وافق علي انهم يروحوا يشوفوا الأرض وطبعا من خلال خبرة والدي نصحناهم بأنهم مايشتروش الأرض دي وقرروا انهم يبيعوا بيتهم علشان يشتروا الأرض كاش وتم الأتفاق عن طريق سمسار بالمنطفة علي بيع البيت لكن المشتري لم يأتي فقرروا انهم يشتروا الأرض بالتقسيط وطبعا لما راحوا يشوفوا الأرض لاقو واحد معاه عربية فارهة والغني باين عليه وحواليه ناس بيتفرجوا (ناس تبعه) ويقول البشمهندس فلان اشتري 15 فدان فاضل كده 6 افدنة والأرض تخلص راح قرايبي اتصرفوا في الفلوس عن طريق جمع المال من اصدقائهم في العمل واشراكهم في الأرض وبسبب موضوع الأرض ده تم فسخ الخطوبة للأخ الأكبر....بعد ذلك ذهب قريبي ليتعاقد ومعه جزء من المبلغ ليدفعه مقدما رغم الحاحنا الشديد عليهم بالتراجع عن هذه الفكرة....وذهب لوحده وعندما اراد ان يعدل بند في العقد رفض النصابون ونظروا له بعينيهم نظرة تهديد فوافق علي شروطهم ومضي ايصالات امانة علي بقية الأقساط...بعدها بفترة ذهب ليدفع اول قسط وجد ان النصابون قد تركوا مكتبهم وتبين ان المكتب كان مؤجر ثم ذهب لصاحب الأرض الأصلي قال له انهم كانوا بالفعل يسوقون له الأرض ولم يعد يعلم عنهم شيئا.

**محمد محمد** · 14-02-2010 07:04 PM

المشاركة الأصلية كتبت بواسطة evo

احم
مش فاهم حاجة بصراحة

هو فين بقى النصب في إن الاسم التالت مكتوب غلط

الأسم الثلاثي لموظف الشهر العقاري وامضائه بيبقوا مكتوبين في العقد الموظف لقي اسم جده مكتوب غلط وكده اكدله شكوكه ان العملية فيها نصب بس اللى يحير ان ازاي النصابين دول قدروا يجيبوا رخصة صحيحة من الجهاز بختم نسر صحيح.

**abogogo** · 14-02-2010 07:12 PM

سمعت عملية نصب على تاجر تحف وانتيكات عنده محل كبير دخل عليه شخص لابس بدلة ونازل من عربية شيك ودخل المحل ظل يتجول في المحل ووقف امام فاظة قديمة وسأل صاحب المحل بيكام دي ؟ قال له صاحب المحل 4000 جنيه ولسه هيشرحله ان الفاظة دي خزف اصلي وقديمة الراجل قطع كلامه وقال له هخدها خلاص وذهب للعربية واحضر 4000 جنيه ودفعهم ومشي صاحب المحل كان مبسوط انه باع بيعه محترمة بعد 4 ايام يدخل المحل راجل لابس قميص وبنطلون ونظارة وماسك في ايده ملف مكتوب بالفرنسيه وفيه صورة الفاظة اياها ويقول لصاحب المحل انه مندوب متحف اللوفر في فرنسا في مصر وفيه في المتحف حجرة بيعملوها لمقتنيات لويس التاسع عشر وفيه ترابيزة عليها اتنين فاظة كانو هدية من امبراطور الصين المتحف عثر على وحدة والتانية موجودة في مصر لما تتبعوا الفاظة المفقودة عرفوا انها ايام الثورة الفرنسية اتباعت لكذا شخص حتى علموا انها اخر ظهور ليها كان في مصر والمتحف مكلفة بالبحث عنها في قصور وفيلات مقتني التحف ومحلات التحف والانتيكات والمتحف مستعد يدفع فيها لحد 250 الف يورو طبعا صاحب المحل كان هيغمى عليه من الحصرة الراجل المندوب ساب له كارت مكتوب بالعربي والفرنسي مندوب متحف اللوفر ورقم تليفون مكتب ومحمول بعد اسبوع يدخل الرجل اللى اشترى الفاظة بـ 4000 جنيه عامل نفسه بيتفرج على حاجه جديدة يشتريها صاحب المحل يجري عليه ويسأله على الفاظة يقول له والله انت طلبت سعر وانا مافصلتش معاك ولو كنت طلبت اللى انت عايزة انا كنت هديهولك صاحب المحل قال له هديك 10000 آلاف جنية ويرجع الفاظة الراجل رفض وقال له انا اعرف قيمتها وفضل معاه لحد ما وصلت لـ 100000 الف جنيه صاحب المحل اتصل بمندوب المتحف فرد المندوب وقال له خدها بأى تمن انا في الاسكندرية وهاجي بكرة اخدها منك رجع صاحب المحل للراجل وقال له هجيب فلوس من البنك وهات الفاظة وتمت المبادلة وظل صاحب المحل منتظر المندوب لكن فص ملح وداب ( النصاب بيلعب على طمع الضحية ) وعذرا للاطاله

**محمد محمد** · 14-02-2010 07:15 PM

العامل المشترك اللى بين النصابين انهم راكبين دايما عربية فخمة ولابسين بدل وباين عليهم الوجاهة.

