عرض للطباعة
عديت النهارده على الأستاذ محمد كامل وجبت شويه معلومات
١) الألبيا فعلا هتنزل وتجميع تركي (كبديل للسينا) وهتنزل بالموتور ال٩٠ حصان زي الي كان في البرافو ١٤٠٠ إتنين كامه
٢) الجراند أول ما الإيفو هتنزل هيبطلوا يجيبوها مش زي ما إتقال إنهم هينزلوا هما الإتنين مع بعض
الف شكر على الموضوع
العفوا على إيه
يعني كدا السينا والجراند باي باي
أيوه :vctry: بس الي نازلين بدلهم أفضل بكتير
وديه المشكلة اللي قابلتني .... ازاي اكون لسه شاري العربية وبعدين يتوقف استيرادها المفروض التوكيل مسؤل عن توفير قطع الغيااار
ما هي دي مشكله بس مش بتبقى بمزاج التوكيل قوي وإن كان جزء في إيدهم لكن لو بره قالوه خلاص أو لو العربيه مبعتش كويس مبتبقاش بمزاجة بس هما المفروض يكون عندهم كل قطع الغيار
كده تمام زى ما قلت :http://www.nilemotors.net/Nile/3872365516-post23.htmlاقتباس:
المشاركة الأصلية كتبت بواسطة yoko
و شكرا على معلومة سعة الموتور ...بس يا ترى قالك السعر فى حدود كام ؟؟
انا السعر اللى وصلى انها نازلة تقعد الفيرنا و الاكسنت و الساجا و الريو فى البيت و خصوصا انها من جوه حاتبقى حاجة نضيفة ان شاء الله انضف من كل العربيات اللى انا ذكرتها
الجراند حاتفضل تنزل بس اخر فئة بس اللى هيا كوبيه تربو
بس الناصحيين جايبين تقريبا كل الدفعة اسود :majd(4):
العفوا ومعرفش السعر وليه كل الجراند الكوبيه سوداء ده غباء
غباء غريب فعلااقتباس:
المشاركة الأصلية كتبت بواسطة yoko
العربية دى تتركب احمر،ابيض،اصفر و اخيرا اسود
انت شفتها ؟؟
عموما بص عليها و حاتعجبك جدا :B4_007: بس سعرها :T_thum1[1]: لو ينزل شوية او هما يعملوا تخفيض عليها كده زى البرافو ال 150 حصان
تبقى فل الفل :verygood:
بقولك ايه يا باشا "ما تقرصلنا عليهم فى سعرها و نشوف اخرتهم ايه" :U_thin1[1]:
فعلا وهي تتركب أحمر أو أحمر في أبيض تبقى تحفة ويا سلام لو سعرها ينزله ٥ ألاف تبقى ملهاش حل وتقعد عربيات كتير في البيت وللأسف بتوع المبيعات أخرهم ألف جنيهاقتباس:
المشاركة الأصلية كتبت بواسطة gemino
للاسف فعلا :N_no[1]:اقتباس:
المشاركة الأصلية كتبت بواسطة yoko
بس ممكن يتعمل عليها زى ما اتعمل على اللينيا اعلى فئة من حاجة و 30 ل 112 بس و خصوصا ان سعرها ده حايخليها تفضل قاعدة كتيير
مين عارف
يا رب :ask:
أعتقد أن إيقاف استيراد السيارات بشكل مستمر من علامات تخبط الوكيل وسوء إدارته وعدم اتخاذه القرار السليم. بكل المقاييس ممكن البرافو تكون أنجح من الحالي بكثير، ولكن لا يتحمل فشل أي سيارة من سيارات فيات إلا الوكيل الذي لابد من أن يقتنع بشيء واحد وهو: أنه فاشل تسويقياً، فاشل، رغم أنه قد يكون جيداً في أشياء أخرى.
بالمناسبة الألبيا عربية جيدة جداً وأفضل من الفرنا بالتأكيد، ولكن هل ستنزل بناقل حركة يدوي أم توماتيكي؟
وبالمناسبة أيضاً، 90 حصان موضوع فاشل.
وبالمناسبة كذلك الفشل الذريع السابق للألبيا (البترا سابقاً) ليس للسيارة أي ذنب فيه.
الذنب كله على الباشا الوكيل سيء التسويق والدعاية.
بصراحة فعلا التسويق عندهم :N_no[1]:اقتباس:
المشاركة الأصلية كتبت بواسطة aljurjani
حاولنا نكلمهم وكل اللى قالوه احنا عارفين بنعمل ايه :dontudear:
سياسة غريبة جدا
انهم يوقفوا بيع موديل لنزول موديل تانى
ده هيؤدى الى نزول سعر المستعمل لعدم توفر قطع الغيار وصعوبة الصيانة
انا معاكو ان التسويق فاشل فعلا و نايم فى العسل
بالنسبة لنقطة 90 حصان
90 حصان فى ال 1400 معقول جدا و يعتبر فاشل لو العربية 1600 سى سى و ما اعتقدش انها حاتنزل اوتو
بالنسبة لموضوع الجراند بونتو و الايفو
تسويق الايفو فعلا حاينزل سعر المستعمل فى الجراند بس مش حايصعب فى عملية الصيانة و لا قطع الغيار لان لغاية دلوقتى الموتور اللى نازلة بيه الايفو هو هو موتور الجراند بونتو الفاير ال 77 حصان و التغيير حايبقى فى الداخل و الفوانيس و الصوادم الامامية و الخلفية بس
و كل الكلام ده يتغير لو نزلت الايفو بموتور المالتى اير
مده الي حصلي في 2006 و علمت موضوع عنه ..
