بخصوص النقلات المانيوال - أيهما أفضل للموتور و الاسطوانة ؟
سلام عليكم
معلش سؤال غلس كمان و يا رب الناس تستحملني
:))
دلوقت نفرض ان واحد بينقل على سرعات 20 - 40- 60- 80
بيحصل و الواحد ماشي على التالت مثلا ان يضطر يهدي لحد ما سرعة العربية تبقى 30 و ممكن 20 كمان
في الحالة دي الأفضل للموتور و اسطوانة الدبرياج ان الواحد يجيب التاني و بعدين يكمل مشي ؟ ( ده على اساس ان المشي على سرعة اقل من سرعة الغيار بيحمل على الموتور و اسطوانة الدبرياج
ولا ان الواحد يكمل على نفس الغيار بتاعه ويطلع بيه و بكده يبقى وفر على نفسه نقلة و بالتالي وفر شوية في عمر اسطوانة الدبرياج ؟
ظني انا ان الاختيار التاني هو الصحيح , بس له حد معين اقل منه مفروض الواحد ينزل غيار
ايه رأي الإخوة الأفاضل و الأساتذة الكبار ؟