**powerofhelll** · 14-02-2010 08:12 PM

كنت فاتح محل زمان دخل عليه واحد و قالي انت بيشيك علي طفايه الحريق و اخد مني 25 جنيه اكتشفت بعد كده انوا نصاب

**mfarag** · 18-02-2010 12:18 PM

بسم اللة الرحمن الرحيم

عمليات النصب فى الالراضى و العقارات احد اهم اسبابها عدم تطبيق نظام السجل العينى . مما ادى الى مشاكل عديدة فى اثبات و تحديد الملكية

**Abdm** · 18-02-2010 01:32 PM

المشاركة الأصلية كتبت بواسطة abogogo

سمعت عملية نصب على تاجر تحف وانتيكات عنده محل كبير دخل عليه شخص لابس بدلة ونازل من عربية شيك ودخل المحل ظل يتجول في المحل ووقف امام فاظة قديمة وسأل صاحب المحل بيكام دي ؟ قال له صاحب المحل 4000 جنيه ولسه هيشرحله ان الفاظة دي خزف اصلي وقديمة الراجل قطع كلامه وقال له هخدها خلاص وذهب للعربية واحضر 4000 جنيه ودفعهم ومشي صاحب المحل كان مبسوط انه باع بيعه محترمة بعد 4 ايام يدخل المحل راجل لابس قميص وبنطلون ونظارة وماسك في ايده ملف مكتوب بالفرنسيه وفيه صورة الفاظة اياها ويقول لصاحب المحل انه مندوب متحف اللوفر في فرنسا في مصر وفيه في المتحف حجرة بيعملوها لمقتنيات لويس التاسع عشر وفيه ترابيزة عليها اتنين فاظة كانو هدية من امبراطور الصين المتحف عثر على وحدة والتانية موجودة في مصر لما تتبعوا الفاظة المفقودة عرفوا انها ايام الثورة الفرنسية اتباعت لكذا شخص حتى علموا انها اخر ظهور ليها كان في مصر والمتحف مكلفة بالبحث عنها في قصور وفيلات مقتني التحف ومحلات التحف والانتيكات والمتحف مستعد يدفع فيها لحد 250 الف يورو طبعا صاحب المحل كان هيغمى عليه من الحصرة الراجل المندوب ساب له كارت مكتوب بالعربي والفرنسي مندوب متحف اللوفر ورقم تليفون مكتب ومحمول بعد اسبوع يدخل الرجل اللى اشترى الفاظة بـ 4000 جنيه عامل نفسه بيتفرج على حاجه جديدة يشتريها صاحب المحل يجري عليه ويسأله على الفاظة يقول له والله انت طلبت سعر وانا مافصلتش معاك ولو كنت طلبت اللى انت عايزة انا كنت هديهولك صاحب المحل قال له هديك 10000 آلاف جنية ويرجع الفاظة الراجل رفض وقال له انا اعرف قيمتها وفضل معاه لحد ما وصلت لـ 100000 الف جنيه صاحب المحل اتصل بمندوب المتحف فرد المندوب وقال له خدها بأى تمن انا في الاسكندرية وهاجي بكرة اخدها منك رجع صاحب المحل للراجل وقال له هجيب فلوس من البنك وهات الفاظة وتمت المبادلة وظل صاحب المحل منتظر المندوب لكن فص ملح وداب ( النصاب بيلعب على طمع الضحية ) وعذرا للاطاله

هو طبعا قدر الله وما شاء فعل
طبعا الراجل صاحب المحل كان راجل بردة على نيتة ومكنش حريص زيادة عن اللى الزوم
من خلال التجربة فى حاجات ممثلة والسمع الآسلوب الصح و الآمثل فى الظروف دية لتجنب النصب وهنفترض أن الموضوع حقيقى أن صاحب المحل يربط مع الراجل اللى معاة الفازة أنة مستنى فلوس من ناس ويديلة معاد حسب الآتفاق مع الراجل التانى بتاع اللوفر لما يجيبلة الفلوس وبعدان يدفع منها للراجل التانى . على فكرة الآسلوب دة اللى هو أدفع من فلوس دة لدة اللى هو واحد تانى دة هو أسلوب التجار دلوقتى أنة ما يدفعش أبدا حاجة من جيبة الشخصى . بل يدفع من جيب مشترى أخر
للآسف الآسلوب دة بيعملوة التجار حتى مع الناس الحسنة والكويسة مش مع الوحشين بس أو اللى محل سوء ظن فقط . بيعملوا كدة مع الكل وبقى أسلوب حياة للآسف أنة بياخد عاطل مع باطل أو خير مع شر . وربنا يحمينا ويسترها معانا يا رب