كنت شاري الباليو بتاعتي ب 68.000 جنيه , وقالي الضمان سنة واحدة بس ! انا كنت معجب بيها ب"هبل " ساعتها .. فمرقش معايا .
بعض ماشترتها بكام شهر . رفعوا سعرها الى 72.000 و رفعوا الضمان الي 3 سنوات .
بس فكان في واحد صاحبي عايز يجيبها .. اننا نلاقيها !
وقفوا استيرادها مرة واحدة و هي مكملتش 6 شهور على بعض في السوق . و نزلوا مكانها البونتو الكلاسيك .
طبعا دي عملتلي مشكلة كبيرة جدا .. اولا في سعر اعادة البيع و ثانيا و اهم ان مفيش حد من التجار اهتم بيها اوي .. الا يدوبك من اول السنة الي فاتت ابتديت الاقي حاجتها برة التوكيل .
انا طبعا كاره التوكيل من يوميها بس لازم اقول نقطة في حقه .. او مش في حقة بس المشكلة مش مشكلته ..
المشكلة انهم مش بيبصوا لقدام !
بمعنى ..
لما بداوا في استيراد الباليو الشكل الجديد و السيينا الشكل الجديد و الالبيا كمان كانت موجودة و الاونو فاير . كانوا من البرازيل و تركيا .
البرازيل وقفت الباليو , علشان نزل منها شكل جديد بس بمحرك مش بنزين .. و بالتالي التوكيل وقف الباليو و راح لايطاليا جاب البونتو ..
بعدين فكروا في الصين .. راحوا جايبين الباليو و السيينا الصيني الشكل القديم من هناك ..
مفيش كام شهر .. . مصنع فيات في الصين و الشراكة الي هناك اتلغت و اصبح مصنع قطع غيار فقط .
و بالتال اتوقف الباليو و السيينا الصيني .
جايين دلوقتي يفتكروا تركيا تاني ..
طب من الاول خــــــــــــالص
الباليو و السيينا و الالبيا موجودين في تركيا و 1600 كمان !
على اي حال من الاحوال انا نفسي لا ينزلوا الباليو و لا السيينا و لا الالبيا .. لان دي كلها سيارات قديمة جدا و معككوكة على بعضها لدول العالم الثالث زي اللوجان كدة ..
يعني المفروض اصلا ان الالبيا كانت حتبدل السيينا و الباليو ... بس ده محصلش و فضلوا جنب بعض الى الان .
و المفروض ان الماريا كانت تبدل الالبيا .. محصلش برده ..
بس الماريا اتوقف انتاجها و حلت محلها اللينيا .
انا شايف انهم يكتفوا بالبونتو الكلاسيك , ولو لازم عربية سيدان يبقى الالبيا ال 1600 و فيه منها اتوماتيك على فكرة و كانت نازلة زمان عندهم بس ب 84 الف جنيه او حاجة كدة .
ياريت اللى يعرف الاسعار الجديده يقولنا
[frame="7 80"]
يعنى الواحد يبقى لسه مشترى الجراند بونتو 2010 ويقولو معلش اصل هى مش عتنزل تانى ده ايه التخبط ده اما قطع الغيار الداخليه مش مشكله لان هى هى الايفو بس الفوانيس وخلافه هو ده المشكله ربنا يستر
[/frame]
يوكو أنا لما دعبست علي الألبيا ملقتش منها 1400 ولا تسعين حصان دية خالص !اقتباس:
المشاركة الأصلية كتبت بواسطة yoko
انا اعتقادي انها حتنزل زي السيينا بالظبط موتور 1400 كامة واحدة 77 حصان
علشان ينزلوها في نفس الفئة السعرية بتاعت الأفيو و الفيرنا
بس علي الله تنزل بس بشوية كماليات كويسة
ياجماعة الي شاري جراند بونتو و الحاجات دي كلها قطع غيارها متوفرة و حتفضل توفر !
انتم محسسني ان اي عربية لما بينزل شكل جديد منها القديمة بنرميها في الزبالة و نلحق نبيعها !
عادي جدا .. انتاج قطع الغيار مابيقلش ولا يبوقف الا بعض 10-15 سنة ده غير المصانع الاخرى . . فدي حاجة متقلقش .
وبعدين كون الايفو نزلت .. الايفو دي التطور الطبيعي للجراند , يعني شكل جديد و احنا عاملين عنها مواضيع من 3-4 شهور فاتوا .
+1111اقتباس:
المشاركة الأصلية كتبت بواسطة cryptonx
وانا قولت ده قبل كده، قطع الغيار مش ليها دعوة بانتاج السيارات، المصنع بينتج قطع الغيار عادى خالص والعربية لسه بتتباع بره التوكيل هنا بس اللى مش ها يجيبها، يبقى قطع غيارها هاتكون موجودة عادى وعلى فرض ان انتاجها وقف فى العالم كله، المصنع ملزم بانتاج قطع الغيار للموديل اللى وقف انتاجه لمدة 10 سنين من وقف انتاجه، وكمان فيه مصانع قطع الغيار البديلة اللى ها تفضل متوافرة بجانب قطع الغيار الاصلية.
ده غير يا محمد إنها لسه بتتباع بره جمب الإيفو
تمااام طمنتني ياكريم باشا بالنسبة للباليواقتباس:
المشاركة الأصلية كتبت بواسطة cryptonx
وحكاية ال90 حصان دي إتقلي كده لكن معرفش هينزلوا إيه بالظبط