**Abdm** · 18-02-2010 02:10 PM

المشاركة الأصلية كتبت بواسطة mfarag

بسم اللة الرحمن الرحيم

عمليات النصب فى الالراضى و العقارات احد اهم اسبابها عدم تطبيق نظام السجل العينى . مما ادى الى مشاكل عديدة فى اثبات و تحديد الملكية

بالآضافة لكلام حضرتك فى أسباب كتير قوى مهمة قبل التسجيل وهو حصل معايا مثال قبل كدة أنا هشرحة للعظة والعبرة

1 _ لو هتشترى فى أرض زراعية مثلا لآزم تكون هتشترى كاش وتستلم وتسجل للأسف اللى

حصل معايا أنة أشتريت تقسيط بمقدم وكتبت عقد أبتدائى طبعا غير خاص ومش مسجل

دة كلة مش مشكلة كبيرة لو الراجل مش ناوى ينصب فى الفلوس

المشكلة لما تيجى تستلم مش بسلمك فى نفس المكان دة لو سلمك أصلا لو قدرت تستلم هيكون بعد فترة طويلة لغاية ما يوصلها المبانى لآنك مش هتعرف تبنى علشان فى قضايا للبناء فى وسط الآراضى الزراعية وهيسلمك كمان بعد مشاكل كتيير قوى قوى وقضايا وحوارات كتيير ولم يستدل علية والآفلام دية كتيير قوى .اللى بيحصل أنة بيحاول ما يسلمكش و يجبرك أنك تقولة أنا هبيع وهو يديك فلوسك وعليهم مبلغ قليل طبعا نسبة الزيادة بيعتبر كأنى حططهم فى بنك مش المكسب الحقيقى لسعر المتر بعد ما عدا فترة طويلة سنتين ثلاتة مثلا . ما الواحد بيقسط على أد الحال .المهم فى الآخر بتأخد فلوسك بس بتبقى ما كسبتش كتير أو ما أخذتش حقك بالكامل وهو بعد كدة يبيع الآرض تانى وثـالت ورابع .....الخ ويكسب طبعا من تشغيل الفلوس اللى بتدفع مقدم

2- أهم حاجة تعرف مين اللى حواليك من الناس فى حدودك اللى تكون واضحة فى العقد وأنت على مسافة أد أية من الشارع الرئيسى ويكون كلة مكتوب فى العقد وتقرأ العقد كويس وتفصصة ولو ليك أى ملحوظة لآزم تتنفذ أو تضيفها فى العقد وتكتبها ولو حصل عدم موافقة من الطرف التانى يبقى فشكل الموضوع وتراجع . وطبعا لازم وحتما يكون فى ناس شهود فى الوقت دة . ولما تدفع الفلوس تخلى الراجل صاحب الآرض يديك وصل أمانة بالمبلغ اللى أنت دفعتة لغاية ما يسجل ويسلمك وبعد كدة أدهولة تانى رجعة لية تانى ...

أهم حاجة ودية أنا بردة وقعت فيها ألا وهيا وأجهت البيت لآزم طبعا تكون كويسة يعنى أقل حاجة مقبولة 9 متر واجهة يعنى لآزم أسئل عنها وأعرف الطول والعرض بالضبط ويكون كل دة بردة مكتوب فى العقد بالطول والعرض والواجهة بالذات

3 - اللى عايز يشترى لآزم يكون معاة فلوس كاش ذى ما قلت علشان يستلم أهم حاجة ويسجل العقد
وأهم حاجة لو عايز أمان أكتر يكون وسط بيوت ومبانى يعنى مايكونش زراعة أو خلاء علشان يكون فى حدود ومعالم تقدر تثبت بيها حقك . وربنا يسترها معانا ويبعد عننا الشر والآذى يا رب ولآزم الآنسان يحترس والواحد ما بيتعلمش بالساهل خالص أبدا لآزم التجربة أو الخبرة أو النصائح من الآخوة والآقارب والآصدقاء . ودة اللى أنا بحاول أعملوة دلوقتى علشان الآخوة كلهم يحترسوا ويتعظوا والله خير حارس ومعين . وربنا يسترها معانا جميعا يا